Népszerű bibliai igeversek innen: Colossians 3

Megosztás

အချင်းချင်းသည်းခံကြပြီး တစ်ဦးပေါ်တစ်ဦးအပြစ်တင်စရာများရှိလျှင်ခွင့်လွှတ်ကြလော့။ အရှင်သည်သင်တို့အားခွင့်လွှတ်သကဲ့သို့ သင်တို့သည်လည်းအခြားသောသူများကိုခွင့်လွှတ်ကြလော့။

ရွှေမြို့တော်တွင်ရှိသော အရာများကိုသာအာရုံစူးစိုက်ထားရမည်။ ဤလောကတွင်ရှိသောအရာများကို အာရုံစူးစိုက်မူမရှိကြနှင့်။

သင်တို့သည်မည်သည့်အလုပ်ကိုလုပ်သည်မဆို လူတို့အတွက်လုပ်သည်မဟုတ်ဘဲ အရှင့်အတွက်အလုပ်လုပ်သကဲ့သို့ သင်တို့၏စိတ်နှလုံးတစ်ခုလုံးဖြင့်လုပ်ဆောင်ကြလော့။

ထို့ကြောင့်သင်တို့သည်ဘုရားရှင်ရွေးချယ်ထားသောသူများ၊ မြင့်မြတ်သောသူများ၊ ချစ်မြတ်နိုးရသောသူများ ဖြစ်သည့်အလျောက် မေတ္တာထားခြင်း၊ သနားကြင်နာခြင်း၊ နှိမ့်ချခြင်း၊ နူးညံ့သိမ်မွေ့ခြင်း၊ စိတ်ရှည်ခြင်းတို့ရှိကြ လော့။

ယေရှုခရစ်တော်သွန်သင်သော တရားတော်ကို သင်တို့အထဲ၌အပြည့်အဝရှင်သန်ပါစေ။ ဉာဏ်ပညာအမျိုးမျိုးဖြင့် အချင်းချင်း သွန်သင်လမ်းပြကြလော့။ ဆာလံသီချင်း၊ ဓမ္မသီချင်း၊ ဝိညာဉ်ရေးရာသီချင်းများကို ဘုရားရှင်အားကျေးဇူးတင်သောစိတ်နှလုံးဖြင့်သီဆိုကြလော့။ သင်တို့သည် မည်သည့်အရာကိုမဆိုပြောလျှင်သော်လည်းကောင်း၊ လုပ်လျှင်သော်လည်းကောင်း အရှင်ယေရှုခရစ်တော်၏နာမအားဖြင့်အရာအားလုံးကိုလုပ်ဆောင်ကြပါ။

အထက်ပါအရာအားလုံးထက်အရေးကြီးဆုံးအရာသည် တစ်ဦးကိုတစ်ဦးမေတ္တာထားသင့်ခြင်းပင်ဖြစ်သည်။ တစ်ဦးကိုတစ်ဦးမေတ္တာထားခြင်းသည် သင်တို့အားစည်းလုံးညီညွတ်စေသည်ဖြစ်သည်။

သင်တို့သည် ယေရှုခရစ်တော်နှင့်အတူ အသက်ပြန်လည်ရှင်သန်ထမြောက်စေပြီးဖြစ်သောကြောင့် သင်တို့၏နှလုံးသားသည် ဘုရားရှင်၏လက်ယာတော်ဘက်တွင်ထိုင်တော်မူသော ယေရှုခရစ်တော်ရှိရာအရပ်ဖြစ်သည့် ရွှေမြို့တော်ကိုလိုချင်တောင်းတမှုရှိရမည်ဖြစ်သည်။

ယေရှုခရစ်တော်ငြိမ်သက်ခြင်းအားသင်တို့၏စိတ်နှလုံးထဲတွင်ရှိစေကြလော့။ ဤသဘောအရ သင်တို့သည်ကိုယ်ခန္ဓာတစ်ခုတည်း၌ ငြိမ်သက်ခြင်း ရှိစေရမည်။ အစဉ်အမြဲဘုရားရှင်၏ကျေးဇူးတော်ကို ချီးမွမ်းကြလော့။

ထို့ကြောင့် သင်တို့သည် ကာမဂုဏ်လိုက်စားခြင်း၊ ညစ်ညမ်းသောအမှုကိုလုပ်ခြင်း၊ တဏှာစိတ်ပြင်းပြခြင်း၊ မကောင်းမှုပြုလိုစိတ်ရှိခြင်း၊ လောဘကြီးခြင်းနှင့် ရုပ်ထုကိုးကွယ်ခြင်းစသည့် ဤလောကရှိအကျင့်တို့ကို ပြုလုပ်ခြင်းမှရပ်တန့်ကြပါ။

အဘယ်ကြောင့်ဆိုသော်သင်တို့သည်သေလွန်ပြီးပြီဖြစ်၍ သင်တို့၏ဘဝအသစ်မှာ ယေရှုခရစ်တော်၏ လက်ထဲတွင်ဝှက်ထားလျက်ရှိသောကြောင့်ဖြစ်သည်။

သိုသော်ယခုတွင်သင်တို့သည် ဒေါသထွက်ခြင်း၊ စိတ်ဆိုးခြင်း၊ မုန်းတီးခြင်း၊ စော်ကားပြောဆိုခြင်း၊ ညစ်ညမ်းသောစကားများကိုပြောဆိုခြင်းစသည့်အကျင့်များကို ဖယ်ရှားကြလော့။

တစ်ဦးနှင့်တစ်ဦးမလိမ်လည်ကြနှင့်။ သင်တို့သည်ထိုအကျင့်များနှင့်တကွသင်တို့၏လူဟောင်းကိုချွတ်ပစ်ပြီး လူအသစ်ကိုပြောင်းလဲဝတ်ဆင်ကြပါ။ သင်တို့သည် သင့်အား ဖန်ဆင်းသောသူကဲ့သို့ဖြစ်လာသည်။ ထိုအသစ်သောအသက်တာသည် သင်တို့အားဘုရားရှင်၏စစ်မှန်သောအသိဉာဏ်ပညာကိုပေးတော်မူသည်။

လင်ယောကျာ်းသည်လည်း ဇနီးမယားကို ဆူပူသောင်းကျန်းခြင်း မပြုရ။ သူတို့အပေါ်ချစ်မြတ်နိုးကြပြီး နူးညံ့သိမ်မွေ့ခြင်းရှိရမည်။

သားသမီးတို့သည်လည်း ဘုရားရှင်နှစ်သက်တော်မူသည့်အတိုင်း အရာခပ်သိမ်း၌ သင်တို့၏မိဘစကားကိုနား ထောင်ကြလော့။

ဇနီးမယားတို့သည် လင်ယောကျာ်းတို့၏အုပ်စိုးခြင်းကိုခံယူကြလော့။ အဘယ်ကြောင့်ဆိုသော်၎င်းသည် ဘုရားရှင်၏နောက်လိုက်ပြုမူနေထိုင်သည့်အပြုအမူပင်ဖြစ်သည်။