Vèsè popilè nan Bib la ki soti nan Madcos 5

Pataje

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Adec nidannenubien ambobi chido abentsëc seta 12ted matanmec intac mëyanec nacchoadquid icpanëdash. Dauë choquidën dauë meniaid chequi bëdanenquio icpanëdash. Aton piucquid uesquin menequin dauë bedshun chequi bëdanenquio yec intac nuambo yampanëdash.

Aton intac bëdantiapimbo icbuedi Esusën dashcute cuëma mishec bëdampanëdash. Adash: Umbi tantiacpadquiequi bëdanobi, quequin ambibi tantiapanëdash.

Ambo puduedshun champi mëdinquin Esusën: Tadita, cum, capanëdash. Aton onqueten: Nidto, champi, quequin adopanëdash.

Aden chiec abi onquenubi Nuquin Papan Chiaid chuibante shubun icquidon chuiquid tapa Aido cuëmëdquidën shubun icquido chochoshon: Min champi uënësoshe. Bëdambuen chuibanquin tantiamequidi ancabudenda, capanëdash. Adsho tantiashumbien Esusën niacbidanquin Nuquin Papan Chiaid chuibante shubun icquidon chuiquid tapa Aido cuëmëdquid chuiquin: Dacuëdenquio icquin ubi tantiata, capanëdash.

Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec. Adsho tantiashun Esusën: ¿Tsutsi cuëmëdquid ne? capanëdash. Adoaquien: Dadpenquioshë dapuduedaid yec Dequion nebi, quepanëdash podobitsi icsa dadpenquioshë dapuduedaid abentsëc yacbimbuec onquec.