Népszerű bibliai igeversek innen: Romnima 12

Megosztás

Di chɛliya ka yi bebu be kaman dunia ŋɔ nim’ bebu, amaa chɛliya ka yi bebu zaa taɣi, yi tɛha ni leei tɛhi’ pala la zuɣu, ka lala chɛ ka yi tooi baŋ Naawuni yubu din nyɛ din viɛli mini din tiɣir’ o nini ni din be tibi la.

Dinzuɣu m mabihi, Naawuni ni zɔn ya nambɔɣu zuɣu, n kpamdi ya jaande ni yi zaŋ yi niŋgbuna kaman sar’ nɛɔŋ din be kasi ka tiɣiri Naawuni nini la n-ti ŋun’ Naawuni. Dina n-nyɛ jɛmbu maŋli Naawuni sani.

Maliya suhupiɛlli yi tahima niŋbu puuni; ka maliya suɣilo yi muɣisigu nyabu ni; ka kul suhimiya Naawuni.

Di chɛ ka tuun’ biɛ’ shɛli nyaŋ a, amaa nyin’ zaŋmi zaɣ’ suŋ niŋbu nyaŋ zaɣ’ biɛɣu.

Yumiya taba kaman mabi’ yinsi la, ka timiya tab’ jilima viɛnyɛliŋga.

Chɛliya ka yi yurilim nyɛ yurilim maŋli. Di niŋ kamaata ni yi je din bie, ka gbibiya din viɛli kirikiri.

Di yi ni nani, yin’ chɛliya ka yi mini sokam ʒini ni suhudoo.

N yurinima, di bɔhiya biɛri yi toli, amaa chɛliya biɛri bɔhibu tila Naawuni ŋun su tibidarigibo yɛla ŋɔ, dama di sabiya ni ti Duuma yɛliya, “Mani n-su biɛri bɔhibu, m mi shiri ni bɔhi biɛri labisi.”

Di nyɛnya gbinnyaɣinima, amaa lee tummiya ni yi suhuri zaa, ka jɛmmiya ti Duuma.

Naawuni ni niŋ alibarika shɛli niŋ n ni zuɣu, n kpamdi yi zaa jaande ni yi ni so di tɛhi ni omaŋmaŋ’ bebu gari o bebu ni nyɛ shɛm, amaa lee tɛhimiyala nimmoo tɛha, ka zahimmiya yimaŋa viɛnyɛliŋga kaman Naawuni ni ti sokam yɛda shɛm.

Di bɔhiya so biɛri, amaa tummiyala din viɛla ka sokam zaa nya.

Benya ni suhu yini ni taba; di lihiya ʒiɛm so, amaa zaŋmiya yimaŋ’ tabili tarimba; di kuuniya yi baŋsim.

Di lan sabi Naawuni Kundi ni yaha, “Kum yi wum a dima, nyin’ dihim’ o; ka kɔnyuri yi wum o, nyin’ nyuhim’ o; dimbɔŋɔ niŋbu ni chɛ ka vi gbaag’ o.”

Suhimiya Naawuni daalibarika n-tim’ bɛn niŋdi ya alaka; chɛliya ba turi, ka kul suhimiyala Naawuni daalibarika tim’ ba. Bɛn mali suhupiɛlli, yin’ pahimiya bɛ zuɣu m-mali suhupiɛlli; bɛn fabinda, yin’ pahimiya bɛ zuɣu fabili.

Sɔŋmiya Yisa nyaandoliba bɛn be wahala ni, ka niŋmiya saani.

Ninsal’ niŋgbuŋ ni nyɛ zaɣ’ yini, amaa ka mali yaɣ’ bɔbili ka di zaa tuma bi nyɛ yim la, lala n-nyɛ ti gba: Ti galisiya, amaa ti nyɛla niŋgbun yini Masia ni, ka ti zaa yinoyino nyɛ niŋgbuŋ yini maa yaɣ’ shɛŋa.