Népszerű bibliai igeversek innen: Romans 7

Megosztás

ကျွန်ုပ်တို့၏အရှင် ယေရှုခရစ်တော်အားဖြင့် ကယ်ဆယ်တော်မူသောဘုရားရှင်၏ ကျေးဇူးတော်သည် ကြီးမားလှပါသည်။ အချုပ်အားဖြင့် ကျွန်ုပ်ဖြစ်ရပ်အား ဖော်ပြရသော် ကျွန်ုပ်သည် စိတ်အားဖြင့် ဘုရားရှင်၏ တရားတော်အောက်၌ အစေခံသော်လည်း ဇာတိသဘောအားဖြင့် အပြစ်တရားအောက်တွင် အသေခံ၏။

ကျွန်ုပ်၏လူဇာတိ၌ ကောင်းသောအရာမရှိကြောင်းအား ကျွန်ုပ်သည်သိ၏။ အဘယ်ကြောင့်ဆိုသော် ကျွန်ုပ်ထံတွင် အကျင့်ကောင်းကို ပြုကျင့်လိုသောစိတ်ရှိသော်လည်း ပြုကျင့်နိုင်စွမ်းကား မရှိသောကြောင့်ဖြစ်၏။

ကျွန်ုပ်သည် အကျင့်ကောင်းကို ပြုကျင့်လိုသော်လည်း မပြုကျင့်ဘဲ ပြုကျင့်လိုခြင်းမရှိသော အကျင့်ဆိုးကိုသာ ပြုကျင့်၏။

မိမိမပြုကျင့်လိုသော အကျင့်ကိုကျင့်သောသည်သူကား ကျွန်ုပ်မဟုတ်ပေ။ ကျွန်ုပ်၏စိတ်နှလုံးအတွင်း၌ ရှင်သန်လျက်ရှိသည့် အပြစ်တရားပင်ဖြစ်၏။

သို့ဖြစ်၍ ကျွန်ုပ်တွေ့ရှိရသော သဘောတရားမှာ ကျွန်ုပ်သည် အကျင့်ကောင်းအား ပြုကျင့်လိုသောအခါ အကျင့်ဆိုးကိုသာ ပြုကျင့်နိုင်ခြင်းဖြစ်သည်။ ဘုရားရှင်၏ ပညတ်တော်တရားတော်အား ကျွန်ုပ်၏စိတ်နှလုံးက နှစ်သက်ဝမ်းမြောက်စွာ လက်ခံ၏။

ထိုသို့ မိမိပြုသောအမှုသည် မှားယွင်းကြောင်းအား ကျွန်ုပ်သိသည်ဆိုလျှင် ပညတ်တရားသည် ကောင်းမြတ်သည်ဟု ကျွန်ုပ်သည် ဝန်ခံနေခြင်းပင်ဖြစ်၏။