Աստվածաշնչի հայտնի հատվածներ APOCALIPSIS 10-ից

Կիսվել

ans ni towqukiś khiñi anjilź thuñiranki, niźaśa nïź tothi thawśñi qallantan ni Yöś xamaśit pinsitaki kumlisnakićha, xalla nïki nïź perśun manta päñinakźkiś maśinta patxparućha.”

Neqhśtan ni anjilaki wethkiś tuź khichićha: “Amki ni wakchi wathanakźkiś niźaśa thapaman tawqchiś źoñinakźkiś niźaśa ni irpiñi jilirinakźkiś wilta maśinś wakiśićha.”

Neqhśtan werhki tshi chawkh aśśiś anjila cherchintćha, ni anjilaki tsewkta yoqkiśtan tshir taypikiś śhujźkiñi; xalla nïki nïź ach tsekuñ tshi kumarichśtaćha, niźaśa nïź yukhki thuñiźtaqaś llijatćha niźaśa nïź qhxochaki uj asñi pikhźtaqaśtaćha.

Neqhśtan werhki ni anjilźkin oqhchintćha niźaśa nïźkiśtan ni liwrulla maychintćha, neqhśtan nïki wethkiś tuź qhäśićha: “Amki ti tanźna neqhśtan lulhźna. Xalla tïki am atkiśiki misk'iźtaqaś maśq'aź khekićha, ans am phuchhkiśiki xaruź khisnakićha.” Neqhśtan werhki ni anjilź qharkiśtan ni liwrulla tanźku lulhśintćha, xalla nïki weth atkiśiki maśq'ataćha, neqhśtan weriź thatźtikiśtan xaru khissićha.