Romans 5
5
1ငါတို့သည် ယုံကြည်ခြင်းဖြင့် ဘုရားရှင်နှင့် မှန်ကန်စွာဆက်ဆံမှု ရရှိပြီးဖြစ်သောကြောင့် ငါတို့၏အရှင် ယေရှုခရစ်တော်အားဖြင့် ဘုရားရှင်၏ရှေ့တော်၌ ငြိမ်သက်ခြင်းကို ခံစားကြရ၏။ 2ထိုအရှင်သည် ငါတို့အားယုံကြည်ခြင်းကြောင့် ဤကဲ့သို့သော ဘုရားရှင်၏ ဂုဏ်ကျေးဇူးတော်ကို ခံစားစေတော်မူ၏။ ထိုဂုဏ်ကျေးဇူးတော်ကို ယခုငါတို့သည် ခံစားလျက်ရှိကြ၏။ သို့ဖြစ်၍ ငါတို့သည် ဘုရားရှင်၏ ဘုန်းအသရေတော်ကိုခံစားရန် မျှော်လင့်ခြင်းအတွက် ဝါကြွားဝမ်းမြောက်ကြရ၏။ 3ဆင်းရဲဒုက္ခများအတွက်လည်း ငါတို့သည် ဝါကြွားဝမ်းမြောက်ကြပေသည်။ ဆင်းရဲဒုက္ခသည် ခံနိုင်ရည်ကို လည်းကောင်း၊ 4ခံနိုင်ရည်သည် ဘုရားရှင်၏ နှစ်သက်မှုကိုလည်းကောင်း၊ ဘုရားရှင်၏ နှစ်သက်မှုသည် မျှော်လင့်ခြင်းကိုလည်းကောင်း ပြုစု၍ပေးတတ်ကြောင်းကို ငါတို့သိကြ၏။ 5ဤမျှော်လင့်ခြင်းသည် ငါတို့အားစိတ်ပျက်စေလိမ့်မည်မဟုတ်။ အဘယ်ကြောင့်ဆိုသော် ဘုရားရှင်သည် ငါတို့အားပေးတော်မူသော ဉာဏ်အလင်းတော်အားဖြင့် ငါတို့၏စိတ်နှလုံးထဲသို့ မေတ္တာတော်ကို သွန်းလောင်းတော်မူသောကြောင့်သာ ဖြစ်သည်။၊ 6ငါတို့သည် ခိုကိုးရာမဲ့ဖြစ်လျက်ရှိနေကြစဉ် ခရစ်တော်သည် ဘုရားရှင်သတ်မှတ်တော်မူသည့် နေ့ရက်ကာလ၌ ဆိုးယုတ်သူတို့အတွက် အသေခံတော်မူခဲ့၏။ 7ဖြောင့်မတ်သူတစ်ယောက်အတွက် အသေခံမည့်သူရှိရန် ခဲယဉ်း၏။ သူတော်ကောင်းတစ်ယောက်အတွက် အသေခံမည့်သူ ရှိကောင်းရှိမည်ဖြစ်၏။ 8သို့ရာတွင် ငါတို့သည် အပြစ်ကျူးလွန်လျက်ရှိနေကြစဉ်ပင် ခရစ်တော်သည် ငါတို့အတွက် အသေခံတော်မူခဲ့၏။ ဤနည်းအားဖြင့် ဘုရားရှင်သည် ငါတို့အား မည်မျှချစ်တော်မူကြောင်းကို ထင်ရှားစွာ ပြသတော်မူခဲ့၏။ 9ခရစ်တော် အသေခံတော်မူခြင်းအားဖြင့် ငါတို့သည် ဘုရားရှင်နှင့် မှန်ကန်စွာဆက်ဆံခွင့်ကို ရရှိကြသည်ဖြစ်ရာ ခရစ်တော်အားဖြင့် ဘုရားရှင်၏အမျက်တော်မှ ကယ်တင်ခြင်းကို ပို၍ရရှိကြလိမ့်မည်။ 10ငါတို့သည် ဘုရားရှင်၏ ရန်သူများဖြစ်ကြသော်လည်း ကိုယ်တော်သည် သားတော်ကို အသေခံတော်မူစေခြင်းအားဖြင့် ငါတို့အားမိတ်ဆွေဖြစ်စေတော်မူ၏။ ယခု ငါတို့သည် ဘုရားရှင်၏ မိတ်ဆွေများ ဖြစ်လာကြပြီဖြစ်ရာ ခရစ်တော်အသက်ရှင်တော်မူခြင်းအားဖြင့် ကယ်တင်ခြင်းကို ပို၍ခံကြရလိမ့်မည်။ 11ဤမျှသာမက၊ ဘုရားရှင်သည် ငါတို့အား ကိုယ်တော်၏မိတ်ဆွေဖြစ်စေတော်မူသော ငါတို့၏အရှင် ယေရှုအားဖြင့် ပြုတော်မူသောအမှုကြောင့် ငါတို့သည်ရွှင်လန်းဝမ်းမြောက်ကြ၏။ 12အပြစ်တရားသည် လူတစ်ယောက်ကြောင့် ဤကမ္ဘာလောကသို့ သက်ရောက်လာ၏။ ထိုသူ၏အပြစ်ကြောင့် သေခြင်းတရားပေါ်ပေါက်လာရ၏။ သို့ဖြစ်၍ လူအပေါင်းတို့သည် အပြစ်ကျူးလွန်ကြရကုန်၏။ 13ပညတ်တရား မပေါ်ထွန်းမီအခါက လူတို့သည် အပြစ်ကျူးလွန်ခဲ့ကြ၏။ သို့သော် ထိုစဉ်အခါက တရားဥပဒေမရှိသဖြင့် လူတို့၏အပြစ်များကို မှတ်သားထားခြင်းမရှိပေ။ 14သို့ရာတွင် သေခြင်းတရားသည် အာဒံ၏လက်ထက်မှစ၍ မောရှေ၏လက်ထက်တိုင်အောင် လူအပေါင်းတို့အား စိုးမိုးခဲ့၏။ အာဒံကဲ့သို့ ဘုရားရှင်၏အမိန့်တော်အား ဖီဆန်ခြင်းဖြင့် အပြစ်ကျူးလွန်ခြင်းမရှိခဲ့သူတို့ကိုပင် သေခြင်းတရားသည် စိုးမိုးခဲ့ပေသည်။ အာဒံသည် နောင်အခါတွင် ပေါ်ထွန်းလာမည့် အရှင်၏ပုံကိုဆောင်ပေသည်။ 15သို့ရာတွင် သူတို့နှစ်ဦးသည် ကွာခြား၏။ ဘုရားရှင်၏ အခမဲ့ကျေးဇူးတော်နှင့် အာဒံ၏အပြစ်ကျူးလွန်ပုံ မတူညီသဖြင့် သူတို့နှစ်ဦးသည် ကွာခြားကြ၏။ တစ်ဦးကျူးလွန်သည့်အပြစ်ကြောင့် လူများစွာသေဆုံးခဲ့သည် မှန်ပါက ဘုရားရှင်၏ဂုဏ်ကျေးဇူးတော်အားဖြင့် လူမြောက်မြားစွာရရှိကြသည့် ဆုကျေးဇူးသည်လည်း ပို၍ကြွယ်ဝမည် ဖြစ်ပေသည်။ 16ဘုရားရှင် ပေးသနားတော်မူသော ဆုကျေးဇူးသည် အာဒံကျူးလွန်ခဲ့သော အပြစ်၏ရလဒ်နှင့် အလွန်ကွာခြား၏။ အဘယ်ကြောင့်ဆိုသော် အာဒံ၏အပြစ်သည် ပြစ်ဒဏ်ကိုသာကျခံစေပြီး ဘုရားရှင် ပေးသနားတော်မူသော ဆုကျေးဇူးမှာမူ ကျွန်ုပ်တို့၌ အပြစ်များစွာရှိသော်လည်း ဘုရားရှင်၏ ရှေ့တော်၌ ဖြောင့်မတ်ကြောင်းကို သတ်မှတ်ခံရစေသည့် အတွက်ကြောင့်ဖြစ်၏။ 17လူတစ်ဦးဖြစ်သော အာဒံကျူးလွန်သည့် အပြစ်ကြောင့် လူများစွာတို့အား သေခြင်းတရားက အုပ်စိုးလျှင် လူတစ်ဦးဖြစ်သော ယေရှုခရစ်တော်အားဖြင့် ဘုရားရှင်၏ ကြွယ်ဝသောဆုကျေးဇူးတော်နှင့် ဖြောင့်မတ်ခြင်း ဟူသော လက်ဆောင်အား လက်ခံရရှိကြသူအပေါင်းတို့ သည် အသက်ရှင်လျက်ဖြင့် ပို၍ပင်အုပ်စိုးကြလိမ့်မည်။ 18သို့ဖြစ်၍ တစ်ဦးက အပြစ်ကိုပြုသောကြောင့် လူသားအားလုံးပင် ပြစ်ဒဏ်စီရင်ခြင်းကို ခံရကြသည့်နည်းတူ အခြားတစ်ဦးက ဖြောင့်မတ်သောအမှုကို ပြုသည့်အတွက်ကြောင့် လူသားအပေါင်းတို့သည် ပြစ်ဒဏ်စီရင်ခြင်းမှ လွတ်မြောက်၍ အသက်ရှင်ရကြ၏။ 19လူတစ်ဦးသည် ဘုရားရှင်၏စကားကို နားမထောင်သောအားဖြင့် လူအပေါင်းတို့သည် အပြစ်ကျူးလွန်သူများ ဖြစ်ကြရသည့်နည်းတူ အခြားလူတစ်ဦးသည် ဘုရားရှင်၏စကားကို နာခံသောအားဖြင့် လူအပေါင်းတို့သည် ဘုရားရှင်နှင့် မှန်ကန်စွာဆက်သွယ်ကြရလိမ့်မည်။ 20လူတို့အနေဖြင့် မိမိတို့သည် မည်မျှအပြစ်များကြောင်းကို သိမြင်လာကြစေရန် ဘုရားရှင်သည် ပညတ်တရားကို ချမှတ်တော်မူခဲ့၏။ သို့သော်လည်း သူတို့သည် ပို၍အပြစ်ကျူးလွန်လေလေ ဘုရားရှင်၏ ကျေးဇူးတော်သည် ပို၍ကြွယ်ဝလေလေဖြစ်၏။ 21သို့ဖြစ်၍ အပြစ်တရားသည် သေခြင်းတရားအားဖြင့် ငါတို့အား နိစ္စထာဝရ အသက်ကိုရစေရန် ဘုရားရှင်၏ ကျေးဇူးတော်သည် ဖြောင့်မတ်ခြင်းတရားအားဖြင့် အုပ်စိုးလေသည်။
Jelenleg kiválasztva:
Romans 5: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Romans 5
5
1ငါတို့သည် ယုံကြည်ခြင်းဖြင့် ဘုရားရှင်နှင့် မှန်ကန်စွာဆက်ဆံမှု ရရှိပြီးဖြစ်သောကြောင့် ငါတို့၏အရှင် ယေရှုခရစ်တော်အားဖြင့် ဘုရားရှင်၏ရှေ့တော်၌ ငြိမ်သက်ခြင်းကို ခံစားကြရ၏။ 2ထိုအရှင်သည် ငါတို့အားယုံကြည်ခြင်းကြောင့် ဤကဲ့သို့သော ဘုရားရှင်၏ ဂုဏ်ကျေးဇူးတော်ကို ခံစားစေတော်မူ၏။ ထိုဂုဏ်ကျေးဇူးတော်ကို ယခုငါတို့သည် ခံစားလျက်ရှိကြ၏။ သို့ဖြစ်၍ ငါတို့သည် ဘုရားရှင်၏ ဘုန်းအသရေတော်ကိုခံစားရန် မျှော်လင့်ခြင်းအတွက် ဝါကြွားဝမ်းမြောက်ကြရ၏။ 3ဆင်းရဲဒုက္ခများအတွက်လည်း ငါတို့သည် ဝါကြွားဝမ်းမြောက်ကြပေသည်။ ဆင်းရဲဒုက္ခသည် ခံနိုင်ရည်ကို လည်းကောင်း၊ 4ခံနိုင်ရည်သည် ဘုရားရှင်၏ နှစ်သက်မှုကိုလည်းကောင်း၊ ဘုရားရှင်၏ နှစ်သက်မှုသည် မျှော်လင့်ခြင်းကိုလည်းကောင်း ပြုစု၍ပေးတတ်ကြောင်းကို ငါတို့သိကြ၏။ 5ဤမျှော်လင့်ခြင်းသည် ငါတို့အားစိတ်ပျက်စေလိမ့်မည်မဟုတ်။ အဘယ်ကြောင့်ဆိုသော် ဘုရားရှင်သည် ငါတို့အားပေးတော်မူသော ဉာဏ်အလင်းတော်အားဖြင့် ငါတို့၏စိတ်နှလုံးထဲသို့ မေတ္တာတော်ကို သွန်းလောင်းတော်မူသောကြောင့်သာ ဖြစ်သည်။၊ 6ငါတို့သည် ခိုကိုးရာမဲ့ဖြစ်လျက်ရှိနေကြစဉ် ခရစ်တော်သည် ဘုရားရှင်သတ်မှတ်တော်မူသည့် နေ့ရက်ကာလ၌ ဆိုးယုတ်သူတို့အတွက် အသေခံတော်မူခဲ့၏။ 7ဖြောင့်မတ်သူတစ်ယောက်အတွက် အသေခံမည့်သူရှိရန် ခဲယဉ်း၏။ သူတော်ကောင်းတစ်ယောက်အတွက် အသေခံမည့်သူ ရှိကောင်းရှိမည်ဖြစ်၏။ 8သို့ရာတွင် ငါတို့သည် အပြစ်ကျူးလွန်လျက်ရှိနေကြစဉ်ပင် ခရစ်တော်သည် ငါတို့အတွက် အသေခံတော်မူခဲ့၏။ ဤနည်းအားဖြင့် ဘုရားရှင်သည် ငါတို့အား မည်မျှချစ်တော်မူကြောင်းကို ထင်ရှားစွာ ပြသတော်မူခဲ့၏။ 9ခရစ်တော် အသေခံတော်မူခြင်းအားဖြင့် ငါတို့သည် ဘုရားရှင်နှင့် မှန်ကန်စွာဆက်ဆံခွင့်ကို ရရှိကြသည်ဖြစ်ရာ ခရစ်တော်အားဖြင့် ဘုရားရှင်၏အမျက်တော်မှ ကယ်တင်ခြင်းကို ပို၍ရရှိကြလိမ့်မည်။ 10ငါတို့သည် ဘုရားရှင်၏ ရန်သူများဖြစ်ကြသော်လည်း ကိုယ်တော်သည် သားတော်ကို အသေခံတော်မူစေခြင်းအားဖြင့် ငါတို့အားမိတ်ဆွေဖြစ်စေတော်မူ၏။ ယခု ငါတို့သည် ဘုရားရှင်၏ မိတ်ဆွေများ ဖြစ်လာကြပြီဖြစ်ရာ ခရစ်တော်အသက်ရှင်တော်မူခြင်းအားဖြင့် ကယ်တင်ခြင်းကို ပို၍ခံကြရလိမ့်မည်။ 11ဤမျှသာမက၊ ဘုရားရှင်သည် ငါတို့အား ကိုယ်တော်၏မိတ်ဆွေဖြစ်စေတော်မူသော ငါတို့၏အရှင် ယေရှုအားဖြင့် ပြုတော်မူသောအမှုကြောင့် ငါတို့သည်ရွှင်လန်းဝမ်းမြောက်ကြ၏။ 12အပြစ်တရားသည် လူတစ်ယောက်ကြောင့် ဤကမ္ဘာလောကသို့ သက်ရောက်လာ၏။ ထိုသူ၏အပြစ်ကြောင့် သေခြင်းတရားပေါ်ပေါက်လာရ၏။ သို့ဖြစ်၍ လူအပေါင်းတို့သည် အပြစ်ကျူးလွန်ကြရကုန်၏။ 13ပညတ်တရား မပေါ်ထွန်းမီအခါက လူတို့သည် အပြစ်ကျူးလွန်ခဲ့ကြ၏။ သို့သော် ထိုစဉ်အခါက တရားဥပဒေမရှိသဖြင့် လူတို့၏အပြစ်များကို မှတ်သားထားခြင်းမရှိပေ။ 14သို့ရာတွင် သေခြင်းတရားသည် အာဒံ၏လက်ထက်မှစ၍ မောရှေ၏လက်ထက်တိုင်အောင် လူအပေါင်းတို့အား စိုးမိုးခဲ့၏။ အာဒံကဲ့သို့ ဘုရားရှင်၏အမိန့်တော်အား ဖီဆန်ခြင်းဖြင့် အပြစ်ကျူးလွန်ခြင်းမရှိခဲ့သူတို့ကိုပင် သေခြင်းတရားသည် စိုးမိုးခဲ့ပေသည်။ အာဒံသည် နောင်အခါတွင် ပေါ်ထွန်းလာမည့် အရှင်၏ပုံကိုဆောင်ပေသည်။ 15သို့ရာတွင် သူတို့နှစ်ဦးသည် ကွာခြား၏။ ဘုရားရှင်၏ အခမဲ့ကျေးဇူးတော်နှင့် အာဒံ၏အပြစ်ကျူးလွန်ပုံ မတူညီသဖြင့် သူတို့နှစ်ဦးသည် ကွာခြားကြ၏။ တစ်ဦးကျူးလွန်သည့်အပြစ်ကြောင့် လူများစွာသေဆုံးခဲ့သည် မှန်ပါက ဘုရားရှင်၏ဂုဏ်ကျေးဇူးတော်အားဖြင့် လူမြောက်မြားစွာရရှိကြသည့် ဆုကျေးဇူးသည်လည်း ပို၍ကြွယ်ဝမည် ဖြစ်ပေသည်။ 16ဘုရားရှင် ပေးသနားတော်မူသော ဆုကျေးဇူးသည် အာဒံကျူးလွန်ခဲ့သော အပြစ်၏ရလဒ်နှင့် အလွန်ကွာခြား၏။ အဘယ်ကြောင့်ဆိုသော် အာဒံ၏အပြစ်သည် ပြစ်ဒဏ်ကိုသာကျခံစေပြီး ဘုရားရှင် ပေးသနားတော်မူသော ဆုကျေးဇူးမှာမူ ကျွန်ုပ်တို့၌ အပြစ်များစွာရှိသော်လည်း ဘုရားရှင်၏ ရှေ့တော်၌ ဖြောင့်မတ်ကြောင်းကို သတ်မှတ်ခံရစေသည့် အတွက်ကြောင့်ဖြစ်၏။ 17လူတစ်ဦးဖြစ်သော အာဒံကျူးလွန်သည့် အပြစ်ကြောင့် လူများစွာတို့အား သေခြင်းတရားက အုပ်စိုးလျှင် လူတစ်ဦးဖြစ်သော ယေရှုခရစ်တော်အားဖြင့် ဘုရားရှင်၏ ကြွယ်ဝသောဆုကျေးဇူးတော်နှင့် ဖြောင့်မတ်ခြင်း ဟူသော လက်ဆောင်အား လက်ခံရရှိကြသူအပေါင်းတို့ သည် အသက်ရှင်လျက်ဖြင့် ပို၍ပင်အုပ်စိုးကြလိမ့်မည်။ 18သို့ဖြစ်၍ တစ်ဦးက အပြစ်ကိုပြုသောကြောင့် လူသားအားလုံးပင် ပြစ်ဒဏ်စီရင်ခြင်းကို ခံရကြသည့်နည်းတူ အခြားတစ်ဦးက ဖြောင့်မတ်သောအမှုကို ပြုသည့်အတွက်ကြောင့် လူသားအပေါင်းတို့သည် ပြစ်ဒဏ်စီရင်ခြင်းမှ လွတ်မြောက်၍ အသက်ရှင်ရကြ၏။ 19လူတစ်ဦးသည် ဘုရားရှင်၏စကားကို နားမထောင်သောအားဖြင့် လူအပေါင်းတို့သည် အပြစ်ကျူးလွန်သူများ ဖြစ်ကြရသည့်နည်းတူ အခြားလူတစ်ဦးသည် ဘုရားရှင်၏စကားကို နာခံသောအားဖြင့် လူအပေါင်းတို့သည် ဘုရားရှင်နှင့် မှန်ကန်စွာဆက်သွယ်ကြရလိမ့်မည်။ 20လူတို့အနေဖြင့် မိမိတို့သည် မည်မျှအပြစ်များကြောင်းကို သိမြင်လာကြစေရန် ဘုရားရှင်သည် ပညတ်တရားကို ချမှတ်တော်မူခဲ့၏။ သို့သော်လည်း သူတို့သည် ပို၍အပြစ်ကျူးလွန်လေလေ ဘုရားရှင်၏ ကျေးဇူးတော်သည် ပို၍ကြွယ်ဝလေလေဖြစ်၏။ 21သို့ဖြစ်၍ အပြစ်တရားသည် သေခြင်းတရားအားဖြင့် ငါတို့အား နိစ္စထာဝရ အသက်ကိုရစေရန် ဘုရားရှင်၏ ကျေးဇူးတော်သည် ဖြောင့်မတ်ခြင်းတရားအားဖြင့် အုပ်စိုးလေသည်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.