Romans 6
6
1သို့ဖြစ်လျှင် ကျွန်ုပ်တို့သည် ဘုရားရှင်၏ အံ့ဖွယ်ကျေးဇူးတော်အား ပိုမိုခံစားရနိုင်စေရန် ဆက်လက်၍ အပြစ်ကျူးလွန်၍ နေကြရမည်လော။ 2ထိုသို့ ဆိုလိုခြင်းမဟုတ်ပေ။ အပြစ်ဒုစရိုက်နှင့် လုံးဝအဆက်ပြတ်ပြီးသော ကျွန်ုပ်တို့သည် အဘယ်ကြောင့် ထိုအပြစ်ထဲ၌ ဆက်လက်၍ အသက်ရှင်နေကြဦးမည်နည်း။ 3ငါတို့သည် ခရစ်တော်ယေရှုနှင့် တစ်လုံးတစ်ဝတည်းဖြစ်ရန် ရေနှစ်မင်္ဂလာခံယူကြသည့် တစ်ချိန်တည်းမှာပင် ကိုယ်တော်နှင့်အတူ အသေခံကြကြောင်းကိုလည်း သင်တို့သည် အမှန်ပင်သိကြ၏။ 4သို့ဖြစ်၍ ငါတို့သည် ရေနှစ်မင်္ဂလာခံယူခြင်းအားဖြင့် ခရစ်တော်နှင့်အတူမြှုပ်နှံခြင်းကိုခံယူကာ ကိုယ်တော်နှင့်အတူ အသေခံကြ၏။ ကိုယ်တော်နှင့် အတူအသေခံရသည့်အကြောင်းမှာ ခမည်းတော်သည် ဘုန်းတန်ခိုးတော်အားဖြင့် ကိုယ်တော်အားသေခြင်းမှ အသက်ပြန်ရှင်စေတော်မူသည့်နည်းတူ ငါတို့အားလည်း ဘဝသစ်၌ ကျင်လည်ကြရစေရန်ဖြစ်သတည်း။ 5အဘယ်ကြောင့်ဆိုသော် ကိုယ်တော်နှင့် တစ်လုံးတစ်ဝတည်းဖြစ်လျက် သေဆုံးကြပါမူ ကိုယ်တော်သည် သေခြင်းမှ အသက်ပြန်ရှင်သကဲ့သို့ ငါတို့သည်လည်း ကိုယ်တော်နှင့် တစ်လုံးတစ်ဝတည်းဖြစ်လျက် ကိုယ်တော်နှင့်အတူ သေခြင်းမှ အသက်ပြန်ရှင်ကြမည်ဖြစ်သောကြောင့်ပင်ဖြစ်၏။ 6ငါတို့၏ ဇာတိဟောင်းအား ခရစ်တော်နှင့်အတူ လက်ဝါးကပ်တိုင်တွင် အသေသတ်ခြင်းခံစေခဲ့သည်။ ဤသို့ အသေသတ်ခံရခြင်းသည် အပြစ်နှင့်ပြည့်ဝသည့် ဇာတိစိတ်အား ဖျက်ဆီးခြင်းအားဖြင့် ငါတို့သည် အပြစ်၏ကျွန်ဘဝမှ လွတ်မြောက်ကြစေရန်ပင်ဖြစ်ကြောင်းကို ငါတို့သိကြ၏။ 7ခရစ်တော်နှင့်အတူ သေသောသူသည် အပြစ်တရား၏ လက်အောက်ခံ မဟုတ်တော့ပေ။ 8ငါတို့သည် ခရစ်တော်နှင့်အတူသေဆုံးကြပြီးဖြစ်၍ ကိုယ်တော်နှင့်အတူ အသက်ရှင်ကြမည်ကို ယုံကြည်ကြ၏။ 9ခရစ်တော်သည် သေခြင်းမှ အသက်ပြန်ရှင်တော်မူ၍ နောင်အစဉ်ထာဝရသေခြင်းမှ လွတ်ကင်းတော်မူကြောင်းကို ငါတို့သိကြ၏။ သေခြင်းတရားသည် ကိုယ်တော်အား အစိုးမရတော့ပေ။ 10သို့ဖြစ်၍ ကိုယ်တော်အသေခံတော်မူသောကြောင့် အပြစ်တရားသည်ကိုယ်တော်ကို အစိုးမရတော့ပေ။ ယခုအခါ ကိုယ်တော်သည် ဘုရားရှင်နှင့် မိတ်သဟာယဖွဲ့လျက် အသက်ရှင်တော်မူ၏။ 11ထိုနည်းတူ သင်တို့သည်လည်း အပြစ်တရားနှင့်လုံးဝအဆက်ပြတ်၍ ခရစ်တော်အားဖြင့် ဘုရားရှင်နှင့် မိတ်သဟာယဖွဲ့၍ နေထိုင်ကြသည်ဟု မှတ်ယူကြရမည်ဖြစ်၏။ 12ထို့ကြောင့် သင်တို့သည် မိမိတို့ကိုယ်ခန္ဓာ၏ အလိုဆန္ဒသို့ မလိုက်စေရန် အပြစ်တရားက သင်တို့၏ သေဆုံးတတ်သော ကိုယ်ခန္ဓာအား အစိုးမရစေနှင့်။ 13ထို့ကြောင့် သင်တို့သည် မိမိတို့ကိုယ်ခန္ဓာ၏ အလိုဆန္ဒသို့ မလိုက်စေရန် အပြစ်တရားက သင်တို့၏ သေဆုံးတတ်သော ကိုယ်ခန္ဓာအား အစိုးမရစေနှင့်။ 14အပြစ်တရားသည် သင်တို့အား အစိုးမရစေနှင့်။ အဘယ်ကြောင့်ဆိုသော် သင်တို့သည် ပညတ်တရား၏ လက်အောက်၌မရှိ။ ဘုရားရှင်၏ ကျေးဇူးတော်လက်အောက်၌သာ ရှိသောကြောင့် ဖြစ်ကြသည်။ 15သို့ဖြစ်၍ ငါတို့သည် ပညတ်တရား၏ လက်အောက်၌မရှိကြတော့ဘဲ ကျေးဇူးတရား၏ လက်အောက်၌ ရှိကြသဖြင့် အပြစ်ကျူးလွန်ကြရမည်ဟု ဆိုကြရမည်လော။ 16ထိုသို့ မဆိုရပေ။ တစ်စုံတစ်ယောက်၏ စေခိုင်းမှုကို ခံယူသောသူသည် စေခိုင်းသူ၏ကျွန်ဖြစ်ကြောင်း သင်တို့သည် ကောင်းစွာသိကြ၏။ အကယ်၍ သင်တို့သည် အပြစ်တရား၏ စေခိုင်းမှုကိုခံကြပါမူ သင်တို့ ခံစားရမည့် အကျိုးဆက်ကား သေခြင်းတရားပင်ဖြစ်သည်။ အကယ်၍ သင်တို့သည် ဘုရားရှင်၏စကားကို နာခံကြမည်ဆိုပါက ကိုယ်တော်နှင့် မှန်ကန်စွာဆက်သွယ်မှုကို ရရှိကြလိမ့်မည်။ 17သင်တို့သည် တစ်ချိန်က အပြစ်တရား၏ ကျွန်ဖြစ်ခဲ့ဖူးသော်လည်း ယခုအခါ၌ မိမိတို့ခံယူယုံကြည်သည့် ဘာသာတရားတော်အား အကြွင်းမဲ့လိုက်နာကျင့်သုံးကြသည့်အတွက် ငါသည် ဘုရားရှင်၏ ကျေးဇူးတော်ကို ချီးမွမ်း၏။ 18သင်တို့သည် အပြစ်တရား၏ကျွန်ဘဝမှ လွတ်မြောက်ကြသောအခါ ဖြောင့်မတ်ခြင်းတရား၏ ကျွန်ဖြစ်လာကြ၏။ 19(သင်တို့၏ ဇာတိသဘောအရ အာနည်းမှုကြောင့် လူတို့နားလည်နိုင်သော ဝေါဟာရကို ငါသုံးခြင်းဖြစ်သည်။) အခါတစ်ပါးက သင်တို့သည် ဆိုးယုတ်မှုအမျိုးမျိုးကို ပြုကျင့်နိုင်ရန် မိမိကိုယ်မိမိ ညစ်ညမ်းဆိုးယုတ်မှု၏လက်သို့ ကျွန်အဖြစ်ဖြင့်လုံးဝအပ်နှံခဲ့ကြ၏။ ထိုနည်းတူပင် သင်တို့သည် ယခုအခါ၌ သန့်ရှင်းမြင့်မြတ်သည့်အမှုကို ပြုကျင့်နိုင်ရန် မိမိကိုယ်မိမိ ဖြောင့်မတ်ခြင်းတရား၏လက်သို့ ကျွန်အဖြစ်ဖြင့် လုံးဝအပ်နှံကြလော့။ 20သင်တို့သည် အပြစ်တရား၏ ကျွန်ဖြစ်စဉ်အခါက ဖြောင့်မတ်ခြင်းတရား၏လက်မှ လွတ်မြောက်လာကြ၏။ 21ထိုစဉ်အခါက သင်တို့ပြုကျင့်ခဲ့သော အမှုများသည် မည်သည့်အကျိုးကိုမျှ မပေးခဲ့ပေ။ သင်တို့ကိုသာ သေဆုံးစေခဲ့၏။ ယခုအခါ သင်တို့သည် ထိုအမှုများအတွက် ရှက်ကြောက်၍နေကြ၏။ 22သို့သော် သင်တို့သည် ယခုအခါ အပြစ်တရား၏လက်မှ လွတ်မြောက်ပြီးလျှင် ဘုရားရှင်၏ကျွန်များ ဖြစ်လာကြပေသည်။ သင်တို့ရရှိသည့် အကျိုးကား ကိုယ်တော်၏အတွက် မိမိကိုယ်မိမိ အကြွင်းမဲ့ ဆက်ကပ်ခြင်းဖြစ်သည်။ အဆုံး၌ နိစ္စထာဝရအသက်ကို ရရှိခြင်းပင်ဖြစ်သည်။ 23အပြစ်တရား၏ အဖိုးအခကား သေခြင်းတရားဖြစ်၏။ သို့ရာတွင် ဘုရားရှင် အခမဲ့ပေးတော်မူသော ဆုကျေးဇူးကား ငါတို့၏အရှင် ယေရှုခရစ်တော်နှင့် တစ်လုံးတစ်ဝတည်း ဖြစ်ခြင်းအားဖြင့် ရရှိသော နိစ္စထာဝရအသက်ပင် ဖြစ်ပေသည်။
Jelenleg kiválasztva:
Romans 6: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Romans 6
6
1သို့ဖြစ်လျှင် ကျွန်ုပ်တို့သည် ဘုရားရှင်၏ အံ့ဖွယ်ကျေးဇူးတော်အား ပိုမိုခံစားရနိုင်စေရန် ဆက်လက်၍ အပြစ်ကျူးလွန်၍ နေကြရမည်လော။ 2ထိုသို့ ဆိုလိုခြင်းမဟုတ်ပေ။ အပြစ်ဒုစရိုက်နှင့် လုံးဝအဆက်ပြတ်ပြီးသော ကျွန်ုပ်တို့သည် အဘယ်ကြောင့် ထိုအပြစ်ထဲ၌ ဆက်လက်၍ အသက်ရှင်နေကြဦးမည်နည်း။ 3ငါတို့သည် ခရစ်တော်ယေရှုနှင့် တစ်လုံးတစ်ဝတည်းဖြစ်ရန် ရေနှစ်မင်္ဂလာခံယူကြသည့် တစ်ချိန်တည်းမှာပင် ကိုယ်တော်နှင့်အတူ အသေခံကြကြောင်းကိုလည်း သင်တို့သည် အမှန်ပင်သိကြ၏။ 4သို့ဖြစ်၍ ငါတို့သည် ရေနှစ်မင်္ဂလာခံယူခြင်းအားဖြင့် ခရစ်တော်နှင့်အတူမြှုပ်နှံခြင်းကိုခံယူကာ ကိုယ်တော်နှင့်အတူ အသေခံကြ၏။ ကိုယ်တော်နှင့် အတူအသေခံရသည့်အကြောင်းမှာ ခမည်းတော်သည် ဘုန်းတန်ခိုးတော်အားဖြင့် ကိုယ်တော်အားသေခြင်းမှ အသက်ပြန်ရှင်စေတော်မူသည့်နည်းတူ ငါတို့အားလည်း ဘဝသစ်၌ ကျင်လည်ကြရစေရန်ဖြစ်သတည်း။ 5အဘယ်ကြောင့်ဆိုသော် ကိုယ်တော်နှင့် တစ်လုံးတစ်ဝတည်းဖြစ်လျက် သေဆုံးကြပါမူ ကိုယ်တော်သည် သေခြင်းမှ အသက်ပြန်ရှင်သကဲ့သို့ ငါတို့သည်လည်း ကိုယ်တော်နှင့် တစ်လုံးတစ်ဝတည်းဖြစ်လျက် ကိုယ်တော်နှင့်အတူ သေခြင်းမှ အသက်ပြန်ရှင်ကြမည်ဖြစ်သောကြောင့်ပင်ဖြစ်၏။ 6ငါတို့၏ ဇာတိဟောင်းအား ခရစ်တော်နှင့်အတူ လက်ဝါးကပ်တိုင်တွင် အသေသတ်ခြင်းခံစေခဲ့သည်။ ဤသို့ အသေသတ်ခံရခြင်းသည် အပြစ်နှင့်ပြည့်ဝသည့် ဇာတိစိတ်အား ဖျက်ဆီးခြင်းအားဖြင့် ငါတို့သည် အပြစ်၏ကျွန်ဘဝမှ လွတ်မြောက်ကြစေရန်ပင်ဖြစ်ကြောင်းကို ငါတို့သိကြ၏။ 7ခရစ်တော်နှင့်အတူ သေသောသူသည် အပြစ်တရား၏ လက်အောက်ခံ မဟုတ်တော့ပေ။ 8ငါတို့သည် ခရစ်တော်နှင့်အတူသေဆုံးကြပြီးဖြစ်၍ ကိုယ်တော်နှင့်အတူ အသက်ရှင်ကြမည်ကို ယုံကြည်ကြ၏။ 9ခရစ်တော်သည် သေခြင်းမှ အသက်ပြန်ရှင်တော်မူ၍ နောင်အစဉ်ထာဝရသေခြင်းမှ လွတ်ကင်းတော်မူကြောင်းကို ငါတို့သိကြ၏။ သေခြင်းတရားသည် ကိုယ်တော်အား အစိုးမရတော့ပေ။ 10သို့ဖြစ်၍ ကိုယ်တော်အသေခံတော်မူသောကြောင့် အပြစ်တရားသည်ကိုယ်တော်ကို အစိုးမရတော့ပေ။ ယခုအခါ ကိုယ်တော်သည် ဘုရားရှင်နှင့် မိတ်သဟာယဖွဲ့လျက် အသက်ရှင်တော်မူ၏။ 11ထိုနည်းတူ သင်တို့သည်လည်း အပြစ်တရားနှင့်လုံးဝအဆက်ပြတ်၍ ခရစ်တော်အားဖြင့် ဘုရားရှင်နှင့် မိတ်သဟာယဖွဲ့၍ နေထိုင်ကြသည်ဟု မှတ်ယူကြရမည်ဖြစ်၏။ 12ထို့ကြောင့် သင်တို့သည် မိမိတို့ကိုယ်ခန္ဓာ၏ အလိုဆန္ဒသို့ မလိုက်စေရန် အပြစ်တရားက သင်တို့၏ သေဆုံးတတ်သော ကိုယ်ခန္ဓာအား အစိုးမရစေနှင့်။ 13ထို့ကြောင့် သင်တို့သည် မိမိတို့ကိုယ်ခန္ဓာ၏ အလိုဆန္ဒသို့ မလိုက်စေရန် အပြစ်တရားက သင်တို့၏ သေဆုံးတတ်သော ကိုယ်ခန္ဓာအား အစိုးမရစေနှင့်။ 14အပြစ်တရားသည် သင်တို့အား အစိုးမရစေနှင့်။ အဘယ်ကြောင့်ဆိုသော် သင်တို့သည် ပညတ်တရား၏ လက်အောက်၌မရှိ။ ဘုရားရှင်၏ ကျေးဇူးတော်လက်အောက်၌သာ ရှိသောကြောင့် ဖြစ်ကြသည်။ 15သို့ဖြစ်၍ ငါတို့သည် ပညတ်တရား၏ လက်အောက်၌မရှိကြတော့ဘဲ ကျေးဇူးတရား၏ လက်အောက်၌ ရှိကြသဖြင့် အပြစ်ကျူးလွန်ကြရမည်ဟု ဆိုကြရမည်လော။ 16ထိုသို့ မဆိုရပေ။ တစ်စုံတစ်ယောက်၏ စေခိုင်းမှုကို ခံယူသောသူသည် စေခိုင်းသူ၏ကျွန်ဖြစ်ကြောင်း သင်တို့သည် ကောင်းစွာသိကြ၏။ အကယ်၍ သင်တို့သည် အပြစ်တရား၏ စေခိုင်းမှုကိုခံကြပါမူ သင်တို့ ခံစားရမည့် အကျိုးဆက်ကား သေခြင်းတရားပင်ဖြစ်သည်။ အကယ်၍ သင်တို့သည် ဘုရားရှင်၏စကားကို နာခံကြမည်ဆိုပါက ကိုယ်တော်နှင့် မှန်ကန်စွာဆက်သွယ်မှုကို ရရှိကြလိမ့်မည်။ 17သင်တို့သည် တစ်ချိန်က အပြစ်တရား၏ ကျွန်ဖြစ်ခဲ့ဖူးသော်လည်း ယခုအခါ၌ မိမိတို့ခံယူယုံကြည်သည့် ဘာသာတရားတော်အား အကြွင်းမဲ့လိုက်နာကျင့်သုံးကြသည့်အတွက် ငါသည် ဘုရားရှင်၏ ကျေးဇူးတော်ကို ချီးမွမ်း၏။ 18သင်တို့သည် အပြစ်တရား၏ကျွန်ဘဝမှ လွတ်မြောက်ကြသောအခါ ဖြောင့်မတ်ခြင်းတရား၏ ကျွန်ဖြစ်လာကြ၏။ 19(သင်တို့၏ ဇာတိသဘောအရ အာနည်းမှုကြောင့် လူတို့နားလည်နိုင်သော ဝေါဟာရကို ငါသုံးခြင်းဖြစ်သည်။) အခါတစ်ပါးက သင်တို့သည် ဆိုးယုတ်မှုအမျိုးမျိုးကို ပြုကျင့်နိုင်ရန် မိမိကိုယ်မိမိ ညစ်ညမ်းဆိုးယုတ်မှု၏လက်သို့ ကျွန်အဖြစ်ဖြင့်လုံးဝအပ်နှံခဲ့ကြ၏။ ထိုနည်းတူပင် သင်တို့သည် ယခုအခါ၌ သန့်ရှင်းမြင့်မြတ်သည့်အမှုကို ပြုကျင့်နိုင်ရန် မိမိကိုယ်မိမိ ဖြောင့်မတ်ခြင်းတရား၏လက်သို့ ကျွန်အဖြစ်ဖြင့် လုံးဝအပ်နှံကြလော့။ 20သင်တို့သည် အပြစ်တရား၏ ကျွန်ဖြစ်စဉ်အခါက ဖြောင့်မတ်ခြင်းတရား၏လက်မှ လွတ်မြောက်လာကြ၏။ 21ထိုစဉ်အခါက သင်တို့ပြုကျင့်ခဲ့သော အမှုများသည် မည်သည့်အကျိုးကိုမျှ မပေးခဲ့ပေ။ သင်တို့ကိုသာ သေဆုံးစေခဲ့၏။ ယခုအခါ သင်တို့သည် ထိုအမှုများအတွက် ရှက်ကြောက်၍နေကြ၏။ 22သို့သော် သင်တို့သည် ယခုအခါ အပြစ်တရား၏လက်မှ လွတ်မြောက်ပြီးလျှင် ဘုရားရှင်၏ကျွန်များ ဖြစ်လာကြပေသည်။ သင်တို့ရရှိသည့် အကျိုးကား ကိုယ်တော်၏အတွက် မိမိကိုယ်မိမိ အကြွင်းမဲ့ ဆက်ကပ်ခြင်းဖြစ်သည်။ အဆုံး၌ နိစ္စထာဝရအသက်ကို ရရှိခြင်းပင်ဖြစ်သည်။ 23အပြစ်တရား၏ အဖိုးအခကား သေခြင်းတရားဖြစ်၏။ သို့ရာတွင် ဘုရားရှင် အခမဲ့ပေးတော်မူသော ဆုကျေးဇူးကား ငါတို့၏အရှင် ယေရှုခရစ်တော်နှင့် တစ်လုံးတစ်ဝတည်း ဖြစ်ခြင်းအားဖြင့် ရရှိသော နိစ္စထာဝရအသက်ပင် ဖြစ်ပေသည်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.