Népszerű bibliai igeversek innen: Matiw 7

Megosztás

“Kunitougs, mo bisekeimiy; kunineivs mo bukuba̱nes. Kugipits, mo bikaliyow nakoukwed pinamiy yakamiy.

“Tasiyas gog tannitougs ikokews sivavag; tasiyas taninineivs mo biba̱nes sivavag, o tasiyas taggipits, mo bikaliyow koukwed pines tasiyas.

“Kal yak bukuligen aygag, bukwanow, ya̱koum mamagina tassinap teitan; towen niwlul nabunatum dakul wakunuwatan. Iwlul ikous, kweis mo ikweis avakaein, yevagam ila̱tay, yag avakaein itow, tage nag igulek bwan towen, peinan niwlul dakul wakunuwatan.

“Aveiyag sivinamiy va̱gan gamag biva̱ges wasigeis yakamiy, kadiloka kuva̱ges ma̱wan wasigeis tasiyas. Moses siney kweiboug palopits sikaleiwag ma̱wan.

“Kusiws koukwed kabkakit waseg, peinan diginasim kidenen avakaein, awkwedan baba̱yay, gamag babaw isowsiws, inounas waseg; tage mwamov kidenen kabkakit, awkwedan kabkakit, gamag na-ibabaws bisousiws makadewen ked.

“Kusiws koukwed kabkakit waseg, peinan diginasim kidenen avakaein, awkwedan baba̱yay, gamag babaw isowsiws, inounas waseg; tage mwamov kidenen kabkakit, awkwedan kabkakit, gamag na-ibabaws bisousiws makadewen ked.

“Yakamiy takalbalebs yakamiy kukwakins youd bwein bukusekes nitimiyas; singay gog Tamads wanakaew bisekeimiy youd bwanabwein, magat bukunitougs waseg.

“Awoum kudibek soum, kulana, ‘Yak kalbaleb yak.’ Adok Yowbad mo bidibakeim ma̱wan. “Mikaleiwag waseg bukwalawages simiyas, Yowbad ma̱wan mo bikaliwageimiy yakamiy. Magat mukwaleiwag kalbaleb wasigeis simwey. Yowbad mo bikaleiwag ma̱wan waseg ya̱koum. Kukin gog bwein. Yowbad mo bikaleiwag bwanabwein waseg ya̱koum.

“Kal yak bukuligen aygag, bukupiyev, ya̱koum mamagina takabala̱wein teitan, towen niwlul nabunatum walekel. Iwlul ikous, kweis mo ikweis avakaein, yevagam ila̱tay, yag avakaein itow, ikalouw bwan towen, singay nuwanaw angwelek.”

“Adok kukin soum matan musamusan kakit nises, tage nag kukwakin amweilok avakaein wanuwan matam yak nises. “Kulivan kid, kudibek soum, kulana. ‘O musamusan wamatam nises, bakablev’; tage amweilok avakaein matam tatoneim wanuwan nises. “Tayyaweid yak! Kwablev amweilok towen wamatam nises. Ikous, wankuyeim mo bukukinbunik va̱gan bukwablev musamusan towen, soum wamatan.

“Kuvna̱semiy, awoum kuliganes ages palopit tasiyas tayyaweids, tasiyas igaw bisaps wasigeis yakamiy, askakin ma̱wana sip, tage wanuwes ma̱wana awuk nakananeiy. Igaw bukukines siwotet mo bukukwakins asisinap bwein, o nag, kalbaleb. Peinan gamag ma̱wana kay. “Adilaboub nag beivag gleip anagin, o ayliluweis nag beivag yaveinun anagin, nag.

“Kukin amweilok bwein, mo beivag anagin bwein; kukin gog kalbaleb, mo kalbaleb anagin. Mapun alana, ‘Bukukines siwotet mo bukukwakins asisinap ama̱wan.’

“Ta-ma̱wan kay bwanabwein beivag anagin kalbaleb, nag. Ta-ma̱wan kay kalbaleb beivag anagin bwein, nag.

“Kay kasiyas nag beivag angis, bo beiteiys bilaves bein wa̱kov.