Philippians 1
1
1ဘုရားရှင်၏အမှုတော်ဆောင်များဖြစ်သည့် အကျွန်ုပ်ပေါလုနှင့် တိမောသေတို့သည် ဘုရားအသင်းတော်၏ ဝန်ထမ်းများနှင့်အရာရှိများအားလုံးနှင့်တကွ ဖိလိပ္ပိမြို့၌ရှိသော ဘုရားတပည့်တော်များထံသို့စာရေးလိုက်ပါသည်။ 2အကျွန်ုပ်တို့၏အဖဘုရားရှင်နှင့် ယေရှုခရစ်တော်ထံမှကောင်းကျိုးချမ်းသာနှင့် ငြိမ်သက်ခြင်းတရားများ သင်တို့ထံသို့ရောက်ရှိပါစေ။ 3အကျွန်ုပ်သည်အချိန်တိုင်းတွင် သင်တို့ကိုသတိရပါသည့်အခါတိုင်း ဘုရားရှင်၏ကျေးဇူးတော်ကိုချီးမွမ်းပါသည်။ 4အကျွန်ုပ်သည်သင်တို့အတွက်ဆုတောင်းသည့်အခါတိုင်း ဝမ်းမြောက်ဝမ်းသာဆုတောင်းပေးလျက်ရှိပါသည်။ 5အဘယ်ကြောင့်ဆိုသော်သင်တို့သည် မင်္ဂလာသတင်းကောင်းကိုကြားရသည့်ပထမဆုံးနေ့ကပင် ကျွန်ုပ်နှင့်အတူ မင်္ဂလာသတင်းကိုပျံ့နှံ့အောင်ဆောင်ရွက်ခဲ့ပါသည်။ 6သင်တို့အထဲတွင် ကောင်းသောအမှုကိုအစပြုခဲ့သောအရှင်သည် ယေရှုခရစ်တော်ပြန်ကြွလာမည့်နေ့ရက်တိုင်အောင် ထိုအမှုကို ပြီးမြောက်စေတော်မူလိမ့်မည်ဟု အကျွန်ုပ်စိတ်ချယုံကြည်ပါသည်။ 7သင်တို့အားလုံးသည် အကျွန်ုပ်၏စိတ်နှလုံးသားထဲ၌ ရှိသောသူများ ဖြစ်သောကြောင့် သင်တို့နှင့် ပတ်သက်၍ အထက်ပါအတိုင်း အကျွန်ုပ်သဘောထားလျှင်သင့်လျော်ပေသည်။ အဘယ်ကြောင့်ဆိုသော် သင်တို့အားလုံးသည် အကျွန်ုပ် အကျဉ်းချခံရချိန်၌ဖြစ်စေ၊ မင်္ဂလာသတင်းကောင်းအတွက် ချေပပြောဆိ၍ မှန်ကန်ကြောင်း အတည်ပြုချိန်၌ဖြစ်စေ အကျွန်ုပ်နှင့်အတူ ဘုရားရှင်၏ကျေးဇူးတော်ကို မျှဝေခံစားကြသောကြောင့်ဖြစ်သည်။ 8အကျွန်ုပ်သည် ယေရှုခရစ်တော်၏ကြင်နာခြင်းဖြင့် သင်တို့အားလုံးကို မည်မျှလွမ်းဆွတ်ကြောင်း အကျွန်ုပ်အတွက်သက်သေခံပေးသောအရှင်မှာ ဘုရားရှင်ပင်ဖြစ်သည်။ 9သင်တို့၏ ချစ်ခြင်းမေတ္တာသည် အသိဉာဏ်ပညာနှင့် ထိုးထွင်းဉာဏ်တို့၌ပို၍တိုးတတ်လာရန် အကျွန်ုပ်ဆုတောင်းပါသည်။ 10ဤသည်မှာ သင်တို့သည် မည်သည်ကမှန်ကန်သည့်အရာဖြစ်ကြောင်းကို ပိုင်းခြားသိမြင်နိုင်၍ ယေရှုခရစ်တော် ပြန်ကြွလာမည့်နေ့တိုင်အောင် ဖြူစင်ရိုးသား/ပြီးအပြစ်ဆိုဖွယ်မရှိစေရန်ဖြစ်သည်။ 11ယေရှုခရစ်တော်အားဖြင့် ဖြောင့်မတ်ခြင်းအသီးအပွင့်နှင့်ပြည့်စုံ၍ ဘုရားရှင်၏ဘုန်းတော်ထင်ရှားခြင်းနှင့် ကျေးဇူးတော်ချီးမွမ်းခြင်းအဖြစ်သို့ရောက်စေရန်အကျွန်ုပ်ဆုတောင်းသည်။ 12အကျွန်ုပ်၏ညီအစ်ကိုမောင်နှမတို့၊ ကျွန်ုပ်ကြုံတွေ့ခဲ့ရသော အဖြစ်အပျက်တို့သည် မင်္ဂလာသတင်းကောင်းကို ပို၍ပျံ့နှံ့စေကြောင်း သင်တို့ကိုအကျွန်ုပ်သိစေလိုသည်။ 13အကျွန်ုပ်အကျဉ်းချခံရခြင်းသည် ယေရှုခရစ်တော်အတွက်ဖြစ်ကြောင်းကို ရုံးတော်တစ်ခုလုံးရှိ အစောင့်အကြပ်များအပြင် ထိုနေရာ၌ရှိသောသူအားလုံးသိလာကြသည်။ 14အကျွန်ုပ်အကျဉ်းချခံရခြင်းကြောင့် များစွာသောညီအစ်ကိုမောင်နှမတို့သည် ဘုရားရှင်အပေါ် စိတ်ချယုံကြည်လျက် မကြောက်ရွံ့ဘဲ မင်္ဂလာသတင်းကောင်းကို ဟောပြောရန် ပိုမိ၍ရဲရင့်လာကြသည်။ 15အချို့သောသူတို့သည် မနာလိုစိတ်၊ ပဋိပက္ခဖြစ်လိုသောစိတ်တို့ဖြင့် ယေရှုခရစ်တော်အကြောင်းကို ဟောပြောကြသည်။ သို့သော် အချို့သောသူတို့မှာမူ စိတ်စေတနာဖြင့်ဟောပြောကြသည်။ 16စိတ်စေတနာဖြင့် ဟောပြောသောသူတို့သည် မင်္ဂလာသတင်းကောင်းအားကာကွယ်ပြောဆိုသောသူအဖြစ် ဘုရားရှင်သည် အကျွန်ုပ်ကိုခန့်အပ်ထားကြောင်းသိ၍ ချစ်ခြင်းမေတ္တာဖြင့်ဟောပြောကြသည်။ 17အကျွန်ုပ်အားမနာလိုသောသူတို့သည် အကျွန်ုပ်အကျဉ်းကျနေစဉ်တွင် အကျွန်ုပ်အပေါ်ဆင်းရဲဒုက္ခပိုမိုတိုးပွားစေရန်ရည်ရွယ်ချက်ဖြင့် ရိုးသားသောစိတ်နှင့်အဟုတ်ပဲ တုပြိုင်လိုသောစိတ် ဖြင့် ယေရှုခရစ်တော်၏အကြောင်းကိုဟောပြောကြသည်။ 18သို့ဖြစ်လျှင် မည်သို့ဆိုရမည်နည်း။ မှားယွင်းသောရည်ရွယ်ချက်ဖြင့်ဟောပြောသည်ဖြစ်စေ၊ မှန်ကန်သော ရည်ရွယ်ချက်ဖြင့်ဟောပြောသည်ဖြစ်စေ မည်သည့်နည်းဖြင့်မဆို ယေရှုခရစ်တော်၏အကြောင်းကို ဟောပြောသည်ဖြစ်၍ ၎င်းအတွက်အကျွန်ုပ်ဝမ်းမြောက်သည်။ ဆက်လက်၍လည်း အကျွန်ုပ်ဝမ်းမြောက်နေဦးမည်ဖြစ် သည်။ 19အဘယ်ကြောင့်ဆိုသော် သင်တို့၏ဆုတောင်းခြင်းနှင့် ယေရှုခရစ်တော်၏ဉာဏ်အလင်းတော် ကူညီမစခြင်းတို့ဖြင့် ဤအခြေအနေမှအကျွန်ုပ်လွတ်မြောက်မည်ကိုသိသောကြောင့်ဖြစ်သည်။ 20အကျွန်ုပ်သည်မည်သည့်အခါမျှ မရှက်ကြောက်ဘဲ ယခင်ကကဲ့သို့ပင် ယခုအချိန်တွင်လည်းရဲရင့်ခြင်းအပြည့် အဝရှိလျက် အကျွန်ုပ်အသက်ရှင်သည်ဖြစ်စေ၊ သေသည်ဖြစ်စေ အကျွန်ုပ်ပြောဆိုပြုမူသောအရာများကြောင့် ယေရှုခရစ်တော်သည် ချီးမွမ်းခြင်းခံရမည်ဖြစ်ကြောင်း အကျွန်ုပ်ယုံကြည်သည်။ 21အဘယ်ကြောင့်ဆိုသော် အကျွန်ုပ်အသက်ရှင်နေခြင်းသည် ယေရှုခရစ်တော်အတွက် ဖြစ်ပြီး အကျွန်ုပ်သေသွားသည့်အခါ ဒီထက်များသောအကျိုးကျေးဇူးကိုခံစားရမှာဖြစ်သည်။ 22သို့သော် အကျွန်ုပ်သည် ဤကိုယ်ခန္ဓာဖြင့်ဆက်၍အသက်ရှင်နေလျှင် အကျိုးရှိသောအမှုကိစ္စမျာကို လုပ်ဆောင်နိုင်လိမ့်မည်ဖြစ်သည်။ ထို့ကြောင့် မည်သည့်အရာအားရွေးချယ်ရမည်ကိုအကျွန်ုပ်မသိပါ။ 23အကျွန်ုပ်သည် ဤအရာနှစ်ခုကြားတွင်အခက်တွေ့နေသည်။ ဤဘဝကိုစွန့်ပြီး ယေရှုခရစ်တော်နှင့် အတူရှိနေစေရန် အကျွန်ုပ်တောင့်တသည်။ ထိုသို့ပြုလုပ်လျှင်အကျွန်ုပ်အတွက်ပို၍ကောင်းသည်။ 24သို့သော် ဤကိုယ်ခန္ဓာဖြင့်အကျွန်ုပ်ဆက်၍အသက်ရှင်နေခြင်းသည် သင်တို့အတွက်ပို၍အကျိုးရှိသည်။ 25ဤအရာကိုယုံကြည်စိတ်ချလျက် သင်တို့၏ယုံကြည်ခြင်းကြီးထွားရန်နှင့် ဝမ်းမြောက်ကြရန်အတွက် အကျွန်ုပ်သည်အသက်ဆက်ရှင်နေဦးမည်ဖြစ်ပြီး သင်တို့အားလုံးနှင့်အတူဆက်လက်၍ရှိနေမည်ဖြစ်ကြောင်းကို အကျွန်ုပ်သိသည်။ 26သို့ဖြစ်၍အကျွန်ုပ်သည်သင်တို့ထံသို့တစ်ဖန်ပြန်ရောက်လာသောအခါ ယေရှုခရစ်တော်နှင့်တစ်လုံးတစ်ဝတည်းဖြစ်သူသင်တို့သည်အကျွန်ုပ်အတွက်ကြောင့်ပို၍ပင်ဂုဏ်ယူဝါကြွားနိုင်ကြလိမ့်မည်ဖြစ်သည်။ 27မည်သို့ပင်ဖြစ်စေယေရှုခရစ်တော်၏ မင်္ဂလာသတင်းကောင်းနှင့် ထိုက်တန်စွပြုမူနေထိုင်ကြလော့။ ထိုသို့ပြုမူနေထိုင်လျှင် သင်တို့ထံသို့အကျွန်ုပ်လာသည်ဖြစ်စေ၊ မလာသည်ဖြစ်စေ သင်တို့သည် တစ်စိတ်တစ်ဝမ်းတည်းအခိုင်အမာ ရပ်တည်ကြောင်းနှင့် မင်္ဂလာသတင်းကောင်းနှင့် ဆိုင်သောယုံကြည်ချက်အတွက် တညီတညွတ်တည်းဆောင်ရွက်ကြောင်း အကျွန်ုပ်သိရလိမ့်မည်။ 28သင်တို့ကို ဆန့်ကျင်သောသူများကြောင့်မကြောက်ရွံ့ကြနှင့်။ ဤသို့မကြောက်ရွံခြင်းသည် သူတို့အတွက် ပျက်စီးမည့်လက္ခဏာဖြစ်ပြီး သင်တို့အတွက်မူကာ ဘုရားရှင်ကိုယ်တိုင်ကယ်တင်မည့်လက္ခဏာပင်ဖြစ်သည်။ 29အကြောင်းမူကား ယေရှုခရစ်တော်ကိုယုံကြည်ခြင်းအားဖြင့်သာမက ကိုယ်တော်အတွက်ဒုက္ခဝေဒနာခံစားရခြင်းဖြင့်လည်း ကိုယ်တော်၏အမှုတော်ကိုဆောင်ရွက်ရန်အခွင့်ထူးရရှိကြသည်။ 30အကျွန်ုပ်ရင်ဆိုင်ရသည့်အခတ်အခဲကို သင်တို့တွေ့မြင်ခဲ့ပြီဖြစ်ပြီး ယခုလည်းအကျွန်ပ်ရင်ဆိုင်နေရသည်ဟု သင်တို့ကြားရသည့်ထိုဆန့်ကျင်တိုက်ခိုက်မှုမျိုးကို သင်တို့ရင်ဆိုင်နေကြရသည်။
Jelenleg kiválasztva:
Philippians 1: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Philippians 1
1
1ဘုရားရှင်၏အမှုတော်ဆောင်များဖြစ်သည့် အကျွန်ုပ်ပေါလုနှင့် တိမောသေတို့သည် ဘုရားအသင်းတော်၏ ဝန်ထမ်းများနှင့်အရာရှိများအားလုံးနှင့်တကွ ဖိလိပ္ပိမြို့၌ရှိသော ဘုရားတပည့်တော်များထံသို့စာရေးလိုက်ပါသည်။ 2အကျွန်ုပ်တို့၏အဖဘုရားရှင်နှင့် ယေရှုခရစ်တော်ထံမှကောင်းကျိုးချမ်းသာနှင့် ငြိမ်သက်ခြင်းတရားများ သင်တို့ထံသို့ရောက်ရှိပါစေ။ 3အကျွန်ုပ်သည်အချိန်တိုင်းတွင် သင်တို့ကိုသတိရပါသည့်အခါတိုင်း ဘုရားရှင်၏ကျေးဇူးတော်ကိုချီးမွမ်းပါသည်။ 4အကျွန်ုပ်သည်သင်တို့အတွက်ဆုတောင်းသည့်အခါတိုင်း ဝမ်းမြောက်ဝမ်းသာဆုတောင်းပေးလျက်ရှိပါသည်။ 5အဘယ်ကြောင့်ဆိုသော်သင်တို့သည် မင်္ဂလာသတင်းကောင်းကိုကြားရသည့်ပထမဆုံးနေ့ကပင် ကျွန်ုပ်နှင့်အတူ မင်္ဂလာသတင်းကိုပျံ့နှံ့အောင်ဆောင်ရွက်ခဲ့ပါသည်။ 6သင်တို့အထဲတွင် ကောင်းသောအမှုကိုအစပြုခဲ့သောအရှင်သည် ယေရှုခရစ်တော်ပြန်ကြွလာမည့်နေ့ရက်တိုင်အောင် ထိုအမှုကို ပြီးမြောက်စေတော်မူလိမ့်မည်ဟု အကျွန်ုပ်စိတ်ချယုံကြည်ပါသည်။ 7သင်တို့အားလုံးသည် အကျွန်ုပ်၏စိတ်နှလုံးသားထဲ၌ ရှိသောသူများ ဖြစ်သောကြောင့် သင်တို့နှင့် ပတ်သက်၍ အထက်ပါအတိုင်း အကျွန်ုပ်သဘောထားလျှင်သင့်လျော်ပေသည်။ အဘယ်ကြောင့်ဆိုသော် သင်တို့အားလုံးသည် အကျွန်ုပ် အကျဉ်းချခံရချိန်၌ဖြစ်စေ၊ မင်္ဂလာသတင်းကောင်းအတွက် ချေပပြောဆိ၍ မှန်ကန်ကြောင်း အတည်ပြုချိန်၌ဖြစ်စေ အကျွန်ုပ်နှင့်အတူ ဘုရားရှင်၏ကျေးဇူးတော်ကို မျှဝေခံစားကြသောကြောင့်ဖြစ်သည်။ 8အကျွန်ုပ်သည် ယေရှုခရစ်တော်၏ကြင်နာခြင်းဖြင့် သင်တို့အားလုံးကို မည်မျှလွမ်းဆွတ်ကြောင်း အကျွန်ုပ်အတွက်သက်သေခံပေးသောအရှင်မှာ ဘုရားရှင်ပင်ဖြစ်သည်။ 9သင်တို့၏ ချစ်ခြင်းမေတ္တာသည် အသိဉာဏ်ပညာနှင့် ထိုးထွင်းဉာဏ်တို့၌ပို၍တိုးတတ်လာရန် အကျွန်ုပ်ဆုတောင်းပါသည်။ 10ဤသည်မှာ သင်တို့သည် မည်သည်ကမှန်ကန်သည့်အရာဖြစ်ကြောင်းကို ပိုင်းခြားသိမြင်နိုင်၍ ယေရှုခရစ်တော် ပြန်ကြွလာမည့်နေ့တိုင်အောင် ဖြူစင်ရိုးသား/ပြီးအပြစ်ဆိုဖွယ်မရှိစေရန်ဖြစ်သည်။ 11ယေရှုခရစ်တော်အားဖြင့် ဖြောင့်မတ်ခြင်းအသီးအပွင့်နှင့်ပြည့်စုံ၍ ဘုရားရှင်၏ဘုန်းတော်ထင်ရှားခြင်းနှင့် ကျေးဇူးတော်ချီးမွမ်းခြင်းအဖြစ်သို့ရောက်စေရန်အကျွန်ုပ်ဆုတောင်းသည်။ 12အကျွန်ုပ်၏ညီအစ်ကိုမောင်နှမတို့၊ ကျွန်ုပ်ကြုံတွေ့ခဲ့ရသော အဖြစ်အပျက်တို့သည် မင်္ဂလာသတင်းကောင်းကို ပို၍ပျံ့နှံ့စေကြောင်း သင်တို့ကိုအကျွန်ုပ်သိစေလိုသည်။ 13အကျွန်ုပ်အကျဉ်းချခံရခြင်းသည် ယေရှုခရစ်တော်အတွက်ဖြစ်ကြောင်းကို ရုံးတော်တစ်ခုလုံးရှိ အစောင့်အကြပ်များအပြင် ထိုနေရာ၌ရှိသောသူအားလုံးသိလာကြသည်။ 14အကျွန်ုပ်အကျဉ်းချခံရခြင်းကြောင့် များစွာသောညီအစ်ကိုမောင်နှမတို့သည် ဘုရားရှင်အပေါ် စိတ်ချယုံကြည်လျက် မကြောက်ရွံ့ဘဲ မင်္ဂလာသတင်းကောင်းကို ဟောပြောရန် ပိုမိ၍ရဲရင့်လာကြသည်။ 15အချို့သောသူတို့သည် မနာလိုစိတ်၊ ပဋိပက္ခဖြစ်လိုသောစိတ်တို့ဖြင့် ယေရှုခရစ်တော်အကြောင်းကို ဟောပြောကြသည်။ သို့သော် အချို့သောသူတို့မှာမူ စိတ်စေတနာဖြင့်ဟောပြောကြသည်။ 16စိတ်စေတနာဖြင့် ဟောပြောသောသူတို့သည် မင်္ဂလာသတင်းကောင်းအားကာကွယ်ပြောဆိုသောသူအဖြစ် ဘုရားရှင်သည် အကျွန်ုပ်ကိုခန့်အပ်ထားကြောင်းသိ၍ ချစ်ခြင်းမေတ္တာဖြင့်ဟောပြောကြသည်။ 17အကျွန်ုပ်အားမနာလိုသောသူတို့သည် အကျွန်ုပ်အကျဉ်းကျနေစဉ်တွင် အကျွန်ုပ်အပေါ်ဆင်းရဲဒုက္ခပိုမိုတိုးပွားစေရန်ရည်ရွယ်ချက်ဖြင့် ရိုးသားသောစိတ်နှင့်အဟုတ်ပဲ တုပြိုင်လိုသောစိတ် ဖြင့် ယေရှုခရစ်တော်၏အကြောင်းကိုဟောပြောကြသည်။ 18သို့ဖြစ်လျှင် မည်သို့ဆိုရမည်နည်း။ မှားယွင်းသောရည်ရွယ်ချက်ဖြင့်ဟောပြောသည်ဖြစ်စေ၊ မှန်ကန်သော ရည်ရွယ်ချက်ဖြင့်ဟောပြောသည်ဖြစ်စေ မည်သည့်နည်းဖြင့်မဆို ယေရှုခရစ်တော်၏အကြောင်းကို ဟောပြောသည်ဖြစ်၍ ၎င်းအတွက်အကျွန်ုပ်ဝမ်းမြောက်သည်။ ဆက်လက်၍လည်း အကျွန်ုပ်ဝမ်းမြောက်နေဦးမည်ဖြစ် သည်။ 19အဘယ်ကြောင့်ဆိုသော် သင်တို့၏ဆုတောင်းခြင်းနှင့် ယေရှုခရစ်တော်၏ဉာဏ်အလင်းတော် ကူညီမစခြင်းတို့ဖြင့် ဤအခြေအနေမှအကျွန်ုပ်လွတ်မြောက်မည်ကိုသိသောကြောင့်ဖြစ်သည်။ 20အကျွန်ုပ်သည်မည်သည့်အခါမျှ မရှက်ကြောက်ဘဲ ယခင်ကကဲ့သို့ပင် ယခုအချိန်တွင်လည်းရဲရင့်ခြင်းအပြည့် အဝရှိလျက် အကျွန်ုပ်အသက်ရှင်သည်ဖြစ်စေ၊ သေသည်ဖြစ်စေ အကျွန်ုပ်ပြောဆိုပြုမူသောအရာများကြောင့် ယေရှုခရစ်တော်သည် ချီးမွမ်းခြင်းခံရမည်ဖြစ်ကြောင်း အကျွန်ုပ်ယုံကြည်သည်။ 21အဘယ်ကြောင့်ဆိုသော် အကျွန်ုပ်အသက်ရှင်နေခြင်းသည် ယေရှုခရစ်တော်အတွက် ဖြစ်ပြီး အကျွန်ုပ်သေသွားသည့်အခါ ဒီထက်များသောအကျိုးကျေးဇူးကိုခံစားရမှာဖြစ်သည်။ 22သို့သော် အကျွန်ုပ်သည် ဤကိုယ်ခန္ဓာဖြင့်ဆက်၍အသက်ရှင်နေလျှင် အကျိုးရှိသောအမှုကိစ္စမျာကို လုပ်ဆောင်နိုင်လိမ့်မည်ဖြစ်သည်။ ထို့ကြောင့် မည်သည့်အရာအားရွေးချယ်ရမည်ကိုအကျွန်ုပ်မသိပါ။ 23အကျွန်ုပ်သည် ဤအရာနှစ်ခုကြားတွင်အခက်တွေ့နေသည်။ ဤဘဝကိုစွန့်ပြီး ယေရှုခရစ်တော်နှင့် အတူရှိနေစေရန် အကျွန်ုပ်တောင့်တသည်။ ထိုသို့ပြုလုပ်လျှင်အကျွန်ုပ်အတွက်ပို၍ကောင်းသည်။ 24သို့သော် ဤကိုယ်ခန္ဓာဖြင့်အကျွန်ုပ်ဆက်၍အသက်ရှင်နေခြင်းသည် သင်တို့အတွက်ပို၍အကျိုးရှိသည်။ 25ဤအရာကိုယုံကြည်စိတ်ချလျက် သင်တို့၏ယုံကြည်ခြင်းကြီးထွားရန်နှင့် ဝမ်းမြောက်ကြရန်အတွက် အကျွန်ုပ်သည်အသက်ဆက်ရှင်နေဦးမည်ဖြစ်ပြီး သင်တို့အားလုံးနှင့်အတူဆက်လက်၍ရှိနေမည်ဖြစ်ကြောင်းကို အကျွန်ုပ်သိသည်။ 26သို့ဖြစ်၍အကျွန်ုပ်သည်သင်တို့ထံသို့တစ်ဖန်ပြန်ရောက်လာသောအခါ ယေရှုခရစ်တော်နှင့်တစ်လုံးတစ်ဝတည်းဖြစ်သူသင်တို့သည်အကျွန်ုပ်အတွက်ကြောင့်ပို၍ပင်ဂုဏ်ယူဝါကြွားနိုင်ကြလိမ့်မည်ဖြစ်သည်။ 27မည်သို့ပင်ဖြစ်စေယေရှုခရစ်တော်၏ မင်္ဂလာသတင်းကောင်းနှင့် ထိုက်တန်စွပြုမူနေထိုင်ကြလော့။ ထိုသို့ပြုမူနေထိုင်လျှင် သင်တို့ထံသို့အကျွန်ုပ်လာသည်ဖြစ်စေ၊ မလာသည်ဖြစ်စေ သင်တို့သည် တစ်စိတ်တစ်ဝမ်းတည်းအခိုင်အမာ ရပ်တည်ကြောင်းနှင့် မင်္ဂလာသတင်းကောင်းနှင့် ဆိုင်သောယုံကြည်ချက်အတွက် တညီတညွတ်တည်းဆောင်ရွက်ကြောင်း အကျွန်ုပ်သိရလိမ့်မည်။ 28သင်တို့ကို ဆန့်ကျင်သောသူများကြောင့်မကြောက်ရွံ့ကြနှင့်။ ဤသို့မကြောက်ရွံခြင်းသည် သူတို့အတွက် ပျက်စီးမည့်လက္ခဏာဖြစ်ပြီး သင်တို့အတွက်မူကာ ဘုရားရှင်ကိုယ်တိုင်ကယ်တင်မည့်လက္ခဏာပင်ဖြစ်သည်။ 29အကြောင်းမူကား ယေရှုခရစ်တော်ကိုယုံကြည်ခြင်းအားဖြင့်သာမက ကိုယ်တော်အတွက်ဒုက္ခဝေဒနာခံစားရခြင်းဖြင့်လည်း ကိုယ်တော်၏အမှုတော်ကိုဆောင်ရွက်ရန်အခွင့်ထူးရရှိကြသည်။ 30အကျွန်ုပ်ရင်ဆိုင်ရသည့်အခတ်အခဲကို သင်တို့တွေ့မြင်ခဲ့ပြီဖြစ်ပြီး ယခုလည်းအကျွန်ပ်ရင်ဆိုင်နေရသည်ဟု သင်တို့ကြားရသည့်ထိုဆန့်ကျင်တိုက်ခိုက်မှုမျိုးကို သင်တို့ရင်ဆိုင်နေကြရသည်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.