Աստվածաշնչի հայտնի հատվածներ 1 PEDRO 3-ից

Կիսվել

ans anćhukki Criśtuź thü aynaqa anćhuka quś Tataźtaqaś. Niźaśa anćhukki thakśipanź źela ni anćhukakiśtan thapa taqu mayan qhäśxapa ni anćhuka śiśnakkiśtan, ans anćhukki llanu śuma quśtan päkićha. Niźaśa anćhukki śumaź qama, ni anćhuk Yöś kirïtikiśtan niźaśa anćhuka śuma qamañkiśtan ana śuma parliñi źoñinaka, ninakź perśun tawqkiśtan aśaxu.

Niźaśa Yöś Tataki ni źkayi quśśiś jilanaka kuytiñićha niźaśa ninakaź mayiśitanaka nonśpekñićha, ans Yöśki ni ana śuma päñi źoñinakź moq'ućha.”

Niźaśa ni anćhuka t'ikhachanakaki anax quś thatźhiñi khila, ni k'achha t'ikhachanaka, niźaśa qorinaka uśh walurchiś śkitinaka, Ans ni thapa qos quśkiśtan, niźaśa añcha k'achha ana aqchuk Espíritu Santuź qamañchiś khiśtanćha. Yöś tukkiśiki ti añcha k'achha quś tshanti kuśtićha.

Yöś śuma kintu tuź khićha: “Xaqhsiltat źeti añcha pekćhaxa niźaśa śuma qamś pekćhax nïki, nïź ata ana śuma chïśkiśtanx kuytaśla niźaśa nïź atpulumi toskara chïśkiśtanx kuytaśla; niźaśa ni ana śumanakkiśtan saraqa neqhśtan śumanakapan pä, niźaśa śuma qamaña qhura niźaśa neqhśipan thurt'a.

Niźaśa anćhukki thappacha añcha śumaź qama, niźaśa thapa tshi quśśiś Yöś kirïchiźta porapat oqsaskan. Niźaśa anćhukki llanu quśśiś oqśñipanź khella. Niźaśa anćhukakiś ana śuma päta khenaki, anaź anćhukki ana śumźtanśaqaś thepnasaćha, niźaśa anćhukki anaź ni ar artaśaqaś ar arkan thepnasaćha. Ans anćhukki nuź thepunkuki Yöś onantaź thepunćha, niźaśa Yöśki anćhuk onanta tanźnaxu qhawśićha.

¿Anćhukaź śuma qaman jëkit anćhuk ana śuma khisqatasaxo?

niźaśa ni ana śumanakkiśtan saraqa neqhśtan śumanakapan pä, niźaśa śuma qamaña qhura niźaśa neqhśipan thurt'a.

Niźaśa ni śumanaka päkan t'aqhiśiś walićha, Yöśki xalla nuźupanź pekćha, ni ana śuma päśmayaki.