1 Corinthians 4
4
1ထို့ကြောင့် သင်တို့သည် မိမိကိုယ်ကိုယေရှုခရစ်တော်၏ အစေခံကဲ့သို့လည်းကောင်း၊ ဘုရားရှင်၏ နက်နဲသောလျှို့ဝှက်ချက်တို့ကို စောင့်ထိန်းရသောသူများကဲ့သို့လည်းကောင်း တွေးထားကြရမည်ဖြစ်သည်။ 2ဤနေရာတွင် စောင့်ထိန်းသောသူတို့သည် သူတို့၏အလုပ်အား သစ္စာရှိစွာလုပ်ဆောင်ရန်လိုအပ်ပေသည်။ 3သင်တို့မှစ၍ အခြားသောလူတို့သည် အကျွန်ုပ်ကိုစီရင်ကြလျှင် ထိုအရာသည်အကျွန်ုပ်အတွက်အရေးမကြီးပေ။ ငါ့ကိုယ်ငါတောင်မစီရင်ပေ။ 4အကျွန်ုပ်သည်မည်သည့်အရာကိုမျှမှားယွင်းစွာမလုပ်ဆောင်ခဲ့သည်ကိုအကျွန်ုပ်အမှန်တကယ်ပင်သိသည်။ သို့သော်လည်း ထိုအကြောင်းကြောင့် ငါသည်အပြစ်ကင်းစင်သည်တော့မဟုတ်ပေ။ ငါ့ကိုစီရင်သောသူသည်ကား အရှင်တစ်ဦးတည်းသာဖြစ်ပေတည်း။ 5ထို့ကြောင့် သင့်လျော်မှန်ကန်သည့်အချိန်မတိုင်မီ မည်သည့်စီရင်မှုကိုမျှမပြုလုပ်ကြနှင့်။ ထိုအချိန်သည် အရှင်ပြန်လာမည့်အချိန်သာဖြစ်သည်။ သူသည်အမှောင်ထဲ၌ ဝှက်ထားသောအရာတို့ကို အလင်းထဲသို့ယူဆောင် လာမည်ဖြစ်ပြီး လူတို့၏စိတ်နှလုံးထဲရှိအကြံအစည်များကိုဖော်ထုတ်ပြသလိမ့်မည်ဖြစ်သည်။ ထိုအချိန်တွင် လူတိုင်းသည်ဘုရားရှင်၏ချီးမွမ်းခြင်းကိုခံကြရလိမ့်မည်ဖြစ်သည်။ 6အကျွန်ုပ်၏ညီအစ်ကိုမောင်နှမတို့၊ အကျွန်ုပ်သည် အာပေါလုနှင့်အကျွန်ုပ်၏အကြောင်းများကိုပြောဆိုနေရ ခြင်းမှာသင်တို့၏အကျိုးအတွက်ဖြစ်သည်။ အကျွန်ုပ်တို့ထံမှတစ်ဆင့် သင်တို့အား “ကျမ်းစာကိုလွန်၍ မည်သည့်အရာကိုမျှ မလုပ်သင့်၊ မပြောဆိုသင့်” ဟူသောစကားကိုနားလည်စေလိုသည်။ ထိုအခါ သင်တို့သည် တစ်ယောက်ကိုတစ်ယောက်ဆန့်ကျင်ပြီး မာနထောင်လွှားမှုများမရှိကြတော့ပဲဖြစ်ပေလိမ့်မည်။ 7မည်သူသည် သင်တို့အားအခြားသောသူများထက်ပိုမိုထူးခြားစေသနည်း။ ဘုရားရှင်ထံမှသင်တို့လက်ခံမရရှိ သောအရာဟူ၍ မည်သည့်အရာများရှိသနည်း။ အကယ်၍ သင်တို့ထံ၌ရှိနေသောအရာအားလုံးကို ဘုရားရှင်ထံမှ လက်ခံရရှိထားသည်ဖြစ်လျှင် အဘယ်ကြောင့်သင်တို့သည်လက်ခံမရရှိသကဲ့သို့ကြွားဝါနေကြသနည်း။ 8သင်တို့သည် သင်တို့အလိုရှိသောအရာအားလုံးကိုရရှိထားပြီဖြစ်သလော။ သင်တို့သည်ကြွယ်ဝချမ်းသာနေကြ ပြီလော။ သင်တို့သည် သင်တို့ကိုသင်တို့အင်အားကြီးသောဘုရင်များဖြစ်နေကြပြီဟုထင်နေကြသလော။ သို့သော် အကျွန်ုပ်တို့သည် ထိုအဆင့်အထိမရောက်ကြသေးပေ။ အကျွန်ုပ်တို့သည် သင်တို့နှင်အတူအုပ်ချုပ်နိုင်ရန်အတွက် သင်တို့သည် အမှန်တကယ်ပင်ဘုရင်များကဲ့သို့ဖြစ်နေကြရန် အကျွန်ုပ်ဆန္ဒရှိပါသည်။ 9အကျွန်ုပ်တို့သည် လူတိုင်း၏ရှေ့၌ အသက်ခံရမည့်သူများကဲ့သို့ ဘုရားရှင်သည်အကျွန်ုပ်တို့ကိုသာဝကများ အဖြစ် နောက်ဆုံးတွင်ထားထားသည်ဟုအကျွန်ုပ်ထင်မြင်မိပါသည်။ အဘယ်ကြောင့်ဆိုသော် ငါတို့ထံ၌မည် သည့်အရာများဖြစ်ပျက်လာမည်ကို ဤလောကရှိလူသားများသာမက ရွှေမြို့တော်ရှိနတ်ဒေဝါများပါစောင့် ကြည့်နေကြသောကြောင့်ဖြစ်သည်။ 10အကျွန်ုပ်တို့သည် ယေရှုခရစ်တော်အတွက် မိုက်မဲသောသူများဖြစ်ကြသည်။ သင်တို့မူကား ယေရှုခရစ်တော် အတွက် အလွန်ဉာဏ်ပညာရှိသောသူများဖြစ်ကြသည်။ အကျွန်ုပ်တို့သည် အားနည်းသောသူများဖြစ်ကြ သော်လည်း သင်တို့မူကားခွန်အားကြီးမားသောသူများဖြစ်သည်။ အကျွန်ုပ်တို့သည် ဂုဏ်သရေမဲ့သောသူများဖြစ် ကြပြီး သင်တို့မူကားဂုဏ်သရေရှိသောသူများဖြစ်ကြသည်။ 11ယခုတိုင်အောင် အကျွန်ုပ်တို့သည်အစားအသောက်ငတ်မွတ်ခြင်း၊ အဝတ်အထည်နွမ်းပါးခြင်းနှင့် လူတို့၏ ရိုက်ပုတ်ညှဉ်းဆဲခြင်းကိုခံကြရပြီး အိမ်ခြေရာမဲ့များလည်းဖြစ်နေကြသည်။ 12အကျွန်ုပ်တို့သည်စားဝတ်နေရေးအတွက် မိမိ၏လက်ဖြင့်အလုပ်ကြိုးစားကြရသည်။ လူတို့သည် အကျွန်ုပ်တို့အားကျိန်ဆဲကြသောအခါ အကျွန်ုပ်တို့သည်သူတို့ထံ၌ကောင်းမွန်သောအရာများဖြစ်လာစေရန် ဆုတောင်းပေးကြသည်။ လူတို့သည် အကျွန်ုပ်တို့အားညှဉ်းဆဲနှိပ်စက်ကြသောအခါ အကျွန်ုပ်တို့သည်သည်းခံကြသည်။ 13လူတို့သည် အကျွန်ုပ်တို့အကြောင်းမကောင်းပြောဆိုကြသောအခါ အကျွန်ုပ်တို့သည်သူတို့အကြောင်းကို အကောင်းသာပြောဆိုကြသည်။ ယခုပင်လျှင် လူတို့သည် အကျွန်ုပ်တို့အား ဤလောကရှိ ပစ်ထုတ်ကြသည့် အညစ်အကြေးအမှိုက်သရိုက်များကဲ့သို့ဆက်ဆံနေကြသည်ဖြစ်သည်။ 14သင်တို့အရှက်ရစေရန်အတွက် ဤအကြောင်းအရာများကိုအကျွန်ုပ်ရေးသည်မဟုတ်။ သို့သော်သင်တို့ကို အကျွန်ုပ်ချစ်ခင်ရပါသောသားသမီးများကဲ့သို့သတိပေးဆုံးရန်သာဖြစ်သည်။ 15သင်တို့တွင် ယေရှုခရစ်တော်၏အကြောင်းကို သင်ကြားပေးသော ဆရာတစ်သောင်းရှိသော်လည်း ဖခင် များစွာမရှိပေ။ အကျွန်ုပ်သည် မင်္ဂလာသတင်းကောင်းကိုသင်တို့အားစတင်ဟောပြောသူဖြစ်သောကြောင့် ယေရှုခရစ်တော်မှတစ်ဆင့် အကျွန်ုပ်သည်သင်တို့၏ဖခင်ဖြစ်သည်။ 16ထို့ကြောင့် အကျွန်ုပ်လုပ်ဆောင်သကဲ့သို့ သင်တို့သည်လည်းတွေးခေါ်၍လုပ်ဆောင်ကြရန် အကျွန်ုပ် တောင်းဆိုပါသည်။ 17ထိုအကြောင်းကြောင့် ဘုရားရှင်အပေါ်သစ္စာရှိသော အကျွန်ုပ်၏ချစ်လှစွာသောသားတိမောသေကို သင်တို့ထံသို့ အကျွန်ုပ်စေလွှတ်ခြင်းဖြစ်သည်။ သူသည် နေရာတိုင်းရှိအသင်းတော်တိုင်းတွင် အကျွန်ုပ်ဟောပြောသွန်သင်ခဲ့သည့်အတိုင်း အကျွန်ုပ်သည်ယေရှုခရစ်တော်၏နောက်သို့ မည်ကဲ့သို့လိုက်နေ ကြောင်းကိုသင်တို့အားသတိပေးလိမ့်မည်ဖြစ်သည်။ 18အကျွန်ုပ်သည်သင်တို့ထံသို့ ရောက်လာမည်မဟုတ်ဟု သင်တို့ထဲမှအချို့သည်ထင်မြင်နေကြပြီးမာန်မာန ထောင်လွှားနေကြလေသည်။ 19သို့သော်လည်း ဘုရားရှင်သည် အလိုတော်ရှိလျှင် ငါသည်မကြာမီရောက်လာမည်ဖြစ်သည်။ အကျွန်ုပ်ရောက် လာသောအခါ ထိုမာနထောင်လွှားသောသူတို့မည်ကဲ့သို့ဟောပြောနေကြသည်များထက် သူတို့ထံ၌တန်ခိုးအာဏာ အမှန်တကယ်ရှိမရှိကိုသာအကျွန်ုပ်လေ့လာမည်ဖြစ်သည်။ 20အဘယ်ကြောင့်ဆိုသော် ဘုရားရှင်၏သာသနာတော်သည် ပြောစကား၌တည်သည်မဟုတ်ပဲ တန်ခိုး၌တည် သောကြောင့်ဖြစ်သည်။ 21သင်တို့သည် မည်သည်ကိုပို၍အလိုရှိသနည်း။ အကျွန်ုပ်သည်သင်တို့ထံသို့ကြိမ်တံကိုကိုင်၍လာရမည်လော။ သို့မဟုတ် မေတ္တာတရားနှင့် နူးညံ့သောစိတ်ဖြင့်လာရမည်လော။
Jelenleg kiválasztva:
1 Corinthians 4: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.