Psalms 93
93
1ဘုရားရှင်သည် စိုးစံတော်မူ၍ ဘုန်းတန်ခိုးတော်ကို ဆင်မြန်းတော်မူ၏။ ဘုရားရှင်သည် ထိုသို့ဆင်မြန်းတော်မူ၏။ ဘုရားရှင်သည် ထိုသို့ ဆင်မြန်း၍ မိမိကိုယ်ကို အစွမ်းသတ္တိနှင့်ပတ်စည်းတော်မူ၏။ ကမ္ဘာလောကသည်လည်း မတုန်လှုပ်နိုင်အောင် တည်မြဲလျက်ရှိ၏။ 2အရှင်၏ပလ္လင်တော်သည် ရှေးကာလမှစ၍ တည်လျက်ရှိပါ၏။ အရှင်သည် ရှေးကာလအစဉ်အဆက်ကတည်းကပင် ရှိတော်မူ၏။ 3အို ဘုရားရှင်၊ မြစ်တို့သည် ဟုန်းဟုန်းမြည်ကြပါ၏။ မြစ်တို့သည် မိမိတို့၏အသံကို ဟုန်းဟုန်းမြည်စေကြပါ၏။ မြစ်တို့သည် မိမိတို့၏လှိုင်းခတ်သံများကို ဟုန်းဟုန်းမြည်စေကြပါ၏။ 4မြင့်သောအရပ်၌ရှိတော်မူသော ထာဝရဘုရားသည် များစွာသောရေတို့၏မြည်ဟည်းသံထက်တန်ခိုးကြီးတော်မူ၏။ ပင်လယ်လှိုင်းတံပိုးများထက်တန်ခိုးကြီးတော်မူ၏။ 5အရှင်၏သက်သေခံချက်တို့သည် အပြည့်အဝယုံကြည်စိတ်ချရပါ၏။ အို ဘုရားရှင်၊ မြင့်မြတ်ခြင်းသည် အရှင်၏အိမ်တော်ကို အစဉ်အမြဲတင့်တယ်စေပါ၏။
Jelenleg kiválasztva:
Psalms 93: TPV-RV
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.