Népszerű bibliai igeversek innen: VARHOMA 12

Megosztás

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Vamakwerhu, ndza mi khongotela hi tintswalo ta Xikwembu, leswaku mi nyiketa miri wa n'wina, wu va mhamba leyi hanyaka, leyi kwetsimaka, leyi tsakisaka Xikwembu; hi rona gandzelo leri mi fanelaka.

Tsakani eku languteleni, mi yingisela emaxangwini, mi chivirikela eku khongeleni.

U nga tshuki u hluriwa hi leswo biha, kambe hlula leswo biha hi leswo saseka.

Tolovelanani hi rirhandzu ra vuxaka, mi ri karhi mi yisana emahlweni hi mafundzha.

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Loko swi nga endleka, ni loko mi swi kota, tshamani hi ku tsakelana ni vanhu hinkwavo.

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwe leswaku: “Ku rihisa, i ka mina; hi mina loyi ndzi nga ta rihisa; ku vula Hosi.”

Mi nga tshuki mi loloha ku tirhela van'wana kambe mi va ni ku hiseka emoyeni, mi tirhela Hosi.

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

Mi nga tlheriseli ku biha hi ku biha, hambi ku ri ka mani na mani. Lavani leswinene emahlweni ka vanhu hinkwavo.

Mi namarhelana kun'we hi mbilu yin'we; mi nga tshuki mi navela leswi tlakukeke, kambe xaxamelani ni lava titsongahataka; mi nga tivoni lavo tlhariha.

Hikwalaho, “la nga nala eka wena, loko a ri ni ndlala, n'wi phamele; loko a ri ni torha, n'wi siyele a nwa; hikuva, loko u endlisa sweswo, u n'wi hlengeletele mpfundze enhlokweni.”

Katekisani lava mi xanisaka; katekisani, mi nga tshuki mi rhukana. Tsakani ni lava tsakeke, mi rila ni lava rilaka.

Pambulelani vakwetsimi loko va pfumala, mi va ni ku gingirika ku amukela vaendzi.

Hikuva kukota leswi hi nga ni swirho leswo tala emirini wu ri wun'we, kutani swirho hinkwaswo swi nga ri na ntirho wun'we; hi mukhuva wolowo, na hina, hambi hi tele, hi miri wun'we eka Kriste, kutani un'wana ni un'wana i xirho xa van'wana.