Psalms 114
114
1အစ္စရေးလူမျိုးသည် အီဂျစ်ပြည်မှ၊ ယာကုပ်၏အမျိုးအနွယ်သည် တိုင်းတစ်ပါးဘာသာစကားပြောဆိုသော လူမျိုးထံမှထွက်လာသောအခါ 2ယုဒအမျိုးတို့သည် ကိုယ်တော်၏ သန့်ရှင်းမြင့်မြတ်သည့်လူမျိုးတော်၊ အစ္စရေးလူမျိုးတို့သည် ကိုယ်တော်ပိုင်တော်မူသောလူစုတော်ဖြစ်လာကြ၏။ 3ပင်လယ်နီသည် မြင်၍ထွက်ပြေးလေ၏။ ဂျော်ဒန်မြစ်သည် နောက်ပြန်လှည့်လေ၏။ 4တောင်တို့သည် သိုးထီးကဲ့သို့လည်းကောင်း၊ တောင်ကုန်းတို့သည် သိုးသငယ်ကဲ့သိုလည်းကောင်း ခုန်ပေါက်ကြ၏။ 5အချင်းပင်လယ် သင်သည်အဘယ်ကြောင့်ထွက်ပြေးရသနည်း။ အချင်းဂျော်ဒန်မြစ်၊ သင်သည် အဘယ်ကြောင့် နောက်သို့ပြန်လှည့်ရသနည်း။ 6အချင်းတောင်ကြီးတို့ သင်တို့သည် အဘယ်ကြောင့် သိုးထီးကဲ့သိုလည်းကောင်၊ အချင်းတောင်ကုန်းတို့၊ သင်တို့သည် အဘယ်ကြောင့် သိုးသငယ်ကဲ့သို့လည်းကောင်း ခုန်ပေါက်ကြသနည်း။ 7အချင်းမြေကြီး၊ အရှင်၏ရှေ့တော် တည်းဟူသော ယာကုပ်၏ဘုရားရှေ့တော်၌ တုန်လှုပ်လျက်နေလော့။ 8ကိုယ်တော်သည် ကျောက်ဆောင်ကို ရေအိုင်အဖြစ်သို့လည်းကောင်း၊ မာကျော်သောကျောက်ကို စမ်းရေတွင်းအဖြစ်သို့လည်းကောင်း ပြောလဲစေတော်မူ၏။
Jelenleg kiválasztva:
Psalms 114: TPV-RV
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.