Népszerű bibliai igeversek innen: Лк 4

Megosztás

«Господьын Шӱлышыжӧ Мыйын ӱмбалнем – Тудо Мыйым йорло-влаклан Поро Уверым шараш шӱрен палемден, тодылалтше кумылан-влакым тӧрлаташ колтен. Кучен петырыме-влаклан эрыкыш колтымо нерген, сокыр-влаклан шинчашт почылтмо нерген увертараш, индыралтше-влакым эрыкыш лукташ, Господьын порылык ийже толын шумо нерген увертараш Тудо Мыйым колтен».

Иисус вашештен: «Мый дечем кораҥ, сатана! Возымо: ”Шке Господь Юметлан, сукалтен, вуйым саве, ик Тудланак веле служитле”».

Иисус вашештен: «Возымо: ”Айдеме кинде дене гына огыл, а Юмын кажне шомакше дене ила”».

Святой Шӱлыш дене темын, Иисус Иордан эҥер деч пӧртылын, да Тудым Шӱлыш ир мландышке наҥгаен.

Иисус вашештен: «Каласыме: ”Господь Юметым ит терге”».

Чыла алгаштараш тӧчымыжым пытарымеке, диавол Тудын деч жаплан кораҥын.

Вара диавол Тудым кӱкшӧ курык ӱмбаке кӱшкӧ кӱзыктен, уло тӱнян чыла кугыжанышыжым иктатыште ончыктен да каласен: «Нине кугыжаныш-влакым да нунын мо дене чапланымыштым мый Тыйын кид йымакет пуэм. Чыла тиде мылам пуалтын, а мый кӧлан пуынем, тудлан пуэн кертам. Сукалтен, Мыланем вуетым савет гын, чылажат Тыйын лиеш». Иисус вашештен: «Мый дечем кораҥ, сатана! Возымо: ”Шке Господь Юметлан, сукалтен, вуйым саве, ик Тудланак веле служитле”».

Вара сатана Тудым Иерусалимыш наҥгаен, храм леведыш тӱрыш шогалтен да каласен: «Тый Юмын Эрге улат гын, тышеч ӱлыкӧ тӧрштӧ. Возымо вет: ”Тудо Суксыж-влаклан Тыйым аралаш кӱшта: йолет кӱэш ынже шӱртньӧ манын, нуно Тыйым кидешышт нумал наҥгаят”». Иисус вашештен: «Каласыме: ”Господь Юметым ит терге”».