1 Corinthians 12
12
1အကျွန်ုပ်၏ညီအစ်ကိုမောင်နှမတို့၊ အကျွန်ုပ်သည်သင်တို့အား ဝိညာဉ်ရေးရာဆိုင်ရာဆုကျေးဇူးအကြောင်း များကို မသိဘဲမနေစေလိုပါ။ 2သင်တို့သည် ဘုရားရှင်အားမယုံကြည်ခင်အချိန်က အကြိမ်ကြိမ်သွေးဆောင်ခြင်းခံရသောကြောင့် စကားမပြော နိုင်သောရုပ်ထုများကိုကိုးကွယ်ခဲ့ကြသည်ကို သင်တို့အသိပင်ဖြစ်သည်။ 3ထိုကြောင့် သင်တို့အားအကျွန်ုပ်ပြောလိုသည်မှာ မည်သူမျှ ဘုရားရှင်၏ဉာဏ်အလင်းတော်အားဖြင့် “ကိုယ်တော်ယေရှုသည်ကျိန်စာသင့်နေသည်” ဟုမပြောနိုင်သကဲ့သို့ ဉာဏ်အလင်းတော်အားဖြင့်မဟုတ်လျှင် မည်သူကမျှ “ကိုယ်တော်ယေရှုသည် အရှင်သခင်ဖြစ်သည်” ဟုမပြောနိုင်ပေ။ 4ဆုကျေးဇူးသည်အမျိုးမျိုးရှိသော်လည်း ဉာဏ်အလင်းတော်မှာတစ်ပါးတည်းသာရှိသည်။ 5အမှုတော်ထမ်းရွက်ခြင်းအမျိုးမျိုးရှိသော်လည်း အကျွန်ုပ်တို့သည်အရှင်တစ်ပါးတည်းအပေါ်သာ အမှုတော်ထမ်းရွက်ကြသည်ဖြစ်သည်။ 6လုပ်စရာအလုပ်များစွာရှိသော်လည်း ထိုအရာအားလုံးကိုအကျွန်ုပ်တို့လုပ်ဆောင်နိုင်စေသည်မှာ ဘုရားရှင်တစ်ပါးတည်းသာရှိသည်။ 7အများကောင်းကျိုးအတွက် ယုံကြည်သူတစ်ဦးတစ်ယောက်ချင်းစီတိုင်းကို ဉာဏ်အလင်းတော်အား ပေးအပ်ထားပြီးဖြစ်သည်။ 8လူတစ်ချို့အား ပညာရှိသောစကားများကိုပြောဆိုနိုင်သောစွမ်းရည်ကိုဉာဏ်အလင်းတော်သည်ပေးတော်မူ သည်။ အချို့သောသူများကိုမူ ထိုသတင်းစကားများကိုနားလည်နိုင်သည့်စွမ်းရည်အား ဉာဏ်အလင်းတော် သည်ပေးတော်မူသည်။ 9ထိုဉာဏ်အလင်းတော်ကပင် အချို့သောလူများကိုယုံကြည်ခြင်းအခွင့်ကိုပေးတော်မူသည်။ ထိုဉာဏ်မလင်း တော်ကပင် အချို့သောလူများကိုအနာရောဂါပျောက်ကင်းအောင်ကုသနိုင်သောအခွင့်ကိုပေးတော်မူသည်။ 10အချို့သောသူများကို အံ့ဖွယ်နိမိတ်လက္ခဏာများကိုပြုလုပ်နိုင်သည့်အခွင့်ကိုပေးတော်မူသည်။ အချို့သောသူများကို ရှေ့ဖြစ်ဟောနိုင်သည့်အခွင့်ကိုပေးတော်မူသည်။ အချို့သောသူများကို ကောင်းသောစိတ်ဝိညာဉ်နှင့် မကောင်းသောစိတ်ဝိညာဉ်ခွဲခြားသိနိုင်သောအခွင့်ကိုပေးတော်မူသည်။ အချို့သောသူများကိုဘာသာစကားအမျိုးမျိုးပြောနိုင်သည့်အခွင့်ကိုပေးတော်မူသည်။ အချို့သောသူများကို ထိုဘာသာစကားများအားပြန်လည်ရှင်းပြနိုင်သည့်အစွမ်းကိုပေးတော်မူသည်။ 11ဤအခွင့်ရှိသမျှတို့ကို တစ်ပါးတည်းသော ဉာဏ်အလင်းတော်၏လုပ်ဆောင်ချက်ပင်ဖြစ်ပြီး ထိုဉာဏ်အလင်းတော်ကသာ မိမိအလိုရှိသည့် ထိုအခွင့်တို့အား ယုံကြည်သူတစ်ဦးတစ်ယောက်ခြင်းစီကိုပေး အပ်တော်မူသည်ဖြစ်သည်။ 12ကိုယ်ခန္ဓာတစ်ခုတည်းတွင် အင်္ဂါများစွာရှိသော်လည်း ကိုယ်ခန္ဓာသည်တစ်ခုတည်းသာဖြစ်သကဲ့သို့ ယေရှုခရစ်တော်သည်လည်းထိုနည်းအတိုင်းပင်ဖြစ်သည်။ 13ထိုကဲ့သို့ပင် အကျွန်ုပ်တို့သည် ဂျူးလူမျိုးဖြစ်စေ၊ ဂရိလူမျိုးဖြစ်စေ၊ အစေခံဖြစ်စေ၊ လွတ်လပ်သူဖြစ်စေ ဉာဏ်အလင်းတော်အားဖြင့်သာ ကိုယ်ခန္ဓာတစ်ခုတည်းအဖြစ် အကျွန်ုပ်တို့အားလုံးသည် ရေနှစ်မင်္ဂလာခံယူကြရခြင်းဖြစ်သည်။ ထိုဉာဏ်အလင်းတော်သည် အကျွန်ုပ်တို့အားလုံးသောက်သုံးနိုင်သော ရေကဲ့သို့ပင်ဖြစ်သည်။ 14ကိုယ်ခန္ဓာသည် အင်္ဂါအစိတ်အပိုင်းတစ်ခုတည်းရှိသည်မဟုတ်ဘဲ များစွာရှိသည်ဖြစ်သည်။ 15ခြေထောက်သည် “ငါသည်လက်မဟုတ်။ ငါသည်ကိုယ်ခန္ဓာနှင့်မဆိုင်” ဟုပြောလျှင် ထိုသို့ပြောခြင်းကြောင့် ကိုယ်ခန္ဓာနှင့်မသက်ဆိုင်တော့သည်မဟုတ်ပေ။ 16နားသည်လည်း “ငါသည်မျက်စိမဟုတ်သောကြောင့် ကိုယ်ခန္ဓာနှင့်မစပ်ဆိုင်” ဟုပြောလျှင် ထိုသို့ပြောသောကြောင့် ကိုယ်ခန္ဓာနှင့်မသက်ဆိုင်တော့သည်မဟုတ်ပေ။ 17ကိုယ်ခန္ဓာတစ်ခုလုံးသည် မျက်စိဖြစ်နေလျှင် မည်ကဲ့သို့ကြားနိုင်မည်နည်း။ ကိုယ်ခန္ဓာတစ်ခုလုံးသည် နားဖြစ်နေလျှင် မည်ကဲ့သို့အနံ့ခံနိုင်မည်နည်း။ 18သို့သော် ဘုရားရှင်သည် ဆန္ဒရှိတော်မူသည့်အတိုင်း ကိုယ်ခန္ဓာအစိတ်အပိုင်းတစ်ခုချင်းစီကို ကိုယ်ခန္ဓာရှိနေရာအသီးသီး၌ နေရာချထားတော်မူသည်။ 19ကိုယ်ခန္ဓာအစိတ်အပိုင်းအားလုံးသည်တစ်ခုတည်းသာဖြစ်နေလျှင် ကိုယ်ခန္ဓာဟူ၍မည်ကဲ့သို့ရှိနိုင်မည်နည်း။ 20အမှန်သည်ကား ကိုယ်ခန္ဓာအစိတ်အပိုင်းများစွာရှိသော်လည်း ကိုယ်ခန္ဓာသည်တစ်ခုတည်းသာဖြစ်သည်။ 21မျက်စိသည် လက်အား “သင့်ကို ငါအလိုမရှိ” ဟုမပြောနိုင်ပေ။ ဦးခေါင်းသည်လည်း ခြေထောက်ကို “သင်ကိုငါအလိုမရှိ” ဟုမပြောနိုင်ပေ။ 22အမှန်သည်ကား အရေးမကြီးဘူးဟုထင်ရသောခန္ဓာကိုယ်အစိတ်အပိုင်းများသည် မရှိမဖြစ်သောအစိတ်အပိုင်းများဖြစ်ပြီး 23တင့်တယ်ခြင်းမရှိသော ကိုယ်ခန္ဓာအစိတ်အပိုင်းတို့ကို အကျွန်ုပ်တို့သည်အထူးအလေးပေးကြရသည်။ ထိုတင့်တယ်ခြင်းမရှိသော ကိုယ်ခန္ဓာအစိတ်အပိုင်းများကို အကျွန်ုပ်တို့သည်ပို၍တင့်တယ်အောင်မွမ်းမံကြရ သည်ဖြစ်သည်။ 24တင့်တယ်လျက်ရှိသော ကိုယ်ခန္ဓာအစိတ်အပိုင်းတို့သည် အခြားသောတင့်တယ်အောင်မွမ်းမံရန်မလိုကြပေ။ 25ဤသည်မှာကိုယ်ခန္ဓာအစိတ်အပိုင်းတို့သည် ကွဲပြားခြင်းမရှိဘဲ အချင်းချင်းတန်းတူအကျိုးပြုလျက်ရှိကြသည်။ 26ကိုယ်ခန္ဓာအစိတ်အပိုင်းတစ်ခုသည် ဝေဒနာခံစားရလျှင် ကိုယ်ခန္ဓာအစိတ်အပိုင်းတိုင်းသည်လည်း ၎င်းနှင့် အတူလိုက်၍ခံစားကြရသည်။ ကိုယ်ခန္ဓာအစိတ်အပိုင်းတစ်ခုသည် ဂုဏ်တက်လျှင် ကိုယ်ခန္ဓာအစိတ်အပိုင်းတိုင်း သည်၎င်းနှင့်အတူဝမ်းမြောက်ကြသည်။ 27သင်တို့သည် ယေရှုခရစ်တော်၏ကိုယ်ခန္ဓာများဖြစ်ကြပြီး သင်တို့တစ်ယောက်ချင်းစီသည် ၎င်း၏အစိတ်အပိုင်း များဖြစ်ကြသည်။ 28အသင်းတော်၌ဘုရားရှင်ခန့်အပ်ထားသောအစိတ်အပိုင်းများမှာ ပထမနေရာ၌သာဝကများ၊ ဒုတိယနေရာ၌ ပရောဖက်များ၊ တတိယနေရာ၌ဆရားများဖြစ်ကြပြီး အံ့ဖွယ်နိမိတ်လက္ခဏာများကိုပြုလုပ်နိုင်သူများ၊ ရောဂါပျောက်ကင်းစေနိုင်သောသူများ၊ သူတစ်ပါးအားကူညီကြသူများ၊ ရှေ့ဆောင်လမ်းပြနိုင်သောသူများ၊ ဘာသာစကားအမျိုးမျိုးပြောဆိုနိုင်ကြသူများဖြစ်ကြသည်။ 29လူတိုင်းသာဝကများဖြစ်သလော။ လူတိုင်းပရောဖက်များဖြစ်သလော။ လူတိုင်းဆရာများဖြစ်သလော။ လူတိုင်းအံ့ဖွယ်နိမိတ်လက္ခဏာများကိုပြုလုပ်နိုင်သလော။ 30လူတိုင်းရောဂါပျောက်ကင်းအောင်ပြုလုပ်နိုင်သလော။ လူတိုင်းဘာသာစကားအမျိုးမျိုးကိုပြောနိုင်သလော။ လူတိုင်းထိုဘာသာစကားတို့၏အဓိပ္ပာယ်ကိုရှင်းပြနိုင်ကြသလော။ 31သို့သော် သင်တို့သည် အမြတ်ဆုံးသောဆုကျေးဇူးတော်တို့ကို အလွန်အလိုရှိသင့်ကြသည်။ ယခုပင် အကျွန်ုပ်သည်သာ၍မြတ်သောလမ်းကို သင်တို့အားပြမည်။
Jelenleg kiválasztva:
1 Corinthians 12: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.