Psalms 16
16
1အို ဘုရားရှင်၊ အကျွန်ုပ်အား ကာကွယ်စောင့်ရှောက်တော်မူပါ။ အကြောင်းမူကား ကိုယ်တော်ထံတွင် အကျွန်ုပ်သည် ခိုလှုံလိုသည်ဖြစ်၏။ 2အကျွန်ုပ်သည် ဘုရားရှင်အား "ကိုယ်တော်သည် အကျွန်ုပ်၏ဘုရားရှင် ဖြစ်တော်မူ။ ကိုယ်တော်မှတစ်ပါး အခြားသော ကောင်းကျိုးချမ်းသာ အကျွန်ုပ်ထံတွင် မရှိပါ" ဟု လျှောက်တင်ပါ၏။ 3ကမ္ဘာမြေကြီးပေါ်ရှိ မြင့်မြတ်သောသူတို့နှင့် ပတ်သက်၍မူကား သူတို့သည် ထူးမြတ်သောသူများဖြစ်ကြ၏။ ကျွန်ုပ်သည် သူတို့အား အလွန်ပင်နှစ်သက်ပါ၏။ 4အခြားသော ဘုရားများအား ဆည်းကပ်ကိုးကွယ်ကြသူတို့ သည် မိမိတို့၏ဝမ်းနည်းပူဆွေးမှုကို တိုးပွားစေကြလိမ့်မည်။ အကျွန်ုပ်သည် သူတို့၏ သွန်းလောင်းရာ ပူဇော်သက္ကာနှင့်ဆိုင်သောသွေးကို သွန်းလောင်းမည်မဟုတ်။ ထိုဘုရားတို့၏ နာမကိုလည်း ကျွန်ုပ်၏နှုတ်ဖြင့် ရွတ်ဆိုမည်မဟုတ်။ 5ဘုရားရှင်သည် ကျွန်ုပ်ခွဲဝေရရှိထားသော ကျွန်ုပ်၏ဝေစု၊ ကျွန်ုပ်၏ခွက်ဖလား ဖြစ်တော်မူ၏။ ကိုယ်တော်သည် ကျွန်ုပ်ရရှိမည့် အမွေဝေစုအား ထိန်းသိမ်းပေးထားတော်မူ၏။ 6ကျွန်ုပ်အတွက် သတ်မှတ်ပေးထားသည့် နယ်မြေသည် နှစ်လိုဖွယ်ကောင်းသည့်အရပ်၌ ကျရောက်လေပြီဖြစ်၏။ ကျွန်ုပ်သည် အမှန်ပင်သာယာကြည်နူးဖွယ် ကောင်းသော အမွေကို ဆက်ခံရရှိလေပြီ။ 7ကျွန်ုပ်အာ အကြံပေးတော်မူသော ဘုရားရှင်ကို ကျွန်ုပ်သည် ချီးဝမ်းမည်ဖြစ်။ ညအချိန်၌လည်း ကျွန်ုပ်၏ စိတ်နှလုံးသည် ကျွန်ုပ်အား ဆုံးမပဲ့ပြင်၏။ 8ဘုရားရှင်သည် ကျွန်ုပ်နှင့်အတူ ရှိတော်မူသည်ကို ကျွန်ုပ်သည် အစဉ်သိ၏။ ကိုယ်တော်သည် ကျွန်ုပ်၏လက်ယာဘက်၌ ရှိတော်မူသဖြင့် မည်သည့်အရာကမျှ ကျွန်ုပ်အား တုန်လှုပ်စေလိမ့်မည်မဟုတ်။ 9ထို့ကြောင့် ကျွန်ုပ်စိတ်နှလုံးသည် ရွှင်လန်းဝမ်းမြောက်ပါ၏။ ကျွန်ုပ်၏ခန္ဓာကိုယ်သည်လည်း ဘေးကင်းလုံခြံစွာ နေရလိမ့်မည်ဖြစ်၏။ 10အကြောင်းမူကား ကိုယ်တော်သည် ကျွန်ုပ်အား မရဏနိုင်ငံသို့သွားရန်အခွင့်ကို ပေးတော်မူမည်မဟုတ်သောကြောင့်ဖြစ်၏။ အကျွန်ုပ်သည် အမှုတော်ကို သစ္စာရှိစွာ ထမ်းဆောင်ခဲ့ပါ၏။ ကိုယ်တော်သည် အကျွန်ုပ်အား သေမင်း၏လက်သို့ အပ်တော်မူမည်မဟုတ်။ 11ကိုယ်တော်သည် အကျွန်ုပ်အား အသက်ရှင်ရာကို လမ်းညွှန်ပြသတော်မူလိမ့်မည်။ ကိုယ်တော်သည် အကျွန်ုပ်၏အနီးတွင် ရှိတော်မူသည်ဖြစ်၍ အကျွန်ုပ်သည် ရွှင်လန်းဝမ်းမြောက်၍ ထာဝစဉ် ပျော်မွေ့လျက်ရှိပါ၏။
Jelenleg kiválasztva:
Psalms 16: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.