Népszerű bibliai igeversek innen: မဿဲ 16

Megosztás

ထို့နောက် ကိုယ်တော်ယေရှုသည် သူ၏တပည့်တော်တို့အား “မည်သူမဆို ငါ၏တပည့်တော်ဖြစ်လိုသူသည် မိမိ၏အတ္တကိုစွန့်ပြီး မိမိ၏လက်ဝါးကပ်တိုင်ကို ကိုယ်တိုင်ထမ်းပြီး ငါ့နောက်သို့ လိုက်ရမည်။

သင့်အား ငါဆိုသည်ကား သင်သည် ပေတရုဖြစ်၏။ ပေတရုဆိုသည်မှာ ကျောက်တုံးဟု အဓိပ္ပါယ်ရ၏။ ထို့ကြောင့် ဤကျောက်တုံးပေါ်တွင် ငါ၏အသင်းတော်ကို တည်ဆောက်မည်။ သေခြင်းတရားပင်လျှင် ဤအသင်းတော်အပေါ်၌ စိုးမိုးနိုင်မည်မဟုတ်။

ငါသည် ရွှေမြို့တော်သာသနာတော်၏သော့များကို သင့်အား ပေး၍ မြေကြီးပေါ်၌ သင်တားမြစ်ထားသောအရာတို့သည် ရွှေမြို့တော်တွင်လည်း တားမြစ်ခြင်းကိုခံရမည်။ မြေကြီးပေါ်၌ သင်ခွင့်ပြုသောအရာတို့သည် ရွှေမြို့တော်တွင်လည်း ခွင့်ပြုခြင်းခံရမည်” ဟုမိန့်တော်မူ၏။

အကြောင်းမူကား မည်သူမဆို မိမိအသက်ကိုမိမိ ကယ်တင်လိုလျှင် ဆုံးရှုံးရမည်ဖြစ်ပြီး ငါ၏အတွက်နှင့် မိမိအသက်ကိုမိမိ အဆုံးရှုံးခံနိုင်သောသူသည် ကယ်တင်ခြင်းခံရမည်ဖြစ်၏။

လူသည် ကမ္ဘာမြေတစ်ခုလုံးကို ရရှိသော်လည်း မိမိ၏အသက်ကို ဆုံးရှုံးရလျှင် ထိုသူအတွက် မည်သည့်အကျိုးရှိမည်နည်း။ မိမိ၏အသက်ကို မည်သည့်အရာနှင့် လဲနိုင်မည်နည်း။

ထိုအခါ ကိုယ်တော်က တပည့်တော်တို့အား “သင်တို့ကမူ ငါ့အား မည်သူဟုဆိုကြမည်နည်း” ဟုမေးတော်မူသဖြင့် ရှိမုန်ပေတရုကလည်း “ကိုယ်တော်သည် သက်ရှိထင်ရှားရှိတော်မူသော ဘုရားရှင်၏သားတော် ခရစ်တော်ပင်ဖြစ်သည်” ဟုပြန်လည်လျှောက်တင်လေ၏။

ကိုယ်တော်ယေရှုကလည်း “ယောန၏သား ရှိမုန်၊ သင်သည် မင်္ဂလာရှိပေ၏။ မည်သူတစ်ဦးတစ်ယောက်မှ ဤအရာကို သင့်အား မပြသခဲ့သော်လည်း ရွှေမြို့တော်၌ရှိတော်မူသော အဖဘုရားရှင်သည် သင့်ကို ပြသတော်မူခဲ့ပြီ။