Psalms 46
46
1ဘုရားရှင်သည် အကျွန်ုပ်တို့၏ခိုလှုံရာနှင့် အစွမ်းသတ္တိဖြစ်တော်မူ၏။ အကျွန်ုပ်တို့ ဆင်းရဲဒုက္ခရောက်သောအခါ အမှန်တကယ်တွေ့ရသည် ကူညီမသောအရှင် ဖြစ်တော်မူပါ၏။ 2သို့ဖြစ်၍ ပထဝီမြေကြီးသည် တုန်လှုပ်လျက် တောင်များသည် နက်ရှိုင်းရာသမုဒ္ဒရာထဲသို့ ကျလျှင်သော်လည်းကောင်း 3ပင်လယ်လှိုင်းတံပိုးထ၍ အသံမြည်ဟည်းသဖြင့် တောင်များသည် တုန်လှုပ်လျှင်သော်လည်းကောင်း အကျွန်ုပ်တို့သည် ကြောက်ရွံ့လိမ့်မည်မဟုတ်။ 4မြစ်တစ်မြစ်ရှိ၏။ ထိုမြစ် ရေစီးကြောင်းတို့သည် အမြင့်မြတ်ဆုံးသောအရှင်ကိန်းဝပ်တော်မူရာ သန့်ရှင်းမြင့်မြတ်သော တဲတော်တည်းဟူသော ဘုရားရှင်၏မြို့တော်ကို ဝမ်းမြောက်စေ၏။ 5ဘုရားရှင်သည် ထိုမြို့တော်၏အလယ်၌ ရှိတော်မူသည်ဖြစ်၍ ထိုမြို့တော်သည် တုန်လှုပ်မည်မဟုတ်ပေ။ နံနက်အချိန်သို့ရောက်သောအခါ ဘုရားရှင်သည် ထိုမြို့တော်အား ကူညီမစတော်မူလိမ့်မည်။ 6လူမျိုးတကာတို့သည် မငြိမ်မသက်ဖြစ်ကြ၏။ တိုင်းနိုင်ငံတို့သည် တုန်လှုပ်ကြ၏။ ကိုယ်တော်သည် အသံကိုမြှင့်၍ မြွက်ဆိုတော်မူသောအခါ ကမ္ဘာမြေကြီးသည် အရည်ပျော်လေ၏။ 7အနန္တတန်ခိုးတော်နှင့်ပြည့်စုံတော်မူသော ဘုရားရှင်သည် အကျွန်ုပ်တို့နှင့်အတူရှိတော်မူ၏။ ယာကုပ်၏ဘုရားရှင်သည် အကျွန်ုပ်တို့၏ ခိုလှုံရာဖြစ်တော်မူ၏။ 8လာကြလော့။ ဘုရားရှင်ပြုတော်မူသော အမှုတော်တို့ကို ကြည့်ကြလော့။ ကမ္ဘာမြေပေါ်တွင် ကိုယ်တော်ပြုတော်မူသော အံ့ဩဖွယ်အမှုအရာများကို ကြည့်ကြလော့။ 9ကိုယ်တော်သည် ကမ္ဘာမြေကြီးအစွန်းတိုင်အောင် စစ်ပွဲတို့ကို အဆုံးသတ်စေတော်မူ၏။ လေးတို့ကိုချိုးလျက်၊ လှံတို့အား အပိုင်းပိုင်းဖြတ်ကာ စစ်ရထားတို့ကို မီးဖြင့်ရှို့တော်မူ၏။ 10"ငြိမ်ဝပ်စွာနေ၍ ငါသည်ဘုရားဖြစ်ကြောင်း သိမှတ်ကြလော့။ ငါသည် လူမျိုးတကာတို့၏အလယ်တွင် ချီးမြှင့်ခြင်းရှိလိမ့်မည်။ ကမ္ဘာမြေကြီးပေါ်တွင် ချီးမြှောက်ခြင်း ရှိလိမ့်မည်" ဟု ကိုယ်တော်က မြွက်ဆိုခဲ့၏။ 11အနန္တတန်ခိုးတော်နှင့်ပြည့်စုံတော်မူသော ဘုရားရှင်သည် အကျွန်ုပ်တို့နှင့်အတူရှိတော်မူ၏။ ယာကုပ်၏ဘုရားရှင်သည် အကျွန်ုပ်တို့၏ ခိုလှုံရာဖြစ်တော်မူ၏။
Jelenleg kiválasztva:
Psalms 46: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.