Népszerű bibliai igeversek innen: Ro 3

Megosztás

Qa'a ena'uaque qo'mi loeco lo'olpi qama'le qo'mi qaya'alo da'me 'lonaĝac ñe'me Dios. Qalaĝaja Dios, da'me lichoĝodenataĝanaĝac 'me qaya'te lajo'viyaĝac en qo'mi yataqatelo'te q'ae'n, chiyaqayi da'me nec'alaqataĝanaĝac 'me ya'uo ca'li ñe'me Cristo Jesús.

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

Cristo naliñi jaga'me letauo' ca'li; nach'eda Dios 'yetem da'me lo'o q'aen da'me qoyapalaĝa't jodaa'me qadoeco. Dojo' napalaqataguec joga'me noecopi, chiyaqayi da'me nepe'e da'me maqachaĝa qoyovidalegue. Naq'aeta da'me jetaque yaloĝon ñe'me Dios da'me qo'mi e'n yataqatelo'te; yapalaĝa't gaa'me qadoeco jo'ne joote jauoqo'oe ca'li. Qa'a ja yalaĝadaic ñe'me Dios. Ñe'me jetaque yaloĝon da'me qo'mi e'n yataqatelo'te q'ae'n ga'me nolo' jo'ne tachigui q'aen; qa'a naq'aeta queda'me yataqatelegue ñe'me qama'le e'n yataqatelo'te jogaa'me jo'ne p'iida'a ñe'me Jesús.

Qa'a qaya'te gamachaqaega eetapela't yedalegue da'me Dios yiyamaĝaden qa'a jouaĝat da'me que'teguelo daa'me namaĝajoĝonaĝaco, qa'a daa'me namaĝajoĝonaĝaco nach'edata da'me qo'mi yayatenaĝaneque da'me nach'e ena'am 'uo ga'me qadajouaĝajet.

Qa'a naa'me nedii's eet'oi: “¡Qaya'te ch'e onolec yataqatelegue! Qaya'te gamachaqaega netaque da'me letadenataĝanaĝac, Qaya'te gamachaqaega netaque ñe'me Dios. Ena'uaque tade'ga ga'me ladi'j 'me lejomaĝa'j, ena'uaque nichiyoĝojoĝola'ajalo. Ena'uac nalo'ta't da'me t'aĝanataĝana'ape. ¡Qaya gamachaqaega ya'uo da'me 'noota! ¡Yataqachiñe nedo'ta't, qaya'te ch'e onolec!

Naq'aeta da'me jovitaĝa da'me loiquiaqa'yaĝac: yataqatelegue q'aen ñe'me Dios ga'me jiyaĝaua jo'ne 'uo da'me lepe'e, ja yauaqa'a ta'le chiyaqalegue da'me qodique'teguelo daa'me namaĝajoĝonaĝaco.

¡Qa'ejo' ja naq'aeta! Dite da'me nach'eda yataqatelegue ñe'me Dios da'me 'tonataĝan, mate mane'e qovinaĝanaĝaic ga'me ch'e jiyaĝaua; qa'a naa'me nedii's eet'oi: “Am qo'ene'tem yataqatelegue ga'me anenaĝategue. Qama'le 'uo da'me adomataĝanaĝac qom am qonemitaque ga'me adajouaĝajet.”