Աստվածաշնչի հայտնի հատվածներ APOCALIPSIS 22-ից

Կիսվել

Niźaśa werhtćha alfitki niźaśa omegitki, niźaśa qallantiñimi źerśñimi, niźaśa tukkin khiñimi wirkin khiñimi.”

“Werhki waxillal thonućha, niźaśa śapamayniźkiś nïź lanqźtikiśtanxama thäśxapa tshi onanś śhikhućha.

Ni Espíritu Santu niźaśa ni Üśiź thunmi tuź khićha: “¡Pichay!” Xalla ni nonśñi źoñiki tuź khila: “¡Pichay!” Niźaśa ni qhaś pekñi źoñikix thonla; niźaśa ni qhaś pekñi źoñiki ni źethñi qhaśkiśtan ana pakśuñx likhźla.

Niźaśa ni źetchiś munti tanśxapa perśun śkitinaka axuñi źoñinaka, niźaśa ni chawkh wath śankiś luśh pekñi źoñinakami añcha walix khila.

“¡Werhki waxillal thonućha! ¡Ti liwrukiś khjirta Yöś śuma kintu kaśñi źoñinakaki añcha walix khila!”

Niźaśa ni wathkiśiki wën anaź iya źelakićha, niźaśa ni wathkiś qamñi źoñinakaki anaź iya mich qhana pekakićha, niźaśa ana thuñ qhanami, ans Yöś Tataqaź ni źoñinakźkiś qhanakićha, neqhśtan ni źoñinakaki watay wataź qamakićha.

Xalla ti chïñi źoñiki tuź khićha: “Werhki waxillal thonućha.” Xalla nuźux khila. ¡Jesús Tata thonalla! Niźaśa ni Jesús Tataki thapatiźkiś nïź onanśx thäźkila. Xalla nuźox khila.

Niźaśa werhki thappacha ti liwrukiś khjirta nonśñi źoñinakźkiś tuź maśnućha: Niźaśa xaqhsilta źoñit ti ćhhultaqkiś yapaćhaxa, Yöśśaqaś ni źoñź llaki tshanti yapśinakićha ti liwrukiś khjirtikiśtan. Niźaśa xaqhsilta źoñit ti Yöś śuma kintu khjirtikiśtan t'upźnaćhax nïki, Yöśśaqaś nïź źetchiś muntikiśtan t'upźinakićha, niźaśa ni ch'uwa quśśiś watha ti liwrukiś khjirtikiśtanami.