Népszerű bibliai igeversek innen: Mi cilima 8

Megosztás

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni. Hali ki tinga n baa yaa ye, Ti jaadi leni u jetaagu, Ti wadi leni ku tontongu, Ku siagu leni li fali, U yensiinu leni ku ñiagu kan gbeni.»

Nowe den maa li padibinbinli o Diedo po. O den gandi ti yandi leni i nuani siiga yaaba n ŋani ki padi a padijuukaana li padibinbinli po.

U Tienu den tiadi Nowe, ti moayandi leni ti denyandi yaadi n den ye leni o ku ñinbiagu nni kuli po. U Tienu den teni ke u faalu figi ki tinga nni, ke mi ñima ñuudi ki wadi.

Ku yenjuagu, ki kpaajiega den guani o kani ki babi olivie tibu faagu o ñoabu nni. Lanwani, Nowe den bandi ke mi ñima den wadi ki tinga nni.