Gebede Om Jou Hart Te SeënEgzanp

Gebed tydens swaarkry

In my is daar duisternis, maar by U is daar lig; ek is eensaam, maar U verlaat my nie; ek is swak van aard, maar by U is daar hulp; ek is rusteloos, maar by U is daar rus.

In my is daar bitterheid, maar by U is daar geduld; ek verstaan nie u weë nie, maar U weet wat die regte pad vir my is.

Here Jesus Christus, U was arm en in nood, ’n gevangene en net so eensaam soos ek.

U ken al die mens se probleme; U bly by my wanneer alle mense my in die steek laat; U onthou my en soek na my; dit is u wil dat ek U moet ken en my tot U moet wend. Here, ek hoor u roepstem en ek volg U; help my.

-DIETRICH BONHOEFFER