EXODO 22
22
Mga Kasogoan nahanungud sa Pagpasag-uli
1“Kon ang tawo magkawat sing baka ukon carnero, kag mag-ihaw sini ukon magbaligya sini, magabayad sia sing lima ka baka tungud sa isa ka baka, kag apat ka carnero tungud sa isa ka carnero.
2“Kon ang makawat makita nga nagaguhab, kag ginpilas sia sa bagay nga mapatay sia, wala sing sala sa dugo tungud sa iya: 3apang kon maadlawan sia, may sala sa dugo tungud sa iya. Magauli sia; kon wala sia, niyan ibaligya sia tungud sang iya ginkawat. 4Kon ang ginkawat masapwan nga buhi sa iya kamut, bisan ini baka ukon asno ukon carnero, magabayad sia sing pilo.
5“Kon ang isa ka tawo magpahalab sa uma ukon sa katamnan sang uvas, kag magbuhi sang iya sapat kag maghalab sa uma sang iban nga tawo, magauli sia gikan sa labi gid kaayo sang iya kaugalingon nga uma kag sang iya kaugalingon nga katamnan sang uvas.
6“Kon magdabdab ang kalayo kag magmakut sa katunukan sa bagay nga masonog ang tumpi ukon ang alanyon ukon ang uma, ang nagsindot sang kalayo magauli sing bug-os.
7“Kon ang isa ka tawo maghatag sa iya isigkatawo sing cuarta ukon pagkabutang sa pagpatago, kag kon kawaton ini sa balay sang tawo, niyan, kon makita ang makawat, magabayad sia sing pilo. 8Kon ang makawat indi makita, ang tag-iya sang balay paatubangon sa Dios, sa pagtan-aw kon bala wala niya matandug ang mga pagkabutang sang iya isigkatawo.
9“Sa tagsa ka bagay sang paglapas, kon nahanungud sa baka, sa asno, sa carnero, sa panapton, ukon sa bisan ano nga bagay sang butang nga nadula, nga ginasiling sang isa, ‘Amo ini,’ ang kasuayon sang duha nga natungdan magaabut sa atubangan sang Dios; ang tagudilian sang Dios magabayad sing pilo sa iya isigkatawo.
10“Kon ang isa ka tawo magtugyan sa iya isigkatawo sing asno ukon baka ukon carnero ukon bisan ano nga sapat sa pagpabantay, kag ini mapatay ukon masamad ukon gintabog, nga wala sing tawo nga makakita sini, 11ang sumpa sa Ginoo magapatunga sa ila nga duha kon bala wala niya matandug ang pagkabutang sang iya isigkatawo; kag ang tag-iya magabaton sang sumpa, kag dili sia mag-uli. 12Apang kon ginkawat ini sa iya, ulian niya ini sa tag-iya. 13Kon ginkusnit ini, dalhon niya ini nga saksi; dili sia magbayad sang ginkusnit.
14“Kon ang isa ka tawo maghulam sing bisan ano sa iya isigkatawo, kag ini masamad ukon mapatay, nga wala magatambong ang tag-iya, ulian niya ini sing bug-os. 15Kon nagatambong ang iya tag-iya, dili sia magbayad; kon ini ginhinakayan, masulud ini sa iya hinakay.
Mga Kasogoan nahanungud sa Tawohanon nga mga Kaangtanan
16“Kon ang isa ka tawo maghaylo sang isa ka ulay nga wala matiayon, kag maghulid sa iya, dapat sia magdote sa iya, kag mangin-asawa sia niya. 17Kon ang iya amay magdumili gid nga ihatag sia sa iya, sia magabayad sing cuarta sono sa dote sang mga ulay.#Deut. 22:28-29.
18“Dili mo pagtugutan nga magkabuhi ang manugbabaylan nga babayi.
19“Ang bisan sin-o nga maghulid sa sapat patyon.#Lev. 18:23; 20:15-16; Deut. 27:21.
20“Sia nga nagahalad sa bisan ano nga dios, luwas sa Ginoo lamang, laglagon sing totoo.#Deut. 17:2-7.
21“Dili mo paghimoan sing malain ang dumuloong ukon pagpiguson sia, kay nangindumuloong kamo sa duta sang Egipto. 22Dili ninyo pagpapiotan ang bisan sin-o nga balo nga babayi ukon ilo nga bata.#Ex. 23:9; Lev. 19:33-34; Deut. 24:17-18; 27:19. 23Kon papiotan gid ninyo sila, kag magtuaw sila sa akon, sa pagkamatuud pamatian ko ang ila pagtuaw; 24kag magadabdab ang akon kasingkal, kag patyon ko kamo sa espada, kag ang inyo mga asawa manginbalo kag ang inyo mga anak mangin-ilo.
25“Kon magpahulam ka sing cuarta sa bisan kay sin-o sang akon katawohan nga imol nga upud sa imo, dili ka magsubong nga manugpautang sa iya, kag dili mo pagpasakaan sia.#Lev. 25:35-38; Deut. 15:7-11; 23:19-20. 26Kon kuhaon mo gid man nga kalig-onan ang panapton sang imo isigkatawo, iuli mo ini sa iya sa wala pa matunud ang adlaw; 27kay amo lamang ina ang iya panabon, ini iya panapton nga sa iya lawas; sa ano bala sia magatolog? Kag kon magtuaw sia sa akon, magapamati ako, kay maloloy-on ako.#Deut. 24:10-13.
28“Dili mo pagpasipalahan ang Dios, ukon pagpakamalauton ang manuggahum sang imo katawohan.#Binu. 23:5.
29“Dili ka magpalantang sa paghalad sang imo patubas kag sang nagailig sa imo mga ipitan.
“Ihatag mo sa akon ang panganay sang imo mga anak nga lalaki. 30Himoon man nimo ini sa imo kabakahan kag sa imo mga carnero: sa pito ka adlaw magaupud ini sa iloy; sa ikawalo nga adlaw ihatag mo ini sa akon.
31“Manginbalaan kamo nga mga tawo sa akon; busa dili kamo magkaon sang unud nga kinusnit sang mga sapat#Lev. 17:15. sa latagon; ipilak ninyo ini sa mga ido.
Chwazi Kounye ya:
EXODO 22: ABHIL82
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Ang Biblia ©1982 Philippine Bible Society