Psalms 30
30
1အိုဘုရားရှင်၊ ကိုယ်တော်သည် အကျွန်ုပ်ကိုဆွဲတင်တော်မူပြီး အကျွန်ုပ်၏ရန်သူတို့အား အကျွန်ုပ်ကြောင့် ဝမ်းမြောက်ရသောအခွင့်ကို ပေးတော်မူခြင်း မရှိသောကြောင့် ကိုယ်တော်ကို အကျွန်ုပ်သည် ချီးမြှောက်ပါမည်။ 2အို အကျွန်ုပ်၏အရှင်ဖြစ်တော်မူသော ဘုရားရှင်၊ အကျွန်ုပ်သည် ကိုယ်တော့်ထံ ကူညီမစရန် အော်ဟစ်၍တောင်းလျှောက်ရာ ကိုယ်တော်သည် အကျွန်ုပ်အား ကျန်းမာစေတော်မူ၏။ 3အို ဘုရားရှင်၊ ကိုယ်တော်သည် အကျွန်ုပ်၏စိတ်ဝိညာဉ်ကို မရဏနိုင်ငံထဲမှ ထုတ်ဆောင်တော်မူ၍ အကျွန်ုပ်အား သေတွင်းထဲသို့ဆင်းမသွားစေဘဲ ဆက်လက်၍ အသက်ရှင်စေတော်မူပြီ။ 4ဘုရားရှင်အား သစ္စာစောင့်သိကြသူတို၊ ဘုရားရှင်အား သီဆိုချီးမွမ်းကြလော့။ သန့်ရှင်းမြင့်မြတ်တော်မူသောအရှင် ပြုတော်မူသည့်အမှုတော်ကို အောက်မေ့သတိရလျက် ကျေးဇူးတော်ကို ချီးမွမ်းကြလော့။ 5အကြောင်းမူကား ကိုယ်တော်၏အမျက်တော်သည် ခဏတာမျှသာဖြစ်၏။ ကိုယ်တော်၏ ကျေးဇူးတော်သည်ကား တစ်သက်လုံးတည်။ နေဝင်ချိန်၌ ငိုကြွေးခြင်းသည် လာရောက်တည်းခိုသော်လည်း ရွှင်လန်းစွာကြွေးကြော်ခြင်းသည် နံနက်အချိန်၌ရောက်လာ၏။ 6"အကျွန်ုပ်သည် မည်သည့်အခါမျှ တုန်လှုပ်မည်မဟုတ်" ဟု အကျွန်ုပ်၌ လုံခြုံစိတ်ချမှုရှိစဉ်အခါက အကျွန်ုပ်သည် ပြောဆိုခဲ့၏။ 7အို ဘုရားရှင်၊ ကိုယ်တော်သည် ကျေးဇူးတော်အားဖြင့် အကျွန်ုပ်၏တောင်ကို ခိုင်ခံ့စွာတည်စေတော်မူပြီ။ ကိုယ်တော် မျက်နှာတော်လွှဲတော်မူသောအခါ အကျွန်ုပ်သည် ထိတ်လန့်ရပါ၏။ 8အို ဘုရားရှင်၊ ကိုယ်တော်ကို အကျွန်ုပ်ခေါ်ပါ၏။ အကျွန်ုပ်၏ဘုရားရှင်ထံ အသနားခံတောင်းလျှောက်ပါ၏။ 9အကျွန်ုပ်၏သေဆုံးခြင်းအားဖြင့်လည်းကောင်း၊ သေတွင်းထဲသို့ အကျွန်ုပ်ဆင်းသွားခြင်းအားဖြင့်လည်းကောင်း မည်သည့်အကျိုးရှိပါမည်နည်း။ မြေမှုန်သည် ကိုယ်တော်အား ချီးမွမ်းပါမည်လော။ ကိုယ်တော်၏သမ္မာတရားကို ပြောကြားပါမည်လော။ 10အို ဘုရားရှင်၊ နားထောင်တော်မူပါ။ အကျွန်ုပ်ကိုသနားတော်မူပါ။ အို ဘုရားရှင်၊ ကိုယ်တော်သည် အကျွန်ုပ်အား ကူညီမစတော်မူသောအရှင် ဖြစ်တော်မူပါ။ 11ကိုယ်တော်သည် အကျွန်ုပ်၏ ဝမ်းနည်းမြည်တမ်းခြင်းကို ပျော်ရွှင်စွာကခုန်ခြင်းသို့ ပြောင်းလဲစေတော်မူပြီ။ အကျွန်ုပ်၏ လျှော်တေအဝတ်ကိုချွတ်၍ ဝမ်းမြောက်ခြင်းအဝတ်ကို ဝတ်ဆင်ပေးတော်မူပြီ။ 12အို အကျွန်ုပ်၏အရှင်ဖြစ်တော်မူသော ဘုရားရှင်၊ အကျွန်ုပ်၏စိတ်နှလုံးသည် တိတ်ဆိတ်စွာမနေဘဲ ကိုယ်တော်ကို သီဆိုချီးမွမ်းပါမည်။ အကျွန်ုပ်သည် ကိုယ်တော်၏ ကျေးဇူးတော်ကို အစဉ်အမြဲချီးမွမ်းပါမည်။
Jelenleg kiválasztva:
Psalms 30: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.