Népszerű bibliai igeversek innen: उत्पत्ति 27

Megosztás

परमेश्‍वरजी मुउँइँले शीतमैं कुल्मिंरिगे धै क्हिए म्रोंर ल्हें रा-रोमैं रोरिगे। ह्रें-ह्रेंर्बै म्हिमैं क्हिए केब्छैंमैं तरिगे, चमैंइ क्हि फ्योरिगे। क्हिए आघेंमैं-अलिमैंए फिर क्हि क्ल्हे तरिगे, झाइले क्हिए आमाउँइँले योंबै सन्तानमैं क्हिए ओंसों कुररिगे। क्हिए फिर सराप झोंब्मैं ताँनइ सराप योंरिगे, झाइले क्हिए फिर आशिक पिंब्मैं ताँनइ आशिक योंरिगे।”

छबिमा एसावइ बिइ, “चए मिं याकूब थेंब ठिकन् मुँन! च बेल्‍ले स्योर तेबै म्हि ग। तोगो चइ ङने ङ्हिब्ले स्योर तेल् खाँइ। ओंसों चइ ‘च्ह थेबइ योंबै हग’ ङउँइँले किंवाँइ। तोगो या ङइ योंल् त्हुबै आशिक स्योर तेसि बोयान। ओ आबा, ङए ल्हागिर क्हिइ आशिक घ्रि या आथेंइमुँ वा?”

झाइले चए आबा इसहाकइ बिइ, “क्हिए ल्हागिर मुउँइँले शीत आयु। क्हिए म्रोंर्बै स या छ्याँब् तरिब आरे। क्हि सेलाँए भरर सोब्मुँ, धै क्हि अलिए केब्छैं तब्मुँ। दिलेया ङ ‘क्हिए केब्छैं आङिं, क्हिए न्होंर ङ आटि’ बिसि चए न्होंरउँइँले क्हि स्योब्मुँ।”

एसावइ आबाने धबै बिइ, “ओ आबा, क्हिने बालु आशिक च्हग मत्‍त्रे मुँ रो वा? ङलाज्यै या आशिक पिंन् बिसि” एसाव थेबै कै तेसि क्रोइ।