Vèsè popilè nan Bib la ki soti nan Ittẹwọr 3

Pataje

Mẹ wọ, mada kwanọng nwa ore bi, achiduk p'echi nda ajibh-ojibh k'ọchattọhk, bẹ abira anyu-onyu ka chen, ttara bi, bẹ afha anang ọnọng etzim-nonga, ọtzọkha bani ochi, obiro ọtzọkha ọnang odim kwẹ, kw'owobh mẹ ttara kẹ, odim obiro ọtzọkha ochi.

Iwa jọhk dọ edongi, ẹyọhnga nden s'ẹtzam biphyir, s'Ọvaar Ibinọkpaabyi ọkk'ọsa. Wa jọhk ẹtza ẹbọbh kwanọng nwa bi, “Ode odik-ọkka bi, Ibinọkpaabyi obeni bi, bọng aningi echi kpenamkpen m'owoni nwa achi o?”

Kaam ńge ittattaanga k'ottem kwa kọ ọmaana kwanọng nwa, ttara k'ottem kwa va pọ ọmaana va pẹ, bẹ awobha k'ittattaanga ttara ayok. Nnwa kwẹ ótzukhi eho chọ, kọ ákhimi ibhokhọkhọri sẹ.”

Ibinọkpaabyi on-oben kwanọng nwa bi, “Kaam ńttar-ọ ihem s'ideden, k'ogbe kpenamkpen kw'ám-amaan nnwa. Kaambi mẹ wọ, kọ ọm-ọdaakh-ọ bi, tte awobha abaanga odim kwọ, yina, odim wọ ọbaabh-ọ.”

Kọ ám-asi ọtzọhm maa arunga, yina ákhaama ọchattọhk f'áchi, ttẹwọr ma maa atza apyiri k'ogbe kw'ákpa nnam k'irerek, okhuri bi, bẹ atzim idọdọhbh asọ-ọ, m'idọdọhbh nnuma rani rọ s'ábira ábhakhi akpa nnam.”

Obiro oben Adam bi, “Kọ ayong kwanọng kwọ itzọhng, achi ochiduk kw'echi cha nsaan-ọ bi, aninga achi, kaam ńnang irerek ẹmma okhuri kọ. Kọ ám-are ihem s'ọtzọhm, yina áchi ọttọhk m'irek nna, k'akpen pọ biphyir.

Ọvaar Ibinọkpaabyi ọn-ọbọbh-ẹ bi, “Kọ anyi wọ ọgbaakh-ọ bi, atzim irinikhum? Akk'achiduk p'echi cha nsan-ọ, acha o?”

Mada Ibinọkpaabyi okhubhi Adam, ohok achẹrubim k'okhubha kw'ewuchen em-eyin k'owoni kw'Iden, ọmaana ọkkangkkaang kw'ode mach'okpondaak kw'ọwọm bi wuruwuru, ọbhakhi iriring okkeri k'ibe kpenamkpen, ifha bẹ akpa eden ch'echin k'echi nduma ch'ẹnangi akpen.

Wa Adam okpe kwanọng kwẹ Iv, okhuri bi, kẹ wọ óde ọkka kw'anọng biphyir p'arukhi akpen.