Աստվածաշնչի հայտնի հատվածներ 1 TIMOTEO 2-ից

Կիսվել

Ans tshi Yöśqaś źelhćha, niźaśa Yöśtan źoñinakźtan tshi tupñiqaź źelhćha: Xalla ni tupñiki Jesucriśtućha. Xalla ni Jesusaćha thapa ućhumnaka layku źeti apt'ichiki, xalla ti tikhźtaki ti xaśta źoñinakźkiś maśintaćha.

Thapa źoñinakaki maykan mayiśiśtanćha, niźaśa thapa źoñinakźta Yöśkin sparakiź khiśtanćha, xalla til chïźinućha. Niźaśa thappacha ni irpiñi jilirinakźta mayiśiśtanćha, neqhśtan ućhumnakki śuma oqśñi quśtan śuma qamañkiś quś phiya qamasaćha.

Werhki xalla nuź luktaqanakami mätaqanakami thapa yoqaran Yöśkin maśiñil pekućha, niźaśa ninakaki źkayi quśtan ana źaxwchi ninakź qhara tsewkchuk Yöś qhutñi wäśtanćha. Niźaśa werhki ni mätaqanaka śuma śkiti kuthśñipanl pekućha, niźaśa śuma quśtanx iśt'aśla, ans ninakź charaki anax anawalinakźtan źhikźla, ana qorźtanami, ana champinakźtanami, niźaśa ana jila walurchiś śkitinakźtanami. Ans ninakź iśt'aśtaki Yöśtaxapa śuma quśtan pätax khila, xalla ni Yöś cheqpacha amtiś pekñi mätaqaźta.