Népszerű bibliai igeversek innen: MATHE 7

Megosztás

«Mho' ge'. houg: lang" nanu" yo" yu goo" wa. Shoo: ge'. houg: lang" nanu" shau" myang goo" wa. Ko' ge' houg: lang" nanu" shid re" khoem" phang byid: wa.

Khasu" wim gari mho' mo, hang" we' yo" yu shoo: mo, we' shau" myang. Ko' nyid mo, ri we khoem" hpang byid.

«Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.

«Subi" nanu" ri pang" thoug byid: wa nanu" vho: nyid ziyo' dakhyoo" ti"- subi" ri we' nanu" cang pang" thoug ge'. Hau: da" zigi toung: to" da" tarha" yo"- lapi: yi da" dang: gung nyang: nghoid bye.

Apyaid' atoo: kangso' dei da: khyoo moo ju" da" khoem" duang: yo" khyoo: gi soo" soo" jhab' yoo mo shau" sho: vang loo" mo, atham.

«Jhab' da" khoem" duang: khyo" vang loo ge'. khasu" wim gari joem: lo" jang" moo ju" yhe: da" khoem" duang: gi gye" lam: ziyo'- khyoo: we' gye" yhi: lei wigi houg: khyoo vang loo" mo, gye myo: ago".

Houg: su" wigi nanu" lang" akhyeing" ashoeb nyid mo, nyang: nya: da" zoo: yi ri ge da" jhung: shug se' byid: nghoid rigi hau: tho' re" je ge da" mougkhoung: tho' mo nanu" da" nya: phoo gi nyang: ri mho' mo, ri ge da" jhung: shug abyid: wa ein: go" la".

«Nanu" ri yooboo byid: dang: kho' zi ashau" baja"- subi" ri yooboo byid: dang: khoo' zi akoid: goo. Khasu" wim gari Nangnu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.

«Hid: nga" da" dang: ri shau" gyo: lho: wigi acang zei: mo, hang" nghoid loug we' nyang nya: da" yhoem: ri midcoo: dam moo koid: to" da" adu: adam: foin" da" byu yo" du nyid.

Nyang: nya: myojid" moo bo da" thang" tung" rigi amyed yu" loo:- re" mang: re" nhoung" da" myojid" moo bo da" phei" lhoug: ri cikoid: yu" nyid, go" lha". Yu" we' re" da" myojid" moo thang" tung" kaid to" lho: ‹ahain: shi"- re" da" myojid" mo phei" lhoug: yu pyam' byid: wa› ga: re" mang: nhung" phoo ri khasu" wim se' tid nyid lha".

«Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'. Nyangnu" nya: da" ashi" yo, nyangnu" ri si' wa zi nghoid. Zukyen: byab moo zabyidd" shi"- salau" gam mo shi" myho, shi" yo" phyo' yu" la".

Houg: su" wigi ge da" shi" gam moo gi ge da" ashi" zei: jo. Age da" shi" gam moo gi age da" ashi" zei: jo.

Ge da" shi" gam moo gi age da" ashi" zei: wa zi anghoid. Age da" shi" gam gi ge da" ashi" zei: wa zi anghoid.

Amo da" ashi" zei: da" shi" gam jo, moo jo, rigi thoug lheing: pyam' lho: myi: khyoem moo du" zei pyam' zi shau" nyid ago".