Աստվածաշնչի հայտնի հատվածներ APOCALIPSIS 6-ից

Կիսվել

Neqhśtan werhki tshi q'ill kawallu cherchintćha, niźaśa ni kawallkiś yawchiki tikhśkin chhichñi khitataćha, xalla ni kawallź wirkiśpachaki ni tikhś irpiñiź apźkatćha; neqhśtan ni źoñiki ti yoqa paqhpipkkiś khiñi kirkiś, ćhher mach'ikiś niźaśa konanakkiś niźaśa ti yoq k'ith uywanakźtan konaxu aśi thätaćha.

Neqhśtan werhki cherśintćha, niźaśa tshi chiw kawallu cherśintćha, xalla ni kawallkiś yawchi oqhñi źoñiki nïź qharkiś tshi arku tanśitaćha. Niźaśa ni źoñźkiśiki tshi pillu thätaćha, neqhśtan ni źoñiki atipźku atipśxapa ulanchićha.

Neqhśtan ni Üśiź taxśnukukiś khiñi teqźta chimpu jerhźtikiśtan, werhki ni altar qostuñ ni Yöś śuma kintu maśiñi źoñinaka konta cherchintćha, niźaśa ninakaki ninakź lanqźtikiś thapa quśtanpan pätqalćha.

Niźaśa ninakaki thapa aśtan tuź khetćha: “Amki źkayi cheqan thapa quśśiś jilirimćha, ¿ćhhul orkamam ti yoq źoñinaka ana juchjiptayakiya, niźaśa ćhhul oram wethnaka lhokh thawqta thepźnakixo?” Neqhśtan ninakźkiś chiw śkiti thätaćha, niźaśa ninakźkiśiki tuź khitaćha ninakaki tshi qolukźtan iyaśipan jejźnax khitaćha, ni Yöś manta päñi jilanaka ninaka irata tikhśi thakhśśañkama.

Neqhśtan yaqha lhokh kawallu ulanźkichićha, xalla ni kawallkiś yawchi źoñiki ti yoq śuma qamaña qhañśxapa aśi thätaćha, niźaśa ti yoqkiś qamñi źoñinakaki porapat konasaxu; niźaśa ni źoñźkiśiki tshi paqh kuchillu thätaćha.

Xalla nïź źaxwś chawkh thuñi irantiźkichićha, ¿jëkhpan ni tshithchi awantasaxo?”

Neqhśtan Üśiź ni taqchuku khiñi teqźta chimpu jerhźtikiśtan werhki cherśintćha, tshi muspa yoqa xwarñi watñi cherchintćha. Neqhśtan ni thuñiki tsoqhchi khissićha niźaśa tshi tsoqh śkitiźtaqaś; niźaśa ni jïśmi qhutupacha lhokh khissićha, niźaśa warawaraki tsewktan ti yoqkiś thxotskichićha, xalla ni ch'oxñi jiwusa ni jiwus muntikiśtan muspa thamiź wewkźta thekuñila xalla niźta irataćha.

Niźaśa ni Üśiź chhephkiś khiñi teqźta chimpu jerhźtikiśtan, neqhśtan ni chhephkiś khiñi źethñi źoñi tuź khiñi nonśintćha: “¡Pichay ti cherźna!” Neqhśtan werhki tshi tsoqhchi kawallu cherśinćha, xalla ni kawallkiś yawchi źoñiki nïź qharkiś tshi walansa tanśitaćha. Niźaśa ni paqhpik źethñi źoñinakź taypikiśtan tshi xora tuź khiñi nonśintćha: “Tshi nöx lanqźta pakaki tshi kilo tirikućha, niźaśa chheph kilo śiwatuki tshi nöx lanqś pakaćha; ans amki ni aceite niźaśa ni winumi ana śhoxrićha.”

Neqhśtan ni tsewkta pachaki tshi thelhźta papilaźtaqaś qatchićha, niźaśa thappacha kurunakami ni qhaśiź muyuntita yoqanakami ninakź źelhśkiśtan qissićha. Neqhśtan ti yoqkiś irpiñi jilirinaka niźaśa ni źelinchiś źoñinakami, ni śultat chawkh jilirinakami, ni aśśiś źoñinakami niźaśa uywitanakami ana uywitanakami ni kur qaqkiś niźaśa maś aqhkiś śhoxśićha