Népszerű bibliai igeversek innen: VARHOMA 10

Megosztás

Hikuva loko u vula hi nomu wa wena leswaku Yesu i Hosi, ni loko u pfumela embilwini ya wena leswaku Xikwembu xi n'wi pfuxile eku feni, u ta ponisiwa.

Hikuva munhu u kuma ku lulama hi ku pfumela hi mbilu, kutani u kuma ku ponisiwa hi ku vula hi nomu.

Kunene ku pfumela, ku ta hi ku yingisa, kutani ku yingisa ku ta hi rito ra Xikwembu.

Hikuva Tsalwa ri te: “Mani na mani la pfumelaka eka yena, a nga ka a nga khomiwi hi tingana.” Hikuva a ku na ku hambana eka Muyuda ni Mugriki, hikuva hinkwavo va ni Hosi yin'we, leyi fuwelaka hinkwavo lava kombelaka eka yona. Hikuva “mani na mani la khongelaka hi vito ra Hosi, u ta ponisiwa.”

Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

Kambe va ta khongerisa ku yini eka loyi va nga pfumeriki eka yena? Va ta pfumerisa ku yini eka loyi va nga twangiki timhaka ta yena? Va ta ti tivisa ku yini, loko mudyondzisi a nga ri kona?

Hikuva ku hela ka nawu i Kriste la nyikaka ku lulama eka mani na mani la pfumelaka eka yena.