Népszerű bibliai igeversek innen: Эвел 42

Megosztás

Чвйири чиб-чпиз гъапи: – Рябкъру гьялнаан, Заанури ихь гъардшин жазайикк ккаънахьу. Дугъу ухькан аман-миннат апӀурайи вахтна дугъахъ хъпехъундайхьа ва магьа гьамус бедбахтвал ихь кӀулʼина гъафийихь.

Гьюкуматдин аьхювал апӀурайир Юсуф вуйи. Гьадму вуйи гьюкуматдиъ вари халкьдиз рузи масу туврайирра. Юсуфдин гъардшар гъафиган, дурари дугъаз жилиинакьан икрам гъапӀу.

Юсуфдиз гъардшар, гъяркъюбси, аьгъю гъаши, аммаки, чаз дурар аьгъдру мисал дапӀну, думу дурарихъди ижмиди улхуз хъюгъю. – Наънан гъафидар вучва? – гьерхру дугъу. – Ханаан жиларилан, – жаваб туву дурари, – ипӀруб гъадабгъуз.