Philippians 2
2
1ထိုကြေင့်သင်တို့သည်ယေရှုခရစ်တော်၌အသက်ရှင်ခြင်းအားဖြင့်ခွန်အားရရှိကြသည်။ ကိုယ်တော်၏ချစ်ခြင်း မေတ္တာတော်သည်သင်တို့အားနှစ်သိမ့်ခြင်းကိုပေးသည်။ သင်တို့သည်ဉာဏ်အလင်းတော်နှင့်မိတ်ဆွေဖွဲ့ခွင့်ကိုရရှိကြသည်။ သင်တို့တွင်အချင်းချင်းသနားကြင်နာစိတ်ရှိကြသည်။ 2သို့ဖြစ်၍သင်တို့သည်တစ်စိတ်တစ်ဝမ်းတည်းရှိခြင်း၊ အချင်းချင်းချစ်ခင်ကြခြင်း၊ စိတ်သဘောထားတညီတညွတ်တည်းရှိခြင်းအားဖြင့်အကျွန်ုပ်အားအကြွင်းမဲ့ဝမ်းမြောက်စေကြလော့။ 3တစ်ကိုယ်ကောင်းဆန်သောစိတ် သို့မဟုတ် မိမိကိုယ်ကိုအထင်ကြီသောစိတ်တို့ဖြင့် မည်သည့်အရာကိုမျှမလုပ်ဆောင်ကြနှင့်။ သူတစ်ပါးတို့သည် မိမိထက်သာသည်ဟုယူဆလျက် အစဉ်အမြဲမိမိ၏စိတ်ကိုနှိမ့်ချကြလော့။ 4မိမိ၏ကိုယ်ကျိုးကိုသာမရှာဘဲ သူတစ်ပါး၏အကျိုးကိုလည်းရှာကြလော့။ 5ယေရှုခရစ်တော်၌ရှိသောစိတ်သဘောမျိုးကို သင်တို့တွင်လည်းရှိစေကြလော့။ 6ယေရှုခရစ်တော်သည် ဘုရားရှင်၏အသွင်သဏ္ဌာန်ရှိသော်လည်း ဘုရားရှင်နှင့်တန်းတူဖြစ်ခြင်းကိုဆုပ်ကိုင်ထားရမည့်အရာဟု မမှတ်ယူဘဲ 7မိမိ၏ဘုန်းအသရေကို စွန့်တော်မူ၍ အစေခံတို့၏ အသွင်သဏ္ဌာန်ကိုဆောင်လျက် လူသားအဖြစ်မွေးဖွား လာတော်မူသည်။ 8ယေရှုခရစ်တော်သည် မိမိကိုယ်ကိုနှိမ့်ချတော်မူလျက်လက်ဝါးကပ်တိုင်ပေါ်တွင် အသေခံသည့်တိုင်အောင် ဘုရားရှင်အားနာခံတော်မူသည်။ 9ထို့ကြောင့် ဘုရားရှင်သည် ကိုယ်တော့်ကို အလွန်ချီးမြှောက်တော်မူ၍ ဘွဲ့နာမတကာတို့ထက်ကြီးမြတ်သောဘွဲ့နာမကိုပေးအပ်တော်မူသည်။ 10ဤသည်ကားရွှေမြို့တော်၌ဖြစ်စေ၊ မြေကြီးပေါ်၌ဖြစ်စေ၊ ကမ္ဘာမြေအောက်၌ဖြစ်စေ အားလုံးသည် ယေရှုခရစ်တော်၏အမည်နာမတော်ကိုဦးညွှတ်လျက် 11ယေရှုခရစ်တော်သည် အရှင်သခင်ဖြစ်ကြောင်းကို နှုတ်ဖြင့်ဝန်ခံကြလျက် အဖဘုရားရှင်၏ဘုန်းတော်ကို ထင်ရှားစေကြလိမ့်မည်ဖြစ်သည်။ 12ထို့ကြောင့်ချစ်ရပါသောမိတ်ဆွေတို့၊ သင်တို့သည် အကျွန်ုပ်နှင့်အတူရှိစဉ်အခါကပင် ဘုရားရှင်အားအစဉ် အမြဲနာခံသကဲ့သို့ အကျွန်ုပ်မရှိသောအချိန်၌လည်း ဘုရားရှင်အားပို၍နာခံကြလော့။ ထိုနည်းတူကြောက်ရွံ့ ရိုသေသောစိတ်ဖြင့် မိမိတို့သည်ကယ်တင်ခြင်းခံရပြီးသောသူများဖြစ်ကြောင်းကို ပေါ်လွင်စေရန်ကြိုးစားအား ထုတ်ကြလော့။ 13အဘယ်ကြောင့်ဆိုသော် ဘုရားရှင်နှစ်သက်စေမည့်အရာကို ဆောင်ရွက်လိုသောစိတ်ဆန္ဒရှိရန်နှင့် ဆောင်ရွက်နိုင်စွမ်းရှိရန် သင်တို့အတွင်း၌ သက်ဝင်လှုပ်ရှားနေသောအရှင်သည် ဘုရားရှင်ဖြစ်တော်မူသောကြောင့်ဖြစ်သည်။ 14အရာခပ်သိမ်းကို ညည်းညူခြင်းနှင့်ငြင်းခုံခြင်းမရှိဘဲ လုပ်ဆောင်ကြလော့။ 15ထိုမှသာ သင်တို့သည် ဖောက်ပြန်ကောက်ကျစ်သောမျိုးဆက်၏အလယ်တွင် သင်တို့သည် ရိုးသားဖြောင့်မတ် လျက် အပြစ်တင်စရာမရှိသောသူများ၊ အပြစ်အနာအဆာကင်းသော ဘုရားရှင်၏သားသမီးများဖြစ်ကြလိမ့်မည် ဖြစ်ပြီး ဤလောကတွင် ထိုကဲ့သို့သောသူများ၏အလယ်တွင် ကြယ်များကဲ့သို့ထွန်းလင်းတောက်ပကြလိမ့်မည် ဖြစ်သည်။ 16ထာဝရအသက်ကိုပေးသည့် သတင်းစကားကိုသစ္စာရှိစွာဟောပြောကြလော့။ ထိုသို့ ပြုလျှင် အကျွန်ုပ်ကြိုးစားအားထုတ်၍ လုပ်ဆောင်ခဲ့သမျှတို့သည် အချည်းနှီးဖြစ်မည်မဟုတ်ဘဲ ယေရှုခရစ်တော်ပြန်ကြွလာသည့်အချိန်တွင် အကျွန်ုပ်သည်ဂုဏ်ယူဝင့်ကြွားနိုင်လိမ့်မည်ဖြစ်သည်။ 17သင်တို့၏ယုံကြည်ခြင်းကြောင့် ဘုရားရှင်အားပူဇော်သောပလ္လင်ပေါ်တွင်အကျွန်ုပ်၏အသက်သွေးကို သွန်းလောင်းရမည်ဆိုလျှင်ပင် အကျွန်ုပ်သည်ဝမ်းမြောက်သည်။ သင်တို့အားလုံးနှင့်အတူအကျွန်ုပ်ဝမ်းမြောက်သည်။ 18ထိုနည်းတူ သင်တို့သည်လည်း အကျွန်ုပ်နှင့်အတူဝမ်းမြောက်ကြလော့။ 19အကျွန်ုပ်သည် သင်တို့အကြောင်းကိုကြားသိ၍ အားတက်လာစေရန် အရှင်ဖြစ်သော ကိုယ်တော်ယေရှုအလိုရှိလျှင် တိမောသေကို သင်တို့ထံသို့စေလွှတ်နိုင်ရန်မျှော်လင့်ထားပါသည်။ 20သင်တို့အကျိုးကိုအမှန်တကယ်အလေးထားသောသူမှာ တိမောသေမှလွှဲ၍ အကျွန်ုပ်ထံ၌အခြားမည်သူမျှ မရှိပါ။ 21အခြားသောသူအပေါင်းတို့သည်ကားကိုယ့်အကျိုးကိုသာလျှင်ရှာကြသည်။ ယေရှုခရစ် ၏အကျိုးကိုမရှာကြ။ 22သို့သော်တိမောသေသည် မင်္ဂလာသတင်းကောင်းကို ဟောပြောရာတွင် အကျွန်ုပ်နှင့်အတူ သားအကဲ့သို့ သစ္စာရှိစွာအစေခံခဲ့ကြောင်းကို သူကိုယ်တိုင်သက်သေပြခဲ့သည်ကို သင်တို့သိကြသည်။ 23သို့ဖြစ်၍အကျွန်ုပ်၏အမှုကိစ္စသည် မည်ကဲ့သို့ဖြစ်မည်ကိုသိလျှင်သိခြင်း သူ့အားသင်တို့ထံသို့စေလွှတ်နိုင်မည်ဟုအကျွန်ုပ်မျှော်လင့်သည်။ 24အကျွန်ုပ်သည်လည်းမကြာမီတွင် သင်တို့ထံသို့ရောက်လာနိုင်မည်ဟု ဘုရားရှင်ထံ၌ အကျွန်ုပ်ယုံကြည် စိတ်ချထားသည်။ 25သို့သော် အကျွန်ုပ်၏ညီ၊ အကျွန်ုပ်၏လုပ်ဖော်ကိုင်ဖက်နှင့် ရဲဘော်ရဲဘက်ဖြစ်သည့်အပြင် အကျွန်ုပ်၏လိုအပ်ချက်များကိုဖြည့်ဆည်းဆောင်ရွက်ပေးသော သင်တို့၏စေတမန်ဖြစ်သော ဧပဖြောဒိတ်ကို သင်တို့ထံသို့စေလွှတ်ရန် လိုအပ်သည်ဟုအကျွန်ုပ်ယူဆသည်။ 26အဘယ်ကြောင့်ဆိုသော် သူနာမကျန်းဖြစ်သည်ကို သင်တို့သိကြောင်း သူကြားသိသောအခါ စိတ်မချမ်မသာ ဖြစ်လျက် သင်တို့အားလုံးကိုလည်းလွမ်းဆွတ်လျက်ရှိနေသောကြောင့်ဖြစ်သည်။ 27သူသည် အမှန်တကယ်ပင်သေလုနီးပါးနာမကျန်းဖြစ်ခဲ့သည်။ သို့သော် ဘုရားရှင်သည် သူ့ကိုသနားတော်မူလေသည်။ သူ့ကိုသာမကဘဲ အကျွန်ုပ်၌တစ်ပူပေါ်တစ်ပူဆင့်မဖြစ်ရလေအောင် အကျွန်ုပ်ကိုလည်းသနားတော်မူသည်။ 28ထို့ကြောင့် သင်တို့သည် သူ့ကိုတစ်ဖန်တွေ့မြင်၍ ဝမ်းမြောက်ကြစေရန်နှင့် အကျွန်ုပ်သည်လည်း စိတ်သက်သာရာရစေရန် သူ့ကိုစေလွှတ်ရန်အကျွန်ုပ်စိတ်အားထက်သန်နေသည်။ 29သို့ဖြစ်၍ သင်တို့၏ခရစ်ယာန်ညီအစ်ကိုအား ဝမ်းမြောက်ဝမ်းသာကြိုဆိုကြလော့။ ဤသို့သောလူတို့ကိုလည်း ရိုသေလေးစားကြလော့။ 30အဘယ်ကြောင့်ဆိုသော် သူသည် အကျွန်ုပ်အား သင်တို့မပေးနိုင်သည့် အကူအညီကိုပေးရန် မိမိ၏အသက်ကို ပင်စွန့်စားကာ ယေရှုခရစ်တော်၏ အမှုတော်အတွက်သေလုနီးပါးဖြစ်ခဲ့သောကြောင့်ဖြစ်သည်။
Jelenleg kiválasztva:
Philippians 2: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Philippians 2
2
1ထိုကြေင့်သင်တို့သည်ယေရှုခရစ်တော်၌အသက်ရှင်ခြင်းအားဖြင့်ခွန်အားရရှိကြသည်။ ကိုယ်တော်၏ချစ်ခြင်း မေတ္တာတော်သည်သင်တို့အားနှစ်သိမ့်ခြင်းကိုပေးသည်။ သင်တို့သည်ဉာဏ်အလင်းတော်နှင့်မိတ်ဆွေဖွဲ့ခွင့်ကိုရရှိကြသည်။ သင်တို့တွင်အချင်းချင်းသနားကြင်နာစိတ်ရှိကြသည်။ 2သို့ဖြစ်၍သင်တို့သည်တစ်စိတ်တစ်ဝမ်းတည်းရှိခြင်း၊ အချင်းချင်းချစ်ခင်ကြခြင်း၊ စိတ်သဘောထားတညီတညွတ်တည်းရှိခြင်းအားဖြင့်အကျွန်ုပ်အားအကြွင်းမဲ့ဝမ်းမြောက်စေကြလော့။ 3တစ်ကိုယ်ကောင်းဆန်သောစိတ် သို့မဟုတ် မိမိကိုယ်ကိုအထင်ကြီသောစိတ်တို့ဖြင့် မည်သည့်အရာကိုမျှမလုပ်ဆောင်ကြနှင့်။ သူတစ်ပါးတို့သည် မိမိထက်သာသည်ဟုယူဆလျက် အစဉ်အမြဲမိမိ၏စိတ်ကိုနှိမ့်ချကြလော့။ 4မိမိ၏ကိုယ်ကျိုးကိုသာမရှာဘဲ သူတစ်ပါး၏အကျိုးကိုလည်းရှာကြလော့။ 5ယေရှုခရစ်တော်၌ရှိသောစိတ်သဘောမျိုးကို သင်တို့တွင်လည်းရှိစေကြလော့။ 6ယေရှုခရစ်တော်သည် ဘုရားရှင်၏အသွင်သဏ္ဌာန်ရှိသော်လည်း ဘုရားရှင်နှင့်တန်းတူဖြစ်ခြင်းကိုဆုပ်ကိုင်ထားရမည့်အရာဟု မမှတ်ယူဘဲ 7မိမိ၏ဘုန်းအသရေကို စွန့်တော်မူ၍ အစေခံတို့၏ အသွင်သဏ္ဌာန်ကိုဆောင်လျက် လူသားအဖြစ်မွေးဖွား လာတော်မူသည်။ 8ယေရှုခရစ်တော်သည် မိမိကိုယ်ကိုနှိမ့်ချတော်မူလျက်လက်ဝါးကပ်တိုင်ပေါ်တွင် အသေခံသည့်တိုင်အောင် ဘုရားရှင်အားနာခံတော်မူသည်။ 9ထို့ကြောင့် ဘုရားရှင်သည် ကိုယ်တော့်ကို အလွန်ချီးမြှောက်တော်မူ၍ ဘွဲ့နာမတကာတို့ထက်ကြီးမြတ်သောဘွဲ့နာမကိုပေးအပ်တော်မူသည်။ 10ဤသည်ကားရွှေမြို့တော်၌ဖြစ်စေ၊ မြေကြီးပေါ်၌ဖြစ်စေ၊ ကမ္ဘာမြေအောက်၌ဖြစ်စေ အားလုံးသည် ယေရှုခရစ်တော်၏အမည်နာမတော်ကိုဦးညွှတ်လျက် 11ယေရှုခရစ်တော်သည် အရှင်သခင်ဖြစ်ကြောင်းကို နှုတ်ဖြင့်ဝန်ခံကြလျက် အဖဘုရားရှင်၏ဘုန်းတော်ကို ထင်ရှားစေကြလိမ့်မည်ဖြစ်သည်။ 12ထို့ကြောင့်ချစ်ရပါသောမိတ်ဆွေတို့၊ သင်တို့သည် အကျွန်ုပ်နှင့်အတူရှိစဉ်အခါကပင် ဘုရားရှင်အားအစဉ် အမြဲနာခံသကဲ့သို့ အကျွန်ုပ်မရှိသောအချိန်၌လည်း ဘုရားရှင်အားပို၍နာခံကြလော့။ ထိုနည်းတူကြောက်ရွံ့ ရိုသေသောစိတ်ဖြင့် မိမိတို့သည်ကယ်တင်ခြင်းခံရပြီးသောသူများဖြစ်ကြောင်းကို ပေါ်လွင်စေရန်ကြိုးစားအား ထုတ်ကြလော့။ 13အဘယ်ကြောင့်ဆိုသော် ဘုရားရှင်နှစ်သက်စေမည့်အရာကို ဆောင်ရွက်လိုသောစိတ်ဆန္ဒရှိရန်နှင့် ဆောင်ရွက်နိုင်စွမ်းရှိရန် သင်တို့အတွင်း၌ သက်ဝင်လှုပ်ရှားနေသောအရှင်သည် ဘုရားရှင်ဖြစ်တော်မူသောကြောင့်ဖြစ်သည်။ 14အရာခပ်သိမ်းကို ညည်းညူခြင်းနှင့်ငြင်းခုံခြင်းမရှိဘဲ လုပ်ဆောင်ကြလော့။ 15ထိုမှသာ သင်တို့သည် ဖောက်ပြန်ကောက်ကျစ်သောမျိုးဆက်၏အလယ်တွင် သင်တို့သည် ရိုးသားဖြောင့်မတ် လျက် အပြစ်တင်စရာမရှိသောသူများ၊ အပြစ်အနာအဆာကင်းသော ဘုရားရှင်၏သားသမီးများဖြစ်ကြလိမ့်မည် ဖြစ်ပြီး ဤလောကတွင် ထိုကဲ့သို့သောသူများ၏အလယ်တွင် ကြယ်များကဲ့သို့ထွန်းလင်းတောက်ပကြလိမ့်မည် ဖြစ်သည်။ 16ထာဝရအသက်ကိုပေးသည့် သတင်းစကားကိုသစ္စာရှိစွာဟောပြောကြလော့။ ထိုသို့ ပြုလျှင် အကျွန်ုပ်ကြိုးစားအားထုတ်၍ လုပ်ဆောင်ခဲ့သမျှတို့သည် အချည်းနှီးဖြစ်မည်မဟုတ်ဘဲ ယေရှုခရစ်တော်ပြန်ကြွလာသည့်အချိန်တွင် အကျွန်ုပ်သည်ဂုဏ်ယူဝင့်ကြွားနိုင်လိမ့်မည်ဖြစ်သည်။ 17သင်တို့၏ယုံကြည်ခြင်းကြောင့် ဘုရားရှင်အားပူဇော်သောပလ္လင်ပေါ်တွင်အကျွန်ုပ်၏အသက်သွေးကို သွန်းလောင်းရမည်ဆိုလျှင်ပင် အကျွန်ုပ်သည်ဝမ်းမြောက်သည်။ သင်တို့အားလုံးနှင့်အတူအကျွန်ုပ်ဝမ်းမြောက်သည်။ 18ထိုနည်းတူ သင်တို့သည်လည်း အကျွန်ုပ်နှင့်အတူဝမ်းမြောက်ကြလော့။ 19အကျွန်ုပ်သည် သင်တို့အကြောင်းကိုကြားသိ၍ အားတက်လာစေရန် အရှင်ဖြစ်သော ကိုယ်တော်ယေရှုအလိုရှိလျှင် တိမောသေကို သင်တို့ထံသို့စေလွှတ်နိုင်ရန်မျှော်လင့်ထားပါသည်။ 20သင်တို့အကျိုးကိုအမှန်တကယ်အလေးထားသောသူမှာ တိမောသေမှလွှဲ၍ အကျွန်ုပ်ထံ၌အခြားမည်သူမျှ မရှိပါ။ 21အခြားသောသူအပေါင်းတို့သည်ကားကိုယ့်အကျိုးကိုသာလျှင်ရှာကြသည်။ ယေရှုခရစ် ၏အကျိုးကိုမရှာကြ။ 22သို့သော်တိမောသေသည် မင်္ဂလာသတင်းကောင်းကို ဟောပြောရာတွင် အကျွန်ုပ်နှင့်အတူ သားအကဲ့သို့ သစ္စာရှိစွာအစေခံခဲ့ကြောင်းကို သူကိုယ်တိုင်သက်သေပြခဲ့သည်ကို သင်တို့သိကြသည်။ 23သို့ဖြစ်၍အကျွန်ုပ်၏အမှုကိစ္စသည် မည်ကဲ့သို့ဖြစ်မည်ကိုသိလျှင်သိခြင်း သူ့အားသင်တို့ထံသို့စေလွှတ်နိုင်မည်ဟုအကျွန်ုပ်မျှော်လင့်သည်။ 24အကျွန်ုပ်သည်လည်းမကြာမီတွင် သင်တို့ထံသို့ရောက်လာနိုင်မည်ဟု ဘုရားရှင်ထံ၌ အကျွန်ုပ်ယုံကြည် စိတ်ချထားသည်။ 25သို့သော် အကျွန်ုပ်၏ညီ၊ အကျွန်ုပ်၏လုပ်ဖော်ကိုင်ဖက်နှင့် ရဲဘော်ရဲဘက်ဖြစ်သည့်အပြင် အကျွန်ုပ်၏လိုအပ်ချက်များကိုဖြည့်ဆည်းဆောင်ရွက်ပေးသော သင်တို့၏စေတမန်ဖြစ်သော ဧပဖြောဒိတ်ကို သင်တို့ထံသို့စေလွှတ်ရန် လိုအပ်သည်ဟုအကျွန်ုပ်ယူဆသည်။ 26အဘယ်ကြောင့်ဆိုသော် သူနာမကျန်းဖြစ်သည်ကို သင်တို့သိကြောင်း သူကြားသိသောအခါ စိတ်မချမ်မသာ ဖြစ်လျက် သင်တို့အားလုံးကိုလည်းလွမ်းဆွတ်လျက်ရှိနေသောကြောင့်ဖြစ်သည်။ 27သူသည် အမှန်တကယ်ပင်သေလုနီးပါးနာမကျန်းဖြစ်ခဲ့သည်။ သို့သော် ဘုရားရှင်သည် သူ့ကိုသနားတော်မူလေသည်။ သူ့ကိုသာမကဘဲ အကျွန်ုပ်၌တစ်ပူပေါ်တစ်ပူဆင့်မဖြစ်ရလေအောင် အကျွန်ုပ်ကိုလည်းသနားတော်မူသည်။ 28ထို့ကြောင့် သင်တို့သည် သူ့ကိုတစ်ဖန်တွေ့မြင်၍ ဝမ်းမြောက်ကြစေရန်နှင့် အကျွန်ုပ်သည်လည်း စိတ်သက်သာရာရစေရန် သူ့ကိုစေလွှတ်ရန်အကျွန်ုပ်စိတ်အားထက်သန်နေသည်။ 29သို့ဖြစ်၍ သင်တို့၏ခရစ်ယာန်ညီအစ်ကိုအား ဝမ်းမြောက်ဝမ်းသာကြိုဆိုကြလော့။ ဤသို့သောလူတို့ကိုလည်း ရိုသေလေးစားကြလော့။ 30အဘယ်ကြောင့်ဆိုသော် သူသည် အကျွန်ုပ်အား သင်တို့မပေးနိုင်သည့် အကူအညီကိုပေးရန် မိမိ၏အသက်ကို ပင်စွန့်စားကာ ယေရှုခရစ်တော်၏ အမှုတော်အတွက်သေလုနီးပါးဖြစ်ခဲ့သောကြောင့်ဖြစ်သည်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.