Psalms 144
144
1ငါ၏ကျောက်ဆောင်ဖြစ်တော်မူသော ဘုရားရှင်သည် မင်္ဂလာရှိတော်မူ၏။ ကိုယ်တော်သည် ငါ၏လက်ကို စစ်မက်အတွက်သော်လည်းကောင်း၊ ငါ၏လက်ချောင်းများကို တိုက်ပွဲအတွက်လည်းကောင်း လေ့ကျင့်ပေးတော်မူ၏။ 2ကိုယ်တော်သည် ငါ၏မေတကရုဏာရှင်၊ ငါ၏ရဲတိုက်၊ ငါ၏ခိုကိုးရာ၊ ငါ့ကိုကယ်တင်သောအရှင်၊ ငါ၏ဒိုင်းလွှားဖြစ်တော်မူ၏။ ငါသည် ကိုယ်တော်ကို ခိုလှုံ၏။ ကိုယ်တော်သည် ငါ၏လူမျိုးကို ငါအုပ်စိုးရသောအခွင့်ပေးတော်မူ၏။ 3အို ဘုရားရှင်၊ လူသည် မည်သို့သောသူဖြစ်၍ ကိုယ်တော်သည် သူ့ကို သိမှတ်တော်မူရသနည်း။ လူ့သားသည် မည်သို့သောသူဖြစ်၍ ကိုယ်တော်သည် သူ့ကိုပမာဏပြုတော်မူရသနည်း။ 4လူသည် အခိုးအငွေ့ကဲ့သို့ဖြစ်ပါ၏။ သူ၏နေ့ရက်တို့သည် ရိပ်ခနဲဖြတ်သွားသော အရိပ်ကဲ့သို့ဖြစ်ကြပါ၏။ 5အို ဘုရားရှင်၊ ကိုယ်တော်၏ကောင်းကင်ကိုညွှတ်၍ ကြွဆင်းတော်မူပါ။ တောင်များမှ မီးခိုးထွက်ရန် ၎င်းတို့ကို ထိတို့တော်မူပါ။ 6လျှပ်စီးကိုလက်စေလျက် ရန်သူတို့ကို ကွဲလွင့်စေတော်မူပါ။ ကိုယ်တော်၏မြားတို့ကို ပစ်လွှတ်၍ သူတို့ကိုအရေးနိမ့်စေတော်မူပါ။ 7မြင့်သောအရပ်မှ လက်တော်ကိုဆန့်တော်မူပါ။ များစွာသောရေထဲမှလည်းကောင်း၊ တိုင်းတစ်ပါးသားတို့၏လက်ထဲမှလည်းကောင်း အကျွန်ုပ်ကိုကယ်နုတ်ပြီး လွတ်မြောက်စေတော်မူပါ။ 8သူတို့၏နုတ်သည် မဟုတ်မမှန်ပြောဆိုတတ်ပါ၏။ သူတို့၏လက်ယာလက်သည်လည်း လှည့်ဖြားတတ်သောလက်ဖြစ်ပါ၏။ 9အိုဘုရားရှင်၊ အကျွန်ုပ်သည် ကိုယ်တော်ထံသို့ သီချင်းအသစ်ကို သီကျူးပါမည်။ ဆယ်ကြိုးတပ်စောင်းပြားတီး၍ ကိုယ်တော်ကို ချီးမွမ်းသီဆိုပါမည်။ 10ကိုယ်တော်သည် ရှင်ဘုရင်တို့အား အောင်ပွဲကိုပေးတော်မူ၏။ ကိုယ်တော်၏အစေအပါးဒါဝိဒ်ကိုလည်း ဆိုးဝါးသောဓားဘေးမှ လွတ်မြောက်စေတော်မူ၏။ 11တိုင်းတစ်ပါးသာတို့၏လက်မှ အကျွန်ုပ်ကိုကယ်နုတ်ပြီး လွတ်မြောက်စေတော်မူပါ။ သူတို့၏နှုတ်သည် မဟုတ်မမှန်ပြောဆိုတတ်ပါ၏။ သူတို့၏လက်ယာသည်လည်း လှည့်ဖျားတတ်သော လက်ဖြစ်ပါ၏။ 12အကျွန်ုပ်တို့၏သားများသည် သူတို့ပျိုရွယ်ချိန်တွင် ကြီးထွားတတ်သော ပျိုးပင်များကဲ့သို့ ဖြစ်ကြပါစေသော။ အကျွန်ုပ်တို့၏သမီးများသည် နန်းတော်အတွက်ထွင်းထုထားသော ထောင့်ကျောက်တိုင်ကဲ့သို့ ဖြစ်ကြပါစေသော။ 13အကျွန်ုပ်တို့၏စပါးကျီများသည် လယ်ယာထွက်ကုန်အမျိုးမျိုးတို့ဖြင့် ပြည့်ကြပါစေသော။ အကျွန်ုပ်တို့၏သိုးများသည် အကျွန်ုပ်တို့၏လယ်ကွင်းပြင်းများထဲတွင် ထောင်သောင်းမကပွားများကြစေသော။ 14အကျွန်ုပ်တို့၏နွားများသည် ထမ်းပိုးကောင်းကြပါစေသော။ မြို့ရိုကျိုးပေါက်ခြင်းမရှိ၊ သိမ်းသွားခံရခြင်းလည်းမရှိ၊ အကျွန်ုပ်တို့၏လမ်းများ၌ ငိုကြွေးပူဆွေးခြင်းများလည်း မရှိပါစေနှင့်။ 15ထိုသို့ကောင်းချီးများကိုခံစမင်္ားရသော လူမျိုးသည် မင်္ဂလာရှိ၏။ ထိုအရှင်ကို ဘုရားရှင်အဖြစ် ကိုးကွယ်ကြသော လူမျိုးများသည် မင်္ဂလာရှိကြ၏။
Jelenleg kiválasztva:
Psalms 144: TPV-RV
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.