Népszerű bibliai igeversek innen: Рацыд 31

Megosztás

«Хъусыс, Ӕз басидтӕн Иудӕйы хӕдзарвӕндагӕй Хуры фырт Урийы фыртмӕ, Бецалелмӕ. Схайджын ӕй кодтон Хуыцауы Удӕй — скодтон ӕй куырыхон, радтон ын зонд, зонындзинӕдтӕ ӕмӕ алы куыстмӕ дӕсныдзинад. Уый дӕсны у сыгъзӕрин, ӕвзист ӕмӕ ӕрхуыимӕ архайынмӕ, зоны дуртӕ кӕрдын ӕмӕ сӕ фӕлгӕты ӕвӕрын, арӕхсы хъӕды куыстмӕ дӕр, алцӕмӕ дӕр у дӕсны.

«Израилӕгтӕн зӕгъ, цӕмӕй Мын ӕххӕст кӕной Мӕ сабаты уагӕвӕрдтӕ. Мӕ сабат Мӕн ӕмӕ сымах ӕхсӕн фӕлтӕрӕй-фӕлтӕрмӕ нысан у, цӕмӕй уӕ зӕрдыл дарат, Ӕз — Дунедарӕг — сымахӕй Мӕхицӕн уаз адӕм кӕй скодтон, уый.

Израилӕгтӕ ӕххӕст кӕнӕнт сабаты уагӕвӕрдтӕ, бӕрӕг кӕнӕнт сабаты бӕрӕгбон фӕлтӕрӕй-фӕлтӕрмӕ. Уый уӕд мыггагмӕйы нысан Мӕн ӕмӕ уыдоны ’хсӕн. Уымӕн ӕмӕ Дунедарӕг ӕхсӕз бонмӕ сфӕлдыста арв ӕмӕ зӕхх, ӕвдӕм бон та ӕрӕнцад Йӕ алы куыстӕй ӕмӕ улӕфыд».