Népszerű bibliai igeversek innen: Mataayo 26

Megosztás

Mwiyangarre, na mosaasaame Waryobha, okore motakaashe mushaashwe. Enkoro eratora ököghömërrya ukushaashwa, kasi inyanko, nö-möbhërë.”

Ho yaamarrë, akabhatëëbhya igha, “Enkoro iyaane ebhaabhayëëyë bhököngʼu, kya hano nkaakwa. Mwikare hano, mwiraarerre hamwë na öni.”

Akasuntara mbere hake igho, akairekera hansë bhubhuumaayë, akasaasaama Waryobha igha, “Taata, hano oraanyoore obhotoro bhooho, unduusiri-ho engʼana eno, kasi otakaakora kya bhono öni nkutuna, okore bhono uwe ukutuna.”

Ko bhoora ghano ngo amaanyinga aghaane agha Imuuma, ghano ghareeteke ko okoghera iya ukwabhera abhantö ëbhëbhë ibhyabho.

Yëësu akaghegha omokaate, akakumya Waryobha, akaghobhotora, akahaana abheegha abhaaye. Akabhatëëbhya igha, “Mogheghe moraaghere, ghono ngo ömöbhërë ughwane.”

Akaghegha ghwiki ekekombe keno kyaarë na idivai. Akakumya Waryobha, akahaana abheegha abhaaye. Akabhatëëbhya igha, “Mogheghe idivai eno, munywe bhonswe igho.

Mbe, hano Yëësu yaakyörrë, akanyoora abheegha abhaaye bharaayë. Akabhöörya Peetero igha, “Mökërrwë ukwiraarerra kora esa ëmwë iyeene igho?

Keno nkobhatëëbhya ni-igha, tindinywa ghwiki idivai okohekera urusikö rono ndinywa idivai eehya hamwë na bhëënyu ko-Bhokama ubhwa Taata.”

Mbe, Peetero akahiita amangʼana ghaara Yëësu yaamötëëbhëri igha, “Noraashe unyikaane katatö setaraaraghora.” Akarishoka kebhara, akakuura bhököngʼu.

Mobhooke toghende. Tamaaha, ömöntö ono anyërëëyë inikö haangʼë arë.”

Kasi Yëësu akamötëëbhya igha, “Kyörya umushonge ghuyö mu-kishööghö, ko bhoora abhantö bhonswe igho bhano bhakokenyerra imishonge, ni-mishonge gherebhaita.