Népszerű bibliai igeversek innen: МАТЕЈ 7

Megosztás

“Молете и ќе ви се даде; барајте и ќе најдете; чукајте и ќе ви се отвори.

Зашто секој кој моли, добива; кој бара, наоѓа, и на оној кој чука, ќе му се отвори.

“И така, секој, кој ги слуша овие Мои зборови и ги исполнува, ќе го споредам Јас со благоразумен човек, кој ја изградил својата куќа на камен.

“И така, сѐ што сакате да ви прават луѓето, правете им и вие така; зашто тоа е Законот и пророците.“

Зашто тесна е вратата и тесен е патот, што водат во живот, и малцина се кои го наоѓаат.“

“Влезете низ тесната врата, зашто широка е вратата и простран е патот, што водат кон пропаст, и мнозина се, кои влегуваат низ неа.

И така, ако вие, кои сте зли, знаете да им давате добри дарови на своите чеда, колку повеќе вашиот Татко, Кој е во небесата, ќе им даде добра на оние, кои Го молат?“

„Не судете, за да не бидете судени! Зашто со каков суд судите, со таков ќе ви се суди; и со каква мерка мерите, со таква ќе ви се мери.“

И секој, кој ги слуша овие Мои зборови, а не ги исполнува, ќе биде спореден со безумен човек, кој ја изградил својата куќа на песок.

“Зошто ја гледаш раската во окото на твојот брат, а не ја забележуваш гредата во твоето око? Или, како ќе му речеш на брата си: ‘Дозволи ми, да ти ја извадам раската од твоето око; а, пак, ете, во твоето око има греда?’

“Пазете се од лажните пророци, кои ви доаѓаат во овча облека, а внатре се грабливи волци. Ќе ги препознаете по нивните плодови. Се бере ли грозје од трње, или смокви од чичка?

Така, секое добро дрво раѓа добри плодови, а лошото дрво раѓа лоши плодови.

Не може добро дрво да дава лоши плодови, нити лошо дрво да дава добри плодови.

Секое дрво, ако не раѓа добри плодови, се сече и се фрла во оган.