Népszerű bibliai igeversek innen: 2 Mga Taga-Corinto 4

Megosztás

Kay wala kami magtan-aw sa mga butang nga makita, kondili sa mga butang nga dili makita kay ang mga butang nga makita dili molungtad ug dugay apan ang mga butang nga dili makita walay kataposan.

Tungod niini wala gayod kami kawad-ig kadasig. Bisag nag-anam nag kahugo ang among lawas, ang among espiritu gilig-on adlaw-adlaw. Ug kining gamay ug lumalabay nga kalisdanan nga among giantos naghatag kanamog labihan kadako ug walay kataposang himaya nga labaw kaayo kay sa mga kalisdanan.

Gisakit kami sa tanang paagi, apan wala gayod mapukan; naglibog apan wala gayod kawad-ig paglaom. Gilutos kami sa mga tawo apan wala gayod biyai sa Dios ug bisan tuod gidagmalan sa makadaghan, wala kami mamatay.

Apan kami nga nagbaton niining espirituhanong bahandi nahisama sa mga kulon nga hinimo gikan sa lapok aron sa pagpakita nga ang labing dakong gahom iya sa Dios ug dili amoa.

Dili sila motuo niini tungod kay gibutaan man sa dios niining kalibotana ang ilang mga hunahuna. Busa dili sila makakita sa kahayag sa Maayong Balita mahitungod sa himaya ni Cristo nga mao ang sibo nga dagway sa Dios.

Ang Dios nga miingon, “Gikan sa kangitngit modan-ag ang kahayag!” mao ang Dios nga nagpadan-ag sa iyang kahayag sulod sa atong kasingkasing aron paghatag kanato sa kahibalo mahitungod sa himaya sa Dios nga nagdan-ag diha sa nawong ni Cristo.