Vèsè popilè nan Bib la ki soti nan Mata 10

Pataje

Yesu a zlepetene ŋ malaɓ anta ege wese, a ŋgaya: «Ŋghe, sa laɓzahune ana ŋtəməye ŋ taba menjernjer ege. Hune sla ka kadak kadak ata ha ŋkune ege ana zezekw, hune nja tuwah a tama hejəye ana məyɗanak ege.

Ɗala ma kaɗaw ŋ rehza ha anta aza ca, a nefətekza aza. Cemey, ɗala ma fətekza ha anta aza mavəday sa ca, a nendewzene aza.»

Hune ɗaw ŋ lalak ata hejəye ma kula ŋ ja zleykusam ŋkune ege aza, səkwaw, cemey, əy kula ŋ ja zəwet ŋkune ege aza səkwaw. Hune lalak ata Gazlavay ma kula ŋ fətekzata ata zleykusam ey zəwet aza ŋ kwahwaw ma kaŋtakw səkwaw kaw vepey.

Ɗala ma ketew mpe gafaŋgal anta ŋ səberekey askwaw ca, káhwas ŋ la ŋ ɗala naka səkwaw.

«Kaw vayay ma kazlap a tama hejəye, a ŋgaya: “Sa ɗala mala Yesu” ca, sa yam, sa nazlap a heɗe a tama Vana ma mgba ata uzlaf, sa ya: “Ara ɗala naka.” Cemey, Kaw vayay ma kazlap a tama hejəye, a ŋgaya: “Sa ɗala mala Yesu səkwaw” ca, sa yam, sa nazlap a heɗe a tama Vana ma mgba ata uzlaf, sa ya: “Ara ɗala naka səkwaw.”»

Hune rehzata hejəye ma kadawar ege aza, hune gwarzamata hejəye ma mac tata ege aza ata lamac, hune rehzata hejəye maa fagwalakw ata tata ege aza, hune gamata zəwet malula ege aza. Ɓarɓar anta ca, hune lem mala bəse, hune valza mala bəse yam.

Mavəday anta, kaw hune ɗaw ŋ lalak səkwaw, hune ca, hune pa ma day aha vəgem ma cercer ege vəram.»

Yesu a zlepetene zeney, a ŋgaya: «Hune ɗaw ŋ deŋza ca, sa ndaha ca, sa daha zəhay ŋ manhayak səkwaw. Sa kándaha mavəday, sa daha zəhay a manhayak ca, askwaw, cemey, sa daha ca, gham.