Vèsè popilè nan Bib la ki soti nan YAKUBA 3

Pataje

Yɛrɛ hinmɛɛk yɔ gi fu̧u̧zig a bɛtha gii gaa gi ɗaarlɛlɛ, wɛɛ gin boolumi, saŋtimi, ɗɔɔtil rɔbo, ya̧a̧rmɛɛk gbɔɔlɛ, gi waak hinrɔb wooki, gɔ zɛmr gɛ, taa mɛlya ha̧a̧lɛ.

Bɔ gi hinmɛɛkya dubti hi hinkɛŋkya zul du a nɛ teesdu nɔ? Za̧a̧nɔ zuun hinɔ hi ɛmbilɔ rɔbo hi woosɔ wɔ gi wook hi zultiisigi an hinyɔ hinmɛɛkɔ dubt bɔ kpoos du gisig goko.

Dood wɔ hi kamzig boolum a dood tees di, dɔ̧ɔ̧t yɔ hi dɔ̧ɔ̧k hi boolumi, gɔ bɛɛ pirko, tɔɔ gaa humlɔ gɛ hinriiti.

Ya̧a̧nɛ lɛlyɔ lɔlha̧a̧l gi ge hi ka̧a̧si, lɛl-ha̧tirgo hi woos ha̧a̧l zaadɛ sɔmsɔm hi gi ge be.

Wɛ gi baanik Baa wɛ Waar Bɛto hi mɛl yɔ ya̧a̧ du, wɛ wɛɛ wɛ gi boonik gii doo yɔ ki̧y an Bɛt ritinsɔ an boot gi wa̧a̧ge. Rɔbsɛ hi booto hi tuuk a ya̧a̧ gbuna bɔ gedu. Yɛ̧ɛ̧ mi wɛ! Bɔgi gi anbɔ a nɛ teesdu, bɛr gɛ!

Mɛl yɔ ya̧a̧ du gi an laayɔ. Gin ha̧a̧l yɔ gi sɛw, mɛlyɔ ya̧a̧ du gi a muul du gi gaak muul ha̧a̧lɛ, gi ha̧tirgo muul wɛ sɛw gig kpɔɔk hi laa yɔ fu̧u̧z a ya̧a̧rhant lɛl du.

Mɛl ɔnɛ doo za ɗɛ̄ɛ̄ an gi ɛ̧ɛ̧nig gɛ. Mɛl gi hinha̧a̧l yɔ gɔ tā̧ā̧ kɔmbik gɛ. Hi̧i̧s ɗɔŋk yɔ gɔ gbɔm doo giya.

Yɛ̧ɛ̧dɛ mi wɛ, bɔ̄ dood kit a nɛ teesdu hi wɛɛ hingok- yaadɛ. Ya̧a̧nɛ nɛ mɛɛ a wɛ́ɛ́ hingokya wɔ hi gbààsɛ dɔgl gi daar dood zaadɛ ya̧nɛ daarɔ.