Աստվածաշնչի հայտնի հատվածներ 1 JUAN 4-ից

Կիսվել

Niźaśa xaqhsikin oqś źelhćhaxa xalla neqhśiki anaź eqhski źelhćha. Ans ni źkayi oqśki ni eqhsnakaź chhetqatćha, niźaśa ni kaśtikuki ni eqhskiśpachaćha. Niźaśa yaqhapa eqhsñiźlax nïki, xalla ni źoñiki anapan cheqpacha oqśićha.

Machhllanaka anćhukki Yöśtićhukćha, niźaśa anćhukki ni toskara chïñi źoñinaka atipchinćhukćha, xalla ni anćhukakiś źelhñiki ti yoqkiś źelhñiźkiśtan tshan aśśiśśa.

Niźaśa ućhumnakki nïź tuki ućhumnakakiś oqśiź khen oqźa.

Weth q'ay jila kullakinaka, ućhumnakki porapat oqsas wakiśićha, xalla ni oqśki Yöśkiśtanź thonćha. Niźaśa thappacha źoñi oqśñiki Yöś Matićha niźaśa ni źoñiki Yöś paxćha.

Xalla ni ana oqśñi źoñiki anaź Yöś paxćha, ni Yöśki oqśñi quśśiśpanćha.

Xalla ni oqśki tuź khićha: Ana ućhumnak ni Yöś pektikiśtanqaś, ans nïćha ućhumnak oqźku nïź Machh kuchanźkichiki, niźaśa tshi wilanaźtaqaś thxotta khexu niźaśa ućhumnaka uj pertunta khiśxapa.

Weth q'ay jila kullakinaka, Yöś ućhumnak nuźupan oqśiźlax nïki, ućhumnakki nuźuśaqaś porapat oqsastanćha.

Niźaśa Yöśki nïź śinta Machhlla ti yoqkin kuchanźkikuki ućhumnakakin oqśñi quś thëśićha, niźaśa ućhumnakki nïź khen źetchiś khexu.

Niźaśa yaqhapaki tuź khićha: “Werhki Yöśkin amtućha”, niźaśa ni źoñiki ni orapachaź nïź jila ćhhaxwćha, xalla nïki toskar źoñićha. Niźaśa tshïsuñaki nïź perśun cherta jila anat oqźax nïki, xalla ni źoñiki anaśaqaś Yöś oqźnasaćha, nïki anaź Yöś cherćha.

Niźaśa xaqsita źoñimiź ni Jesusa Yöś Mati paxasaź nïki, Yöśtanź qamćha, niźaśa Yöśki ni źoñźtanśaqaś qamćha.

Niźaśa Jesucriśtućha ti lï ućhumnakakiś thächiki: Xalla ni Yöś oqśñi źoñiki, niźtaśaqaś nïź jila oqźla.

Weth q'ay jila kullakinaka, anćhukki anaź thapa animunakkiś kiriya, ans anćhukki ni animunakaź yanźna Yöśkiśtanźlaxa uśh anaźlaxa; niźaśa wakchi Yöśkiśtan toskara chïñi źoñinaka thapa ti yoqqhutñik ulanchićha. Xalla nuź anćhukki jëkhźlax ni Yöś Espirituchiś ni śiśasaćha: Thapa źoñi ni Jesucriśtu cheqpacha xañchichiś thonchićha khićhax nïki, ni źoñićha Yöś Espirituchiśki.

Xalla ni Jesusa ana nuź paxñi źoñiki, anaź ni Yöś Espirituchiśki; ans ni źoñiki ni Criśtuźkiśtan toskara chïñi animuchiśśa. Niźaśa anćhukki nonśinćhukćha ni animuki thonśpantaćha; xaśiki ni animuki ti yoqkiś thonchićha.