Աստվածաշնչի հայտնի հատվածներ HEBREOS 2-ից

Կիսվել

Niźaśa ni Jesusapachaćha Saxraź llaki thäta t'aqhiśichiki, xaśiki ni Jesusaki llaki thäta źoñinakźkiś yanapasaćha.

Xalla nuź tshi qhuy źoñinakaki tshi xañchichiśśa niźaśa tshi lhokhchiśśa, niźtaśaqaś Jesusaki źoñź xañchichiśśa niźaśa lhokhchiśśa, xalla ni konśxapa aśśiś źoñi kanśxapaki, xalla ni źoñiki Saxraćha.

Xalla niźtikiśtan ućhumnakki ni liwrïñi tawqiśtan nonźta katoqś añchaź wakiśićha, ućhumnak ana ni jikhśkiśtan saraqśxapaki.

Xalla tixapa Jesusaki thapa ćhhultaqkiśtan nïź jilanakźtan irata khiśtanćha, xalla nuź thapa quś Yöś manta päśkiś irpiñi khiśxapaki, xalla nuź Yöśki ni ujnakźkiśtan pertunś pekćha.

Niźaśa Yöśki tshi upakama ni Jesusa ni anjilanakź qostuñ uchchićha, neqhśtan nïź t'aqhiśiźku tikhźtikiśtan muspa qhan aśtan pilluytaćha. Yöśki nïź oqśñi quśtan ni Jesusaź tikhźta thapa źoñinakźta añcha wali khisqatchićha.