Բ Պետրոս 2:3 հետ կապված անվճար Ընթերցանության ծրագրեր և Շինության խոսքեր

Այս տիեզերքի ամենաապահով վայրն այն վայրն է, որտեղ գործում է Տեր Աստծու պաշտպանությունը: Աստվածաշունչը սովորեցնում է, որ Բարձրյալի ծածկոցի տակ հայտնվելու միակ ճանապարհը Տեր Աստծու հետ հարաբերությունների բժշկությունն է, որն իրականություն է դառնում Նրա հետ հաշտվելու արդյունքում։ Եթե ձգտենք ապրել Աստծուն փառավորող կյանքով՝ Նրա ակնկալած հնազանդությամբ և Նրա պատվիրանների հանդեպ ակնածանքով, ապա մենք անմիջապես կհայտնվենք ամենաապահով վայրում՝ Բարձրյալ Աստծու ծածկոցի տակ։ Բարձրյալի ծածկոցի տակ մնալու համար մենք ուշադիր ու զգույշ պետք է լինենք, որ գնահատենք Աստծու սերն ու մեր հանդեպ Նրա հայրական հոգատարությունը։ Բարձրյալի ծածկոցի տակ լինողները Աստծու կամքը սիրող մարդիկ են։

Տեր Հիսուսը զգուշացնում էր սուտ քրիստոսների և սուտ մարգարեների մասին։ Եվ մենք պետք է այսօր լրջագույն կերպով ընդունենք այդ զգուշացումը։ Եթե մենք ճանաչենք Աստվածաշնչի ճշմարտությունները, այդ դեպքում ո՛չ մի ոգևորող քարոզիչ ու կրակոտ ուսուցում չի կարող մոլորեցնել մեզ, քանի որ մենք մեր լսածը միշտ քննելու ենք Աստվածաշնչով և մերժելու ենք ցանկացած ուսուցում, որը չի հիմնավորվում Աստծու Խոսքով։ Այս մարդիկ եկեղեցու առաջնորդական ծառայության մեջ լինողներ են, որոնք Աստվածաշնչով չհիմնավորվող վարդապետություններ են հրամցնում մարդկանց։ Գառան մորթի հագած գայլերին բացահայտելու համար պետք է նայենք նրանց պտուղներին:

Արդյո՞ք դու գիտես, որքան կարևոր է ունենալ հոգևոր առաջնորդ: Հոգևոր առաջնորդությունը մերժելը նշանակում է մերժել Տեր Հիսուսի դրած կարգը։ Առանց առաջնորդության մարդը կարող է հեշտությամբ խաբվել ու շեղվել ճշմարտության ճանապարհից։ Հոգևոր առաջնորդը անձնուրաց կերպով կպաշտպանի քեզ քո կյանքում առկա հոգևոր վտանգներից։ Երբ հոգևոր առաջնորդը հնազանդ է Աստծուն և գործում է Տիրոջ կամքի մեջ, նրան չհնազանդվելը ապստամբություն է Աստծու դեմ։ Գիտե՞ս արդյոք, թե որքա՜ն կարևոր է ճիշտ ու հմուտ հոգևոր առաջնորդ ունենալը։ Հոգևոր առաջնորդի ծառայությունից է կախված քո հոգևոր ընթացքը և հոգևոր աճի ու հասունության մակարդակը։ Յուրաքանչյուր հոգևոր առաջնորդ հաշիվ է տալու Աստծուն իր կողմից առաջնորդված հավատացյալների հոգևոր ընթացքի համար։