Psalms 126
126
1ဘုရားရှင်သည် ဖမ်းဆီးခေါ်ဆောင်ခြင်းခံရသော ဇိအုန်မြို့သားတို့ကို ပြန်လာစေတော်မူသောအခါ ငါတို့သည် အိပ်မက်မက်နေသူကဲ့သို့ဖြစ်ကြ၏။ 2ထိုအခါ ငါတို့နှုတ်သည် ရယ်မောခြင်းနှင့်လည်းကောင်း၊ ငါတို့ရှာသည် ရွှင်လန်းစွာကြွေးကြော်ခြင်းနှင့်လည်းကောင်း ပြည့်ဝ၏။ သူတို့ကလည်း "ဘုရားရှင်သည် သူတို့အတွက် ကြီးမြတ်သောအမှုကို ပြုတော်မူပြီ" ဟု တိုင်းနိုင်ငံတို့အလယ်တွင် ပြောဆိုကြ၏။ 3ဘုရားရှင်သည် ငါတို့အတွက်ကြီးမြတ်သောအမှုကိုပြုတော်မူပြီ။ ငါတို့သည် ဝမ်းမြောက်ကြ၏။ 4အို... ဘုရားရှင် ဖမ်းဆီးခေါ်ဆောင်သွားခြင်းခံရသော အကျွန်ုပ်တို့ကို နေဂေ့အရပ်မှချောင်းရေများကဲ့သို့ ပြန်လာစေတော်မူပါ။ 5မျက်ရည်ဖြင့် မျိုးစေ့ကြဲသောသူတို့သည် ရွှင်လန်းစွာကြွေးကြော်ခြင်းဖြင့် ရိပ်သိမ်းကြရလိမ့်မည်။ 6မျက်ရည်ကျလျက် ကြဲစရာမျိုးစေ့ကို သယ်ဆောင်၍ ထွက်သွားသောသူသည် မိမိ၏ကောက်လှိုင်းများကို သယ်ဆောင်၍ ရွှင်လန်းစွာကြွေးကြော်ခြင်းဖြင့် မုချပြန်လာလိမ့်မည်။
Jelenleg kiválasztva:
Psalms 126: TPV-RV
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.