Matayo 1
1
Yesu Kristo mí pbúw tey Abrahamu róddù pbǔw Yusufu ró
(Lwk 3:23-38)
1Í nì Yesu Kristo mí pbúw tey, Pey Dawuddi ó ddèy, cha ndèy tdè Abrahamu ó ddèy nì.
2Abrahamu tdè Isaka mí djǎnì,
Isaka tdè Yakobbo mí djǎnì,
Yakobbo tdè Yudda mí djǎnì ndèymí àmí djúní nà.
3Yudda tdè Pereza mí djǎnì ndèymí Zera nà, cha ídhí yânì tdè Tamara nì,
Pereza tdè Ezroni mí djǎnì,
Ezroni tdè Aram mí djǎnì,
4Aram tdè Aminadabu mí djǎnì,
Aminadabu tdè Nason mí djǎnì,
Nason tdè Salimon mí djǎnì,
5Salimon tdè Bowaz mí djǎnì, cha ndèymí yânì tdè Rahab nì,
Bowaz tdè Obed mí djǎnì, cha ndèymí yânì tdè Ruta nì,
Obed tdè Yese mí djǎnì,
6ndèymí Yese tdè pey Dawuddi mí djǎnì.
Dawuddi tdè Sulemani mí djǎnì, cha ndèymí yânì tdè Uriya ngá dza-yà nì,#1:6 2 Samueli 11:1–12:25.
7Sulemani tdè Rehoboam mí djǎnì,
Rehoboam tdè Abidja mí djǎnì,
Abidja tdè Asa mí djǎnì,
8Asa tdè Yehosafat mí djǎnì,
Yehosafat tdè Yorama mí djǎnì,
Yorama tdè Uziya mí djǎnì,
9Uziya tdè Yotam mí djǎnì,
Yotam tdè Ahaz mí djǎnì,
Ahaz tdè Hezekiya mí djǎnì,
10Hezekiya tdè Manasi mí djǎnì,
Manasi tdè Amoni mí djǎnì,
Amoni tdè Yosiya mí djǎnì.
11Yosiya tdè Yekoniya mí djǎnì ndèymí djúní nà. Fú ddiy-dzzdjú Babeli ó bbalè shì Israeli-ddúw djòluw ndèymí ndrǔ lôw Israeli-ddúw à rǎ dey Babeli mí ngòw ò.
12Babeli ò ka mbà tdè ndrǔ ddiy-dzzdjú,
Yekoniya tdè Saltiyel mí djǎnì,
Saltiyel tdè Zerubabeli mí djǎnì,
13Zerubabeli tdè Abihud mí djǎnì,
Abihud tdè Eliyakimu mí djǎnì,
Eliyakimu tdè Azor mí djǎnì,
14Azor tdè Sadoki mí djǎnì,
Sadoki tdè Ahim mí djǎnì,
Ahim tdè Elihud mí djǎnì,
15Elihud tdè Eliyazar mí djǎnì,
Eliyazar tdè Matan mí djǎnì,
Matan tdè Yakobbo mí djǎnì.
16Yakobbo tdè Yusufu mí djǎnì, cha ndèy tdè Mariya mí dza-dja nì. À gòw Yesu cha ka îy tdè Masiya#1:16 Njàddí mí lò-tey nì Mesiya. “Kristo” Griki ndèymí “Masiya” (Ebreniya) rwo túw mí lò-tey nì “Vìydha ní li” verse 25 ó ddí. ní nì.
17Fú ddiy dhò, Yesu mí pbúw tey tdè dri ndèy djú tho nì nà, à ngà ndèy Abrahamu róddù rà shì Pey Dawuddi ró. Dawuddi róddù rà shì Israeli-ddúw ka mbà tdè Babeli ò mí nga djò, pbúw tey tdè ddí dri ndèy djú tho nì nà. Babeli ò ka mbà tdè ndrǔ mí ngà djúddù pbǔw rà shì Masiya ka gòw mí nga djò, pbúw tey tdè dri ndèy djú tho nì nà.
Yesu cha ndèy nì Masiya nì gòw tdè ndèy ddiy
(Lwk 2:1-7)
18Í nì ŋǎchú Yesu Kristo, cha ndèy nì Masiya nì, mí gôw tdè ddiy. Yusufu jì tdè ndèy kǒw Mariya ro, chú dêy nzá ndrǔ gbâ tdè ì ddìngaó ní, à chùw tdè ndèy zz̀ Bblǒ Thíy mí klôw nà. 19Yusufu àmí kpatss̀ tdè chǒw ní li. À jì tdè nzá ndèy nyá do à djú bbalè kàó. Fú ddiy dhò, à ddêy tdè ndèy léy mí ków dhá nzá bbalè tsì ní.
20Yusufu tdè í lò ddey mí nga nà, Ddrǒngóli ngá malayika dhò ndèy à dhò nyu òluw. À tdrà, “Yusufu, pey Dawuddi mí Ddùwnì, nzǐ déy do nà Mariya kòwdha dhò nyǐngá dza-yà ní. À ó ndèy nì nì ngba à chùw Bblǒ Thíy mí klôw nà. 21À rà kpatss̀ ní ngbà gòw. Nyi rà à ró dho iy Yesu,#1:21 Yesu. Yesu mí lò-tey nì, Ddrǒngóli pá nì. ddiydhò à rà nděyngá bbalè pá ìdhí cherr óddù.”
22Í ddiy wánì njèy tdè ndèy, ndaní cha Ddrǒngóli tdrà tdè nabi tsò ró nì lò njěy ndèy dìchú. 23Nabi tdrà tdè í ddiy, “Nzá njà kpa nì sǐngba ní ngbà rà ndèy zz̀ chùw ndèymí à rà kpatss̀ ní ngbà gòw. Bbalè rà à ró dho íy Emanueli ní.”#1:23 Isaya 7:14. Mí lò-tey nì, “Ddrà nì mà nà.”
24Yusufu chì tdè ro, à njèy cha Ddrǒngóli ngá malayika jà tdè ndèy dhò nì ddiy ndèymí à kâ Mariya tduw ndèy dhò dza-yà ní. 25Chú à ddù tdè Mariya nà nzá pbǔw à gòw ndanà ddùwnì ddiy ò. Yusufu lêy à ró dho Yesu.
Chwazi Kounye ya:
Matayo 1: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved