Acts 28
28
1ကမ်းစပ်သို့ ရောက်ကြသောအခါ ထိုကျွန်းသည် မေလိတေကျွန်းဖြစ်ကြောင်း သိကြလေသည်။ 2ကျွန်းပေါ်ရှိလူများသည် ဖော်ရွေစွာ ဆီးကြိုကြသည်။ မိုးသည်းထန်စွာရွာသဖြင့် အလွန်ချမ်းစိမ့်သောကြောင့် မီးပုံများ ပြုလုပ်ပေးကြသည်။ 3ပေါလုသည် ထင်းချောင်းများကိုစု၍ မီးဖိုထဲသို့ ထိုးထည့်လိုက်သောအခါ မီးအပူရှိန်ကြောင့် မြွေတစ်ကောင်သည် ထွက်လာ၍ ပေါလု၏လက်အား ကိုက်လေ၏။ 4ပေါလု၏လက်တွင် တွယ်ကပ်နေသော မြွေကိုမြင်ကြရသော ကျွန်းသူကျွန်းသားများက "ဤလူသည် လူသတ်သမားဖြစ်လိမ့်မည်။ သူသည် ပင်လယ်ထဲတွင် မသေခဲ့သော်လည်း ကံကြမ္မာသည် သူ့အား အလွတ်မပေးပေ" ဟုအချင်းချင်းပြောဆိုကြလေ၏။ 5ပေါလုသည်လည်း မည်သည့်ဘေးဥပဒ်မျှမဖြစ်ဘဲ မြွေအား မီးပုံထဲသို့ ခါချလိုက်လေ၏။ 6လူအများက ပေါလုသည် မကြာခင် ရောင်ကိုင်းလာပြီး လဲကျသေဆုံးတော့မည်ဟုထင်နေကြ၏။ သို့သော်လည်း အချိန်ကြာကြာစောင့်လျက် မည်သို့မျှဖြစ်မလာသောအခါ သူတို့က "ဤလူသည် နတ်ဘုရားဖြစ်၏" ဟု ပြောဆိုကြ၏။ 7ထိုကျွန်းကို အုပ်စိုးသော မင်းကြီး၏အမည်မှာ ပုဗလိဖြစ်သည်။ ပတ်ပတ်လည်ရှိ ကျွန်းအချို့ကို သူသည်ပိုင်ဆိုင်၏။ ပုဗလိသည် ကျွန်ုပ်တို့ကို ဖော်ရွေစွာဆက်ဆံပြီး သုံးရက်တိုင်တိုင် ဖိတ်ခေါ်ကျွေးမွေးသည်။ 8မင်းကြီး၏ဖခင်သည် အစာအိမ်ရောဂါကြောင့် ဖျား၍ အိပ်ရာထဲတွင် လဲနေ၏။ ပေါလုသည် လူနာကိုယ်ပေါ်တွင် လက်တင်ဆုတောင်းခြင်းဖြင့် ထိုလူ၏ရောဂါသည် ပျောက်သွားလေသည်။ 9ထို့နောက် လူတိုင်းသည် သူတို့၏လူနာများအား ပေါလုထံသို့ ခေါ်ဆောင်လာ၍ အနာရောဂါ ပျောက်ကင်းစေခဲ့ကြသည်။ 10ထို့နောက် ကျွန်ုပ်တို့ ရွက်လွှင့်ကြသောအခါ ကျွန်းသူကျွန်းသားများက ကျွန်ုပ်တို့အလိုရှိသောပစ္စည်းများနှင့် လက်ဆောင်များစွာတို့ကိုလည်း ပေးလိုက်ကြလေ၏။ 11သုံးလကြာပြီးနောက် မေလိတေတွင် ဆောင်းခိုလျက်ရှိသော "နတ်ဘုရားအမွှာညီနောင်" ဟု ခေါ်သည့် အလက်ဇန္ဒြိယသင်္ဘောဖြင့် ကျွန်ုပ်တို့သည် ထွက်ခွာလာခဲ့ကြ၏။ 12သုရကုတ်မြို့သို့ ဆိုက်ရောက်လျှင် ထိုအရပ်၌ သုံးရက်ကြာနေခဲ့၏။ 13ထိုမြို့မှ ရေဂျုန်မြို့သို့ ရောက်ကြပြီး လမ်းခရီးတွင် နှစ်ရက်ကြာပြီးနောက် ပေါတယောလိမြို့သို့ ရောက်ရှိကြသည်။ 14ထိုအရပ်၌ ဘုရားရှင်၏ တပည့်တော်များနှင့် တွေ့ကြသောအခါ သူတို့နှင့်အတူ တစ်ပါတ်ကြာမျှ နေထိုင်ရန်တောင်းဆိုကြသဖြင့် ကျွန်ုပ်တို့သည်လည်း သူတို့နှင့်နေခဲ့ကြပြီး ရောမမြို့သို့ ခရီးဆက်ခဲ့ကြ၏။ 15ရောမမြို့ရှိ ဘုရားရှင်၏ တပည့်တော်အချို့သည်လည်း ကျွန်ုပ်တို့၏သတင်းကို ကြားကြ၍ ခရီးဦးကြိုပြုရန် အချို့သည် အပ္ပိဈေးသို့လည်းကောင်း၊ အချို့သည် ဧည့်ရိပ်သာသုံးဆောင်ဟုခေါ်သောအရပ်၌လည်းကောင်း လာရောက်တွေ့ဆုံကြသဖြင့် ပေါလုသည်လည်း ဘုရားရှင်၏မေတ္တာတော်ကို ချီးမွမ်း၍ လွန်စွာ စိတ်အားထက်သန်လေ၏။ 16ရောမမြို့သို့ ရောက်ကြသောအခါ တပ်မှူးသည် ပေါလုအား စစ်သည်တစ်ဦးအား အစောင့်အကြပ်အဖြစ်ထားရှိကာ သီးသန့်နေထိုင်ခွင့်ပေးလေ၏။ 17သုံးရက်အကြာတွင် ဂျူးလူမျိုး ခေါင်းဆောင်များနှင့်စုဝေး၍ ပေါလုကပြောဆိုသည်မှာ "ညီအစ်ကိုတို့၊ ငါသည် မိမိ၏ လူမျိုးကိုလည်းကောင်း၊ ဘိုးဘေးများ၏ ဓလေ့ထုံးစံများကိုလည်းကောင်း ထိခိုက်ပျက်စီးစေသည့် အရာတို့အား မလုပ်ခဲ့ဖူးပေ။ သို့သော် ငါ့အား ထောင်ချလိုက်ကြပြီး ရောမလူမျိုးများ၏ လက်ထဲသို့ အပ်နှံခြင်းခံခဲ့ရ၏။ 18ရောမလူမျိုးများသည် ငါ့အား စစ်ဆေးမေးမြန်းကြပြီးသည့်နောက် ငါ့ထံတွင် သေဒဏ်ပေးခံသည့် မည်သည့်အပြစ်မျှမရှိသည့်အတွက် ငါ့ကို ပြန်လွှတ်ပေးလိုခဲ့ကြ၏။ 19သို့သော် ဂျူးလူမျိုးများမှ ကန့်ကွက်ခဲ့ကြသည့်အတွက် ငါသည် ငါ၏လူမျိုးများနှင့် ဆန့်ကျင်ပြောဆိုစရာ မည်သည့်အရာမျှ မရှိပါဘဲနှင့် ငါသည် ဧကရာဇ်ထံတွင် အယူခံဝင်ရန် တွန်းအားပေးခြင်းခံခဲ့ရ၏။ 20ထိုအတွက်ကြောင့် ငါသည် သင်တို့နှင့်တွေ့ဆုံပြီး စကားပြောရန် တောင်းဆိုခဲ့ခြင်းဖြစ်၏။ အမှန်စင်စစ် ငါသည် အစ္စရေးလူမျိုးများ၏ မျှော်လင့်ချက်ဖြစ်သည့် ကိုယ်တော့်အတွက်နှင့် အသို့သံကြိုးများဖြင့် ချုပ်နှောင်ထားခံရခြင်းပင်ဖြစ်၏" ဟုပြောဆိုလေ၏။ 21ထိုအခါ ဂျူးလူမျိုးခေါင်းဆောင်များကလည်း "သင်၏အကြောင်းအား သတင်းပေးပို့သည့် စာတစ်စောင်မျှ ယုဒပြည်မှနေ၍ ငါတို့ထံသို့ ရောက်မလာဖူးပေ။ ထိုပြည်မှ ပြန်လာသည့် သူများထံမှလည်း သင်၏အကြောင်း မကောင်းသတင်းများ လာရောက်၍ ပြောကြားခြင်းလည်း မရှိသေးပေ။ 22သို့သော် အနယ်နယ်အရပ်ရပ်တွင် ဤဂိုဏ်းနှင့်ပတ်သက်ပြီး ဆန့်ကျင်ပြောဆိုနေကြသည်ကို ငါတို့သိကြသည့်အတွက် သင်ပြောသည်ကိုလည်း ငါတို့သည် နားထောင်လိုပါ၏" ဟုပြောဆိုကြလေ၏။ 23ထို့နောက် သူတို့သည်လည်း ပေါလုနှင့် နောက်တစ်ကြိမ်တွေ့ဆုံရန် ချိန်းဆိုလိုက်ကြပြီး ပို၍များစွာသော လူတို့နှင့်တကွ ပေါလုတည်းခိုနေသောနေရာသို့ လာကြလေ၏။ ပေါလုသည် နံနက်စောစောမှ ညအချိန်ထိတိုင် ထိုသူတို့အား ဘုရားရှင်၏သာသနာတော်အကြောင်းကို ဟောပြောပြီး ကိုယ်တော်ယေရှုကို ယုံကြည်ကြရန် မောရှေ၏ပညတ်ကျမ်းနှင့် အရိယာသူတော်စင်များ၏ ကျမ်းများကို ထောက်ပြ၍ ရှင်းလင်းဟောပြောလေ၏။ 24လူအချို့သည် လက်ခံယုံကြည်ကြ၍ အချို့မှာမူ မယုံကြည်ဘဲနေကြသဖြင့် 25သူတို့အချင်းချင်း အငြင်းပွားကြကာ ပြန်သွားကြစဉ်တွင် ပေါလုက "ဉာဏ်အလင်းတော်သည် အရိယာသူတော်စင်ဟေရှာယမှတဆင့် သင်တို့၏ ဘိုးဘေးများအား ဟောပြောခဲ့သည်များသည် မည်မျှပင် မှန်ပေသနည်း။ 26'သင်တို့သည် နားထောင်နေကြသော်လည်း နားလည်သဘောပေါက်ကြလိမ့်မည်မဟုတ်ပေ။ သင်တို့သည် ထပ်ကာထပ်ကာကြည့်ကြသော်လည်း မြင်ကြလိမ့်မည်မဟုတ်ဟု ဤလူမျိုးတို့ထံ သွား၍ပြောကြားလော့။ 27အဘယ်ကြောင့်ဆိုသော် သူတို့၏စိတ်နှလုံးတို့သည် ထုံထိုင်းလျက် မျက်စိသည်မမြင်၊ နားသည်လည်း မကြားကြသောကြောင့် ဖြစ်၏။ သူတို့၏ မျက်စိများသည်မြင်၍ နားများသည်ကြားနိုင်ကြပြီး နားလည်နိုင်ကြမည်ဆိုပါက သူတို့သည် ငါဘုရားရှင်ဘက်သို့ လှည့်လာမည်ဖြစ်၍ ငါသည်လည်း သူတို့၏အနာရောဂါခပ်သိမ်းကို ငြိမ်းအေးစေမည်ဖြစ်၏' ဟုဟောကြားထားခဲ့၏။ 28ဘုရားရှင်၏ ကယ်တင်ခြင်းတရား သတင်းစကားသာ တိုင်းတပါးသားများထံသို့ ပို့ဆောင်ခဲ့လျှင် သူတို့သည် နာခံကြလိမ့်မည်ဆိုသည်ကို သင်တို့သိမှတ်ကြလော့" ဟုပြောဆိုလေ၏။ 29ဤသို့ ပေါလုပြောဆိုပြီးနောက် လူတို့သည်လည်း အချင်းချင်းငြင်းခုံလျက် ပြန်သွားကြလေ၏။ 30ထို့နောက် ပေါလုသည်လည်း နှစ်နှစ်ကြာမျှ အိမ်တစ်လုံးကို ငှားရမ်း၍ သူ့ထံသို့လာသမျှသောသူတို့အား ဆီးကြိုဧည့်ခံလျက် 31မည်သည့်အဟန့်အတားမျှမရှိဘဲ ဘုရားရှင်၏ သာသနာတော်အကြောင်းကို ဟောကြား၍ ယေရှုခရစ်တော်၏အကြောင်းများကို ရဲဝံ့စွာဖြင့် သွန်သင်လေ၏။ တမန်တော်ကျမ်းပြီး၏။
Jelenleg kiválasztva:
Acts 28: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Acts 28
28
1ကမ်းစပ်သို့ ရောက်ကြသောအခါ ထိုကျွန်းသည် မေလိတေကျွန်းဖြစ်ကြောင်း သိကြလေသည်။ 2ကျွန်းပေါ်ရှိလူများသည် ဖော်ရွေစွာ ဆီးကြိုကြသည်။ မိုးသည်းထန်စွာရွာသဖြင့် အလွန်ချမ်းစိမ့်သောကြောင့် မီးပုံများ ပြုလုပ်ပေးကြသည်။ 3ပေါလုသည် ထင်းချောင်းများကိုစု၍ မီးဖိုထဲသို့ ထိုးထည့်လိုက်သောအခါ မီးအပူရှိန်ကြောင့် မြွေတစ်ကောင်သည် ထွက်လာ၍ ပေါလု၏လက်အား ကိုက်လေ၏။ 4ပေါလု၏လက်တွင် တွယ်ကပ်နေသော မြွေကိုမြင်ကြရသော ကျွန်းသူကျွန်းသားများက "ဤလူသည် လူသတ်သမားဖြစ်လိမ့်မည်။ သူသည် ပင်လယ်ထဲတွင် မသေခဲ့သော်လည်း ကံကြမ္မာသည် သူ့အား အလွတ်မပေးပေ" ဟုအချင်းချင်းပြောဆိုကြလေ၏။ 5ပေါလုသည်လည်း မည်သည့်ဘေးဥပဒ်မျှမဖြစ်ဘဲ မြွေအား မီးပုံထဲသို့ ခါချလိုက်လေ၏။ 6လူအများက ပေါလုသည် မကြာခင် ရောင်ကိုင်းလာပြီး လဲကျသေဆုံးတော့မည်ဟုထင်နေကြ၏။ သို့သော်လည်း အချိန်ကြာကြာစောင့်လျက် မည်သို့မျှဖြစ်မလာသောအခါ သူတို့က "ဤလူသည် နတ်ဘုရားဖြစ်၏" ဟု ပြောဆိုကြ၏။ 7ထိုကျွန်းကို အုပ်စိုးသော မင်းကြီး၏အမည်မှာ ပုဗလိဖြစ်သည်။ ပတ်ပတ်လည်ရှိ ကျွန်းအချို့ကို သူသည်ပိုင်ဆိုင်၏။ ပုဗလိသည် ကျွန်ုပ်တို့ကို ဖော်ရွေစွာဆက်ဆံပြီး သုံးရက်တိုင်တိုင် ဖိတ်ခေါ်ကျွေးမွေးသည်။ 8မင်းကြီး၏ဖခင်သည် အစာအိမ်ရောဂါကြောင့် ဖျား၍ အိပ်ရာထဲတွင် လဲနေ၏။ ပေါလုသည် လူနာကိုယ်ပေါ်တွင် လက်တင်ဆုတောင်းခြင်းဖြင့် ထိုလူ၏ရောဂါသည် ပျောက်သွားလေသည်။ 9ထို့နောက် လူတိုင်းသည် သူတို့၏လူနာများအား ပေါလုထံသို့ ခေါ်ဆောင်လာ၍ အနာရောဂါ ပျောက်ကင်းစေခဲ့ကြသည်။ 10ထို့နောက် ကျွန်ုပ်တို့ ရွက်လွှင့်ကြသောအခါ ကျွန်းသူကျွန်းသားများက ကျွန်ုပ်တို့အလိုရှိသောပစ္စည်းများနှင့် လက်ဆောင်များစွာတို့ကိုလည်း ပေးလိုက်ကြလေ၏။ 11သုံးလကြာပြီးနောက် မေလိတေတွင် ဆောင်းခိုလျက်ရှိသော "နတ်ဘုရားအမွှာညီနောင်" ဟု ခေါ်သည့် အလက်ဇန္ဒြိယသင်္ဘောဖြင့် ကျွန်ုပ်တို့သည် ထွက်ခွာလာခဲ့ကြ၏။ 12သုရကုတ်မြို့သို့ ဆိုက်ရောက်လျှင် ထိုအရပ်၌ သုံးရက်ကြာနေခဲ့၏။ 13ထိုမြို့မှ ရေဂျုန်မြို့သို့ ရောက်ကြပြီး လမ်းခရီးတွင် နှစ်ရက်ကြာပြီးနောက် ပေါတယောလိမြို့သို့ ရောက်ရှိကြသည်။ 14ထိုအရပ်၌ ဘုရားရှင်၏ တပည့်တော်များနှင့် တွေ့ကြသောအခါ သူတို့နှင့်အတူ တစ်ပါတ်ကြာမျှ နေထိုင်ရန်တောင်းဆိုကြသဖြင့် ကျွန်ုပ်တို့သည်လည်း သူတို့နှင့်နေခဲ့ကြပြီး ရောမမြို့သို့ ခရီးဆက်ခဲ့ကြ၏။ 15ရောမမြို့ရှိ ဘုရားရှင်၏ တပည့်တော်အချို့သည်လည်း ကျွန်ုပ်တို့၏သတင်းကို ကြားကြ၍ ခရီးဦးကြိုပြုရန် အချို့သည် အပ္ပိဈေးသို့လည်းကောင်း၊ အချို့သည် ဧည့်ရိပ်သာသုံးဆောင်ဟုခေါ်သောအရပ်၌လည်းကောင်း လာရောက်တွေ့ဆုံကြသဖြင့် ပေါလုသည်လည်း ဘုရားရှင်၏မေတ္တာတော်ကို ချီးမွမ်း၍ လွန်စွာ စိတ်အားထက်သန်လေ၏။ 16ရောမမြို့သို့ ရောက်ကြသောအခါ တပ်မှူးသည် ပေါလုအား စစ်သည်တစ်ဦးအား အစောင့်အကြပ်အဖြစ်ထားရှိကာ သီးသန့်နေထိုင်ခွင့်ပေးလေ၏။ 17သုံးရက်အကြာတွင် ဂျူးလူမျိုး ခေါင်းဆောင်များနှင့်စုဝေး၍ ပေါလုကပြောဆိုသည်မှာ "ညီအစ်ကိုတို့၊ ငါသည် မိမိ၏ လူမျိုးကိုလည်းကောင်း၊ ဘိုးဘေးများ၏ ဓလေ့ထုံးစံများကိုလည်းကောင်း ထိခိုက်ပျက်စီးစေသည့် အရာတို့အား မလုပ်ခဲ့ဖူးပေ။ သို့သော် ငါ့အား ထောင်ချလိုက်ကြပြီး ရောမလူမျိုးများ၏ လက်ထဲသို့ အပ်နှံခြင်းခံခဲ့ရ၏။ 18ရောမလူမျိုးများသည် ငါ့အား စစ်ဆေးမေးမြန်းကြပြီးသည့်နောက် ငါ့ထံတွင် သေဒဏ်ပေးခံသည့် မည်သည့်အပြစ်မျှမရှိသည့်အတွက် ငါ့ကို ပြန်လွှတ်ပေးလိုခဲ့ကြ၏။ 19သို့သော် ဂျူးလူမျိုးများမှ ကန့်ကွက်ခဲ့ကြသည့်အတွက် ငါသည် ငါ၏လူမျိုးများနှင့် ဆန့်ကျင်ပြောဆိုစရာ မည်သည့်အရာမျှ မရှိပါဘဲနှင့် ငါသည် ဧကရာဇ်ထံတွင် အယူခံဝင်ရန် တွန်းအားပေးခြင်းခံခဲ့ရ၏။ 20ထိုအတွက်ကြောင့် ငါသည် သင်တို့နှင့်တွေ့ဆုံပြီး စကားပြောရန် တောင်းဆိုခဲ့ခြင်းဖြစ်၏။ အမှန်စင်စစ် ငါသည် အစ္စရေးလူမျိုးများ၏ မျှော်လင့်ချက်ဖြစ်သည့် ကိုယ်တော့်အတွက်နှင့် အသို့သံကြိုးများဖြင့် ချုပ်နှောင်ထားခံရခြင်းပင်ဖြစ်၏" ဟုပြောဆိုလေ၏။ 21ထိုအခါ ဂျူးလူမျိုးခေါင်းဆောင်များကလည်း "သင်၏အကြောင်းအား သတင်းပေးပို့သည့် စာတစ်စောင်မျှ ယုဒပြည်မှနေ၍ ငါတို့ထံသို့ ရောက်မလာဖူးပေ။ ထိုပြည်မှ ပြန်လာသည့် သူများထံမှလည်း သင်၏အကြောင်း မကောင်းသတင်းများ လာရောက်၍ ပြောကြားခြင်းလည်း မရှိသေးပေ။ 22သို့သော် အနယ်နယ်အရပ်ရပ်တွင် ဤဂိုဏ်းနှင့်ပတ်သက်ပြီး ဆန့်ကျင်ပြောဆိုနေကြသည်ကို ငါတို့သိကြသည့်အတွက် သင်ပြောသည်ကိုလည်း ငါတို့သည် နားထောင်လိုပါ၏" ဟုပြောဆိုကြလေ၏။ 23ထို့နောက် သူတို့သည်လည်း ပေါလုနှင့် နောက်တစ်ကြိမ်တွေ့ဆုံရန် ချိန်းဆိုလိုက်ကြပြီး ပို၍များစွာသော လူတို့နှင့်တကွ ပေါလုတည်းခိုနေသောနေရာသို့ လာကြလေ၏။ ပေါလုသည် နံနက်စောစောမှ ညအချိန်ထိတိုင် ထိုသူတို့အား ဘုရားရှင်၏သာသနာတော်အကြောင်းကို ဟောပြောပြီး ကိုယ်တော်ယေရှုကို ယုံကြည်ကြရန် မောရှေ၏ပညတ်ကျမ်းနှင့် အရိယာသူတော်စင်များ၏ ကျမ်းများကို ထောက်ပြ၍ ရှင်းလင်းဟောပြောလေ၏။ 24လူအချို့သည် လက်ခံယုံကြည်ကြ၍ အချို့မှာမူ မယုံကြည်ဘဲနေကြသဖြင့် 25သူတို့အချင်းချင်း အငြင်းပွားကြကာ ပြန်သွားကြစဉ်တွင် ပေါလုက "ဉာဏ်အလင်းတော်သည် အရိယာသူတော်စင်ဟေရှာယမှတဆင့် သင်တို့၏ ဘိုးဘေးများအား ဟောပြောခဲ့သည်များသည် မည်မျှပင် မှန်ပေသနည်း။ 26'သင်တို့သည် နားထောင်နေကြသော်လည်း နားလည်သဘောပေါက်ကြလိမ့်မည်မဟုတ်ပေ။ သင်တို့သည် ထပ်ကာထပ်ကာကြည့်ကြသော်လည်း မြင်ကြလိမ့်မည်မဟုတ်ဟု ဤလူမျိုးတို့ထံ သွား၍ပြောကြားလော့။ 27အဘယ်ကြောင့်ဆိုသော် သူတို့၏စိတ်နှလုံးတို့သည် ထုံထိုင်းလျက် မျက်စိသည်မမြင်၊ နားသည်လည်း မကြားကြသောကြောင့် ဖြစ်၏။ သူတို့၏ မျက်စိများသည်မြင်၍ နားများသည်ကြားနိုင်ကြပြီး နားလည်နိုင်ကြမည်ဆိုပါက သူတို့သည် ငါဘုရားရှင်ဘက်သို့ လှည့်လာမည်ဖြစ်၍ ငါသည်လည်း သူတို့၏အနာရောဂါခပ်သိမ်းကို ငြိမ်းအေးစေမည်ဖြစ်၏' ဟုဟောကြားထားခဲ့၏။ 28ဘုရားရှင်၏ ကယ်တင်ခြင်းတရား သတင်းစကားသာ တိုင်းတပါးသားများထံသို့ ပို့ဆောင်ခဲ့လျှင် သူတို့သည် နာခံကြလိမ့်မည်ဆိုသည်ကို သင်တို့သိမှတ်ကြလော့" ဟုပြောဆိုလေ၏။ 29ဤသို့ ပေါလုပြောဆိုပြီးနောက် လူတို့သည်လည်း အချင်းချင်းငြင်းခုံလျက် ပြန်သွားကြလေ၏။ 30ထို့နောက် ပေါလုသည်လည်း နှစ်နှစ်ကြာမျှ အိမ်တစ်လုံးကို ငှားရမ်း၍ သူ့ထံသို့လာသမျှသောသူတို့အား ဆီးကြိုဧည့်ခံလျက် 31မည်သည့်အဟန့်အတားမျှမရှိဘဲ ဘုရားရှင်၏ သာသနာတော်အကြောင်းကို ဟောကြား၍ ယေရှုခရစ်တော်၏အကြောင်းများကို ရဲဝံ့စွာဖြင့် သွန်သင်လေ၏။ တမန်တော်ကျမ်းပြီး၏။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.