Népszerű bibliai igeversek innen: Matthew 7

Megosztás

Byddeð ⁊eow beoð geseald. secheð ⁊ge hit findeð. cnokieð ⁊eow beoð untynd.

Witodliche ælch þare þe bit he onfehð ⁊se þe sechð. he hyt fint, ⁊þan cnokienden beoð untyned.

Eornestlice ælch þare þe þas mine word gehereð ⁊þa werceð beoð gelic þam wisen were se his hus ofer stan getymbrede.

Eornestlice ealle þa þing þe ge willen þæt men eow don. doð ge heom þæt sylfe. þæt ys soðlice lage ⁊witegena bebod.

Eala hu nara ⁊hu angsum ys þæt geat ⁊se weig. þe to lyfe gelæt ⁊swiðe feawe synde þe þanne weig findeð.

Ganged enn þurh þæt narewe geat. forþan þæt geat ys swiðe wid ⁊se weig is swiðe rum þe to forspillendnysse gelæt ⁊swiðe manige synde þe þurh þane weig fareð.

Eornestlice nu ge þe yfele synt cunnan god eowre bearnen syllen. mycele ma eowre fæder þe on heofene ys sylleð god þan þe hine biddað.

Nellen ge demen. þæt ge ne syen fordemde. Witodlice þam ilcan dome. þe ge demeð. eow beoð gedemed ⁊on þam ylcan gemette þe ge meteð. eow beð gemeten.

⁊ælch þare þe gehyrð þas mine word ⁊þa ne werceð. se beoð gelich þan desien men. þe getymbrede hys hus ofer sandchisel.

To hwi gesihst þu þæt mot on þines broðer eagen ⁊þu ne gesihst þanne beam on þinen agenen eagen. Oððe humæte cwæðst þu to þine breðer. broðer þafe þæt ic ut do þæt mot of þinen eagen. þonne se beam beoð on þinen agenen eagen.

Warnieð eow wið leasan witegen þe cumeð to eow on sceapene kertlen. ac hyo beoð innenan reafiende wulfas. Fram heora wæstman ge hyo undergyteð. Cweðst þu. gadered man winberian of þornen. oððe fïcepple of þyrncinum.

Swa ælch god treow byrð gode wæstmes ⁊ælch efel treow byrað yfele wæstmes.

Ne mæg þæt gode treo beren yfele wæstmes. ne þæt yfele treo gode wæstmas.

Ælch treow þe ne bered godne wæstme. syo hit forcorfen ⁊on fer aworpen.