Népszerű bibliai igeversek innen: LUKA 8

Megosztás

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

Leswi weleke emitweni, hi lava yingiseke rito, kambe va famba, va ri tshika ri funengetiwa hi ku vilela, ni ku rhandza ku fuwa, ni ku titsakela ka vutomi lebyi, kutani va nga ha veki mihandzu leyi vupfaka.

Lava nga haxiwa emaribyeni, hi lava ingi loko va yingisile va amukela rito hi ku tsaka, kambe va pfumala timitsu, va pfumela hi nkarhi wun'wana ntsena; siku ra ndzingo, loko ri fika va tshika.

Kutani a ku eka vona: “Ku pfumela ka n'wina ku kwihi?” Vona va chava, va hlamala, va byelana, va ku: “Loyi i mani la tshinyaka moya ni lwandle, swi va swi n'wi yingisa?”

Lava nga endleleni, hi lava yingisaka; endzhaku, Diyavulosi a ta, a teka rito etimbilwini ta vona leswaku va nga tshuki va pfumela, va hlayiseka.

Hikuva a ku na xilo lexi nga exihundleni, lexi nga tiki tiviwa ni ku humelela erivaleni.

Kuteloko wansati loyi a vona leswaku u tiviwile, a ta hi ku rhurhumela, a khinsama emilengeni ya yena a tivula emahlweni ka vanhu leswi a n'wi khumbeleke swona, ni laha a horisiweke kan'we. Kutani Yesu a ku eka yena: “N'wananga, ku pfumela ka wena ku ku hanyisile, famba hi ku rhula.”

Kutani va tshinelela, va n'wi pfuxa evurhongweni, va ku: “N'wini, n'wini, ha lova!” Kutani a pfuka, a yima, a tshinya moya ni magandlati, kutani swi miyela, ku rhula ku va kona.