Népszerű bibliai igeversek innen: Jang 16

Megosztás

Hei ja maanh bơl 'bei pal ntil au, jah bơl 'bei geh baak sroong boong knông Hei. Bơl 'bei a kươi geh r'baak knông swich teh, dôh phrui jap chưt, Hei ja jn'ah swich teh hơơi.”

Tơt Wêêng Soong Klanh lôh, a kươi Pang liêu bơl 'bei mưt jôm song klanh; đươm Pang 'bưn mor êêng, dôh a kươi mor ntil ơơn bơn ttang, u tơmbơh aan bơl 'bei ntil ơơn a kươi lôh.

Tơt bei au, bơl 'bei ndah ơơm tơmoh chhak Hei baah r'bon dan ntil ơơn. Phrui r'bon dan ơơi, a kươi bơl 'bei pơih kươt, jah broh s'bai bơl 'bei ri kươt sơp grơp.

Paich bei nei, Hei mor ngan n'hai bơl 'bei: Hei han laa preh thlay aan bơl 'bei. Đươm mơq Hei 'bưn han nei Yaang Nđum Nđiêng a kươi 'bưn lôh u bơl 'bei. Dôh mơq Hei han, Hei a kươi maanh Pang lôh. Tơt Pang lôh, Pang a kươi sngaanh swich teh teq u dôih 'baap, teq u baak sêch song u teq u baak pơrkat.

Kot bei nei, khal au bơl 'bei chhong rmlơng, dôh Hei a kươi mơp kươi bơl 'bei nei chưt bơl 'bei broh s'bai, u 'bưn 'bơơn awap piit nhôq broh s'bai bơl 'bei ri. Knông nar nei, bơl 'bei a kươi 'bưn ôp Hei ntil ơơn hôm. Ngan, Hei lah bơl 'bei ngan, paich ntil ơơn bơl 'bei r'bon dan Bươp, klung saak Hei, nei Pang a kươi ươn bơl 'bei.

Ngan, Hei maanh bơl 'bei ngan, bơl 'bei a kươi nhim ngliêng, trơh rnđeng, nha swich teh a kươi broh s'bai. Bơl 'bei a kươi chhong rmlơng, dôh baak chhong rmlơng bơl 'bei ri a kươi but broh s'bai.