Psom 1
1
PREMIE LIV PSOM
(Psom 1—41)
Sime vre boner
1Bienere sa dimounn
ki pa ekout konsey bann ki fer lemal,
ki pa swiv sime dimounn ki fer pese,
ki pa asiz ar dimounn vantar.
2Okontrer li gagn plezir dan lalwa LESEGNER,
e lanwit-lizour li medit lor so lansegnman.
3Li kouma enn pie ki pous dan bor dilo,
ki raport so fri dapre so sezon
e so fey res touletan ver.
Sa dimounn ere la li touletan prospere.
4Me bann dimounn move pa koumsa;
zot kouma lasann lapay
ki balie par divan.
5Bann move dimounn pou kondane dan zizman,
bann ki fer pese pa pou rant dan lasanble lepep Bondie.
6LESEGNER protez e gid lavi dimounn ki zis,
me bann ki fer move pou zwenn lapert ek lamor.
Jelenleg kiválasztva:
Psom 1: KMNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nouvo Testaman Kreol Morisien Harmonisation NTPS KM © Bible Society of Mauritius, 2021.